Responsive Ad Slot

Pu David Buhril in Doctorate Degree a hmu

Saturday, June 13, 2020

/ Published by Simon L Infimate

Pu David Buhril in Doctorate Degree a hmu

CCPUR, June 13, 2020, Virthli(ONP): Pu David Buhril, Bethel, CCPur, Manipur chu Mizoram University (Central) in June 12, 2020 khan Doctor of Philosophy (Ph.D) a lo inhlan fel tah. A Doctoral Thesis chu "New Social Movements in Northeast India: Contextualizing Environmentalism in Contemporary Collective Action ti a nia, Department of Political Science-a Prof. K.V. Reddy enkaina hnuoia a thaw a nih.


Dr. David Buhril hi lekha thiem thei tak el niin Jawaharlal Nehru University (JNU), New Delhi anthawk MA le M.Phil hai tha takin a zova, chun Council of Higher Secondary Education Manipur (CoHSEM) Class XII (Arts) Exam a khawm Topper a lo ni nghe nghe a nih.

M.Phil a zo hnungin Journalist sin a thaw a, Delhi a inthawka suok hlak chanchinbu inlar tak el Northeast Sun Magazine ah kum 6 lai zet Asst. Editor sin thawin Hmar hai chanchin insoua lo ziek hlaktu khawm a nih. Kum 2007 khan India rama Journalist hai ta dinga chawimawina insangtak "Ramnath Goenka Excellence in Journalism Award" khawm famtah India President APJ Abdul Kalam kuta inthawk a lo dawng ta bawk a nih. Hnam ta dinga tangkai tak niin HSA, Hmar Inpui GHQ thuoitu hai chen khawm lo niin HPC (D) le Mizoram sawrkarin inremna lampui dapa inbiekna an nei a khawm khan pawimaw tak el a nih.

Dr. David Buhril hi tuhin Happy Heart Junior College, CCpur ah Principal sin thawin an sungkuoin Bethel ah an khawsa mek a nih.

Virthli chun a degree hmu hi a lawmpui takzet a nih.
Don't Miss
© all rights reserved
made with by Simon L Infimate