Muolhoi, May 15, 2020, Virthli (ONP): Hmar Inpui (Hmar Supreme House) Assam Hills Region President Upa H.L Sanga Neingaite anthawka Hmar Martys'Day thucha.
_____________________________
Hmar Martyrs’ Day tlung theia ei um leiin ei Pathienin ropuina chang sien, hmun tina Hmar Martyrs’ Day insertu hai po po ditsakna chibai ka bûk cheu.
Tukum chu India ram a chau ni loin khawvêl rambung po po deuthaw a natna thar Covid-19 (hripui) inlêng leiin khawvel mipuihai ei buoi mup mup el ta a. India rama ngei khawm hi hripui indar lien nawna dingin National Lockdown March 24, 2020 a inthawk khan puongin alo um tâk leiin ei khawsak nunphung a lo danglam vawng ta a. Social distancing leiin mipui umkhâwm phal a ninaw leiin Biekin inkhawm, School, College le University (mipui pungkhawmna) hai chu khâr a hung ni vawng tâk leiin kum 2020 Hmar Martyrs’ Day khawm hi kum danga ei lo hmang hlak angin programme hmang theinaw inla khawm Hmar Inpui Assam Hills Region chun khawtin kuoma sawrkâr in Lockdown Guidelines a siem le inkal lova mani remchâng ang anga ei hmang dingin thu a lo suksuok el lem a ni kha.
Khawvel pumpuia Hmar hai chun ‘Hmar Martyrs’ Day’ hi kum 1991 a inthawk khan kum tin ‘May 16’ hi ei lo inser ṭan ta a. Hnam ta dinga hringna inhlântuhai hi ei ngai ropuiin ei ngaisângna le inza inentirna puola ei hmang a nih. Hnam san dinga mani in lum suoksan a, ramhnuoia asûr-asa, kângvâi mise, hmêlma le dotu hran hran hai kâra ramvachal chan changin; ka sawl ka kham khawm ti lova hnam zalênna suolsuok tum a kal an pên mêk laia tum ram tlung hmaa hnam ta dinga hringna inhlântuhai hi ei theinghil a thieng nawh. Chulei tak chun anni puola ‘Hmar Martyrs’ Day hi kum tin ‘May ni 16’ hi ei lo inser hlak a nih.
Hieng hnam ta dinga hringna chen lo inhlân ta hai po po Hmar Inpui Assam Hills Region hmingin inzâna chibai ka’n hlân a, an mâksan an sûng le kuo le laina hai po po Lalpa’n thlamuongin umpui mawl sien ti hi ka ṭawngṭaina a ni bawk.
Hmar hnam laia Kohran pawl hran hran, Organisation le NGO hran hran le Political Party hran hran um hai hi hnam ta dinga hringna inhlântuhai thisen hin ei indâidanna po po hi mi ṭhiek pêk mawl sien nuom a um. Vawisun a Martyrs’ Day ei hmangnaa inthawk bêk hin ei lo inremnawna le inti neu neuna a lo um a ni khawmin Hmar Martyr hai thisen lei bekin hnamah lungruolna thar mi siempek hrâm sien ka nuom.
Ei ni Hmar hnam puol bîka Political Map hi rinkuol ni thei ta sien ti leiin kum iemani chena inthawk khan lo suol a ni ta a, thisen hnâisen, sum le pai, tha le zung khawm tamtak lo sêng a ni ta bawk. Sienkhawm, Hmar mipuihaiin ei tlân khawp bupang inkuol theina hi vawisûn chen hin ei la nei theinaw zing hi iengleiam nîng a ta? Thisen far khat khawm sêng lova eini Hmar hmingin District siem ninaw sienkhawm ei hnam bubitna Pherzawl District, Manipur sawrkârin a mi siempêk hi Pathien thilthlâwn pêk lieu lieu a nih ei ti naw thei nawh.
Chuonglaizingin, Mizoram tienga ei ramvachalhaiin thisen hnâisen sênga an suoldawk ve “Sinlung Hills Council” hin a sûnga chêng mipuihai fâk khawp / tlân khawp bupang an kuol thei ve am? ti hi mipui ngaidân le zawna lientak a la nih.
