Responsive Ad Slot

Pu Dr. Chaltonlien Amo, Tipaimukh MLA le Vangai Papui, Kappu hohlimna

Wednesday, May 6, 2020

/ Posted by Simon L Infimate
Moinadhor, May 6, 2020, Virthli (ONP): Covid-19 natna hri inleng le inzawma a biel mipui hai umchil a thang mek, Dr. Chaltonlien Amo, Tipaimukh MLA le Mr. Kappu, Moinadhor in hohlimpuina a nei chu hieng ang hin hung insuo a nih.



KP- Kappu
CA-Chaltonlien Amo


KP:  Pu tulai Vangai Phaibiel lai imi um chila khawlum leh khuo dang dang i sir kuol deu zing bawka, I sawl ta awm ngei maw?
CA:  Ka hmangaihai le mi hmangai tuhai laia um chu sawl hmel ka lo hriet lem ie..


KP:  Iengchen am mi la umpui i ta? Iengtik am i fe ding?
CA: Pharao naunu naupa a in buka Imphal khawpuia Air condition hnuoia building inhawi tak sunga nuhmei-nauhai le du du fa a um nekin, a rinum le inhawi, a thlum-a al fa tlanga lockdown hnuoia thi le thi tlang, dam le dam tlang, phai lum laia ka hmangai le mi hmangai tuhai laia um chu ei la thlang hri a ni hi.


KP:  A va ropui lawm lawm de!! Anleh, Hmarbiel tieng dam I fe ve am?
CA: Aw, fe ve e, ka biel sung hi ka sir zing zing hman bik nawh a chu, ka remchang angin ka sir hlak. Vangai tieng ka suoksan pha chu Hmarbiel tieng hang sir nawk ka tum.


KP: I biel mipuihai i kan kuol a, i um chil kher hi iem a san?
CA: Bufai le Hmeruo fak le dawn thei ang angin kan chawk a, tlawm a zawng ei chang hi vawikhat tamhnem khawp chau a ni hlaka. Taksa ngeia ka hang umpui vel hin nauhai Nu le Pa bula an uma an thla a muong ang hin, tulai boruok Coronavirus hri leng leia thlaphang le lungril sawl em em hai ka thlamuon deu rawi mawh...Lungngaina kan intlangpui ani a.. harsa zuol khuo then thenah thangpuina ka pek deu zing bawk.


KP: Bufai hi Sawrkar in free/a thlawnin a la sem zawm pei ding am?
CA:  A vawikhatna ah Food Security bufai a thlawnin ei sem ta a, a kalman transportation charge ruok chu keiin cheng nuoi tel ka seng ve a. Chu zo ah- hmeruo cheng nuoi sawm neka tam hiel man ei mipui hai ka ngaituo leiin Imphal le Silchar bajaar/Dawrhai ah inchaw khawmin ei sem nawka. A vawithumna dingin keiin ka MLA fund a kan chawk le Prime Minister thangpuina bufai dengpawlin ei sem nawka. Hi zo tieng hi Sawrkar in a thlawn in a sem ve dim ka hril thei nawh a. Kei ruok chun ka thei ang angin ka mipui harsatna hai ngaituo zui le thangpui zawm pei danding ka ngaituo zing.


KP: Pu anleh, ei mipui hai Manipur puo, India ram state hran hrana intanghai thuoisuok dan ding iengtin am I ngaituo a?
CA:  Manipur Sawrkar in Dan-le-Dun a siema. Manipur nauhai umna state hai le Sawrkar le Sawrkar an inbiek tuo zinga. Hung suok el thei lo hai Bank A/c ah cheng 2000/- seng a thawn pek ta a. La thangpui lo hai thangpui zawm a ni dan ding le mani khuo senga suok nuomhai le suok nuom naw hai thaw dan ding le hming thawn dan ding – “Inhriettirna” kei khawma Media fe thlengin ka siem ta kha tie.
Chief Secretary, Nodal Officer, State Control Room, COVID-19, DC/Pherzawl, DC &SP Jiribam hai le hin kan inbiek paw zing. Stranded (State danga intang hai) khawma an thawding tul hai hi hung thaw ve pei naw ni hai am.


KP: Pu ka lawm ngawt el, i hma lakna hai ah Pathien in thangpui pei raw se che..
Don't Miss
© all rights reserved
made with by Simon L Infimate