Harangajao/CCPur, Virthli (ONP): May 12, 2020 sun khan NC Hills Indigenous Student Forum, Revenue Dept. Sterlite Company, ISF Harangajao Branch le Bolsol khuo ṭhuoituhai chun 400 KV Electric line siemna hmun ah Joint site visit an nei. Bolsol hi NC Hills Harangajao Kuki khuo a nih.
Tulai National Lockdown leia inkharkhip a ni lai zingin Sterlite Company in 400 KV Electric line 2017 lai daia an lo siem ṭan tah Covid-19 hrileng leia Lockdown hungum leia sin chawlsana um chu sin ṭan nawk ta dinga hma an hung lâk leiin a hmun ngeia inbiekna nei a nih.
Bolsol (Kuki village) hai chun company sinthawna leia huon le thlai tamtak suksiet a um hai compensation an ngiet a, an thil ngiet anga company hin a pêk naw leiin an harsatna chu ISF kuomah an inthlun a, ISF ṭhuoituhai chun an thei ang angin hma an lo lâkpui tah a, inbiekna khawm an lo nei nuol tah a, a ram neituhai thil ngiet ang hin company chun pe ngei dingin an hril puia, Company tienga palaihai chun thuneitu insânglem Delhi tieng an hmatienga intlun dingin an hril a. Thu fel um hma po chu sin hi la ṭan hri lo dingin ISF ṭhuoitu le a ram mipui hai chun an hril a nih.
ISF ṭhuoituhai chun hi Joint Site visit hi remchâng a lain Harangajao huomsûnga Village Duty post a hmang dingin Tarpaulin an sem malam nghal a. Chun, ISF ṭhuoituhai le Revenue Dept. Sterlite Company hih, hi hun a hin ruoi inhnik tak khuo lal (GB) pa in ah an lo buotsai pek bawk.
# File Photos
Tulai National Lockdown leia inkharkhip a ni lai zingin Sterlite Company in 400 KV Electric line 2017 lai daia an lo siem ṭan tah Covid-19 hrileng leia Lockdown hungum leia sin chawlsana um chu sin ṭan nawk ta dinga hma an hung lâk leiin a hmun ngeia inbiekna nei a nih.
Bolsol (Kuki village) hai chun company sinthawna leia huon le thlai tamtak suksiet a um hai compensation an ngiet a, an thil ngiet anga company hin a pêk naw leiin an harsatna chu ISF kuomah an inthlun a, ISF ṭhuoituhai chun an thei ang angin hma an lo lâkpui tah a, inbiekna khawm an lo nei nuol tah a, a ram neituhai thil ngiet ang hin company chun pe ngei dingin an hril puia, Company tienga palaihai chun thuneitu insânglem Delhi tieng an hmatienga intlun dingin an hril a. Thu fel um hma po chu sin hi la ṭan hri lo dingin ISF ṭhuoitu le a ram mipui hai chun an hril a nih.
ISF ṭhuoituhai chun hi Joint Site visit hi remchâng a lain Harangajao huomsûnga Village Duty post a hmang dingin Tarpaulin an sem malam nghal a. Chun, ISF ṭhuoituhai le Revenue Dept. Sterlite Company hih, hi hun a hin ruoi inhnik tak khuo lal (GB) pa in ah an lo buotsai pek bawk.
# File Photos
