CCPur, August 8, 2020, Virthli (ONP): Tipaimukh MLA le PAC Chairman ni la mek- Dr. Chaltonlien Amo chun August 7, 2020 chawhnung dar 2:00 PM khan Blue Room, JJ Plaza, Rengkai Road ah Pherzawl DC- Pi Mannuamching, Pherzawl ADC- Pu Thianlaljoy Gangte, Vangai SDO- Pu Derick L. Khawbung, Parbung SDO- Pu Lalsuong Gangte, Pherzawl CMO- Dr. Phirthanglien Buhril le Pherzawl District-a mi pawimaw dang dang hai meeting neipuiin bufaktlangna a nei pui. Hi huna hin tulaia hripui inleng mek chungchangah hma lak dan ding le hma laka lo um ta hai thlirletna le hriltlangna an nei.
Hi baka hin hung tlung ding Manipur Assembly Session-a a thu put lut ding hai le thang a lak pei tum na thuah Dr. Amo chun Pherzawl District sunga department hran hran a hotuhai thurawn la khawmin hma tienga thang lak pei dan ding hai an hriltlang.
Dr. Amo chun hi huna hin party workers hai khawm ko khawmin a biel mipuihaiin sawrkara an chanvo indiktaka an chang nawk pei theina dinga hma la tlang nawk ding le kawng chi hran hran-a hma an dawm pei dan ding chungthuah inrawntlangna nei a ni bawk.
