~ Lal
Dena
Hi
hla hi Thlado (June) 25, 1973 Delhi lum vanglai taka ka pu L.Keivom-jn a phuok
a nih. Khanglai hun Delhi lumzie chu centigrade 44 chuong a nih deuh ran hlak.
M.Phil (Master of Philosophy), Center of Historical Studies, Jawaharlal Nehru
University, New Delhi-ah a kum hnina dissertation ka buoipui lai a nih. JNU bus chun Conought Place bul hnai Indian
Council of World Affairs Library, Sapru House-ah ni tin a fe hlak a. Feroze
Shah Road hrawin a sak meta Curzon Road-a ka Pu L.Keivom umna External Affairs
Hostel-ah week-end zatin ka va riek hlak.
Tum
khat zantieng Pu L.Keivom sun bu fak laia thlantui le insawpa a um laia hla, a
thluk le inlang kawp nghal “Zo tlang
sangah”a hung hawn a. Zanbu fak khawpin Pu Lalzar B.Sinate-hai leh kan hang
sak a. A thluk hi a tho tha bawk. A hla thuhai khawm hi vel tam sak hman lovin
kan inzawt thei nghal.
Hi
hla hi a sak an hawih a. A bikin HSA inkhawmpui le hnam thila inkhawmna reng
renga sak a hlaw bek bek. Hi hla Saphai hlaphuok anga rhyme nei a nih a, tlar tin thumal khawm syllable pariet vawng a
nih. Tlar khat dan peiha a tawpna en la,
a ri khawm a’n ang thlap vawng.
Changkhatna tlar tawpna ‘sunga kaia’ ti
le tlar thumna tawp ‘ningtel ana’; tlar hni tawpna ‘tuonrel nitin’ ti le a tlar
lina tawpna ‘a awl ngei’ tihai hi a ri an ang vawng thlap vawng.
A
hla thu hi Hmar tawng le Sap tawng khawma sak theia Pu L.Keivom-in an let hi
zuk tarlang hmasa’ng ei tih:
Sappui
runrem sunga kaia, Trapped
in colonial edifice
Ziekfung
chela tuon rel nitin; Daily toiling with pen in hand;
Lung
a dam nawh ningtel a na, With dead boredom, suffocating,
Hai
ang tar hma reng a awl ngei. Easier
maybe to get old fast.
Zo
tlang sanga va chuong in la, Longing to fly over the hills,
Singmit
lenin thlir vel in la;
With feasting eyes, looking around;
Thalhna
virthli’n a len angin, Cares will be off like autumn leaves,
Lenhmang
a tih lungkham reng hi. At the kiss of
the gentle breeze.
Zo
tlang sanga mu ang lengin, Wishing to soar like an eagle,
Thing
tin par ang an vulnaa; Over the green blooming mountains;
Virthli
leng der derin dawi ang, The
magic wand of gentle breeze,
Damlai
lungkham thawidam a tih. Will heal all life’s worries and cares.
Hi
chang hnina chena chu hi hlaphuoktu hi duthusam ram Zo tlang sanga a leng
nuomzie ei hmuh a. Chang tawpna ruoka hin chu hi hlaphuoktu hi suongtuonain Zo
tlang sangah a um der tah a, chutaka chun um hmun khuora cham sawng a nuomzie chang
tawpnaah hin ei hmuh.
Tlangtin
ruom le zawlphai an lang, Ev’ry
hills and vales come to sight,
Sirva
partlan hlim zai vawr leh; With chirping birds jumping around;
Theichang
sien maw Zo tlang sangah, Had it ever been my own choice,
Kumtluong
runrem ka va nuom ngei. Dwell I’ll in
the hills forever.
(L.Keivom,
Translation, Thu le Hla Inlet, 2018,pp.220-221).
Vawisun
hin kei ruok chu Zo tlang sanga leng ka nuomna san chu tulaia covid-19 lei a
nih. Tv, whatsapp, facebook, youtube le newspapers, national le foreign news
chen online-a ei zuk en leh, covid leiin chu zat kha zat an kai an thi tah ti
ruok ei hmuh. Ka nghawt pawt. Lung a dam nawh, ningtel a na.
Tv
le mobile network um naw ram Zo tlang sangah suongtuona thla zarin ei zuk vuong
a. E heu! Ramngawpui tlangtin ei zuk thlir a. Thlatun a lo tlung der tah. Ram
tinah intuo le vaibeparhai an lo vul chuoi el. Rampui ei zuk lut a, inkhieng thing
zarah bulhlawng le lawnlei par dam ei hang hmuh nawk pei a, nunhlui an hung
sukthar nawk hlak.
Partin
an tuoi an vul nawk hlak,
Ni
le thla liem hnung khawm an thar;
Vanglai
nun thar nawk din a mawi si nawh,
Awi
a na, vanglai liem ding liem chuh-
tia
khek rawng rawng a tul nawk hlak. Ringmu
a lo tawp a, ram tina tu var ierin ei zuk hmuh thei a. Bu tu zo , chepchep
inhram ngaithlain inkhatnuin thlaichi thlak malamin tuoiterek a khe pei bawk.
Hla hram thlo a la hun si nawh, pahai khawm sapel malama tingdawn khe, ankhapui
le thingthupui ve hun a nih.
Thlasikin
a lo sawrkawn thingtinin hna thar inno suouvin an lo insuo nawk tah. Saiserhai
khawm an par lai tak a nih. Zana ei heih leng a, ei fena tieng tieng saiser par
rimin an mi lo thawi a, University varandaa Chalrangnu ei hei inawtpui thuoka,
a perfume rim dam kha ei hrietsuok pha hlak. Venglai nunghak hmeltha Thangi
sawngkaa pat inding valruolin an lo thunggha fur saw. Lengtul Lalsuongin
kawlthei hna inbu hler hlera a mut dit tawk lovin, “Ka Tlantu khawiha nge I
awm” ti keilet hla rawl infuon help hlepa a sak lai ei zuk hriet thei a:
Lunglen
bang lo a riangvalan,
Ka
rawn zawng zel che, Parte;
Tawn
ni awm lo tap chung zelin,
Zai
tin ka chhiar zel tang e
Chuonglai
zing chun tlangsamin, “Khai e, khai e. Lo ngai ro. Zinga Tuibum vadunga Ngaiipa
zea inthawk Pawnga ze chen ru vuok ding. Zingbu fak khawpa Maukawt Tinhmuna
innghak khawm ding” tiin a hung insam a. Mani ru tel chit pielthleng chungah ei
vuok a, tuia ei inchie peih a. Chawmkhat hnunga nga an hung inrui tan a. Ngalim
lu chemzanga ei zuk kik dam kha chu, ei thafan luotin Lusei tawng ruokin ei
tawng el a nih. Nga man hmasa hai kha valupa’n an hung lakkhawm a, tieuphova
rawthlatheikhuongin an lo suong masi a. Sun phingtam hnunga ngalim ei heih hme
dam kha chu, a tlukpui hril ding a um nawh. Ei tawng vin tawp khawm “Mala, van
tawl met ta” ti a ni tawk. Ruvuok nia chengkawl le ai ei man hai kha chu mani
ta vawng a nih a, chuleiin tawngnaa ‘mani tana chakai khawr’ an lo tih hrim
hlak. Nga rawthlatheikhuong sip, chengkawl le ai rawthlatheikhuong khat ve ve
ei hawn bawk khan chu lung a awi tawk. BBC London Airport um le um naw khawm ei
hriet phak nawh.
Ruvuok
zuk hril taka chun, Turuong ruvuok kha chu an hawih mi hril a nih, a thang ve
naw chu “lenlai chan“ an lo ti hlak. Kar khat vel riekin an inthawk a. Vakama
sawlbuk bawlin nga inhrona ding rap an heih zar duoi a. Lawnglenga inthawkin
ngatun, ngahrangchal pum ruol ruol an heih khaw a, a sa an inhro peih bawk. Kar
tawpa bawngrang sipa an hung inlawi khan chu an ke, an hmai le an tilmu belte
ruol deuh thawa invung khawm kha an hriet fuk ta ngai nawh.
Sitiuden-hai
tak tak khawm khah…. Chakravarti, Alzebra, Geometry le Commercial Geography
suokkawp ni khan chu zak inkak raka zieklobuhai le kep a tul hlak. Sikul
lampuia mi-uhai daihnai lo fe ding heih intuokpui thut dam khan chu lungrilah
thildang an leng tah nawh, summer vacation tlung vat vat sien an tih hlak.
High
sikul runa kan lawi ngam nawh,
Kei
ka lungdihai an kai kim ve si nawh;
Mi’n
absent-tir el rawh, Di leiin,
Awih
aw, mi’n absent-tir el rawh, Di leiin.- ti a tul nawk hlak.
Sie
le tha hrietna theira fak hma, pawitawklo khawvel (world of innocence) khah Zo
tlang sangah chauh tawng nawk thei a nih. Chu khawm chu suongtuona ramah chauh
tawng thei a nih tah.
Thei
chang sien maw Zotlang sangah,
Kumtluong
runrem ka va nuom ngei.
Had
it ever been my own choice,
Dwell
I’ll in the hills foever.
(My
random thoughts on 30th April, 2020, Thursday)
************************************************