Vawisun Martyrs’ Day ei hmang le inruola ei ngaituo ve dinga ka dit chu: khâng zozai hringna chân ta hai hi hung tho nawk ta hai sien, tuta Hmar hminga Political Mapping setup a um hin an lung a awi chie dîm? Eini dama um a ramsuok ve naw, mani nei ang ang le thei ang anga hnam ta dinga inro lova lo inhlân ve tuhai hin teh ei lung a awi chie am?
Pathienin malsawm tlaka ei um a ni phawt chun ei hnam khawnvar hi Lalpa’n mitin mithmua ami la sukvar pêk ngêi ka ring. Chu ding chun Hnam ṭhuoitu, Kohran ṭhuoitu, Organisation ṭhuoitu po po Lalpa malsawm tlâka hringnun khal seng dingin ei inngên a nih. Hmun tina Hmar Martyrs’ Day insertuhai po po Lalpa’n in hma ṭhuoiin malsawm seng raw se cheu.
KA LAWM IE.
Hnam hminga fam changtahai po po inzâna Salute ka pêk.
(UPA H.L SANGA NEINGAITE)
President,
Hmar Inpui Assam Hills Region.
Muolhoi, Haflong.
_____________________________
HMAR MARTYRS’ DAY THUCHA
Hmar Martyrs’ Day tlung theia ei um leiin ei Pathienin ropuina chang sien, hmun tina Hmar Martyrs’ Day insertu hai po po ditsakna chibai ka bûk cheu.
Tukum chu India ram a chau ni loin khawvêl rambung po po deuthaw a natna thar Covid-19 (hripui) inlêng leiin khawvel mipuihai ei buoi mup mup el ta a. India rama ngei khawm hi hripui indar lien nawna dingin National Lockdown March 24, 2020 a inthawk khan puongin alo um tâk leiin ei khawsak nunphung a lo danglam vawng ta a. Social distancing leiin mipui umkhâwm phal a ninaw leiin Biekin inkhawm, School, College le University (mipui pungkhawmna) hai chu khâr a hung ni vawng tâk leiin kum 2020 Hmar Martyrs’ Day khawm hi kum danga ei lo hmang hlak angin programme hmang theinaw inla khawm Hmar Inpui Assam Hills Region chun khawtin kuoma sawrkâr in Lockdown Guidelines a siem le inkal lova mani remchâng ang anga ei hmang dingin thu a lo suksuok el lem a ni kha.
Khawvel pumpuia Hmar hai chun ‘Hmar Martyrs’ Day’ hi kum 1991 a inthawk khan kum tin ‘May 16’ hi ei lo inser ṭan ta a. Hnam ta dinga hringna inhlântuhai hi ei ngai ropuiin ei ngaisângna le inza inentirna puola ei hmang a nih. Hnam san dinga mani in lum suoksan a, ramhnuoia asûr-asa, kângvâi mise, hmêlma le dotu hran hran hai kâra ramvachal chan changin; ka sawl ka kham khawm ti lova hnam zalênna suolsuok tum a kal an pên mêk laia tum ram tlung hmaa hnam ta dinga hringna inhlântuhai hi ei theinghil a thieng nawh. Chulei tak chun anni puola ‘Hmar Martyrs’ Day hi kum tin ‘May ni 16’ hi ei lo inser hlak a nih.
Hieng hnam ta dinga hringna chen lo inhlân ta hai po po Hmar Inpui Assam Hills Region hmingin inzâna chibai ka’n hlân a, an mâksan an sûng le kuo le laina hai po po Lalpa’n thlamuongin umpui mawl sien ti hi ka ṭawngṭaina a ni bawk.
Hmar hnam laia Kohran pawl hran hran, Organisation le NGO hran hran le Political Party hran hran um hai hi hnam ta dinga hringna inhlântuhai thisen hin ei indâidanna po po hi mi ṭhiek pêk mawl sien nuom a um. Vawisun a Martyrs’ Day ei hmangnaa inthawk bêk hin ei lo inremnawna le inti neu neuna a lo um a ni khawmin Hmar Martyr hai thisen lei bekin hnamah lungruolna thar mi siempek hrâm sien ka nuom.
Ei ni Hmar hnam puol bîka Political Map hi rinkuol ni thei ta sien ti leiin kum iemani chena inthawk khan lo suol a ni ta a, thisen hnâisen, sum le pai, tha le zung khawm tamtak lo sêng a ni ta bawk. Sienkhawm, Hmar mipuihaiin ei tlân khawp bupang inkuol theina hi vawisûn chen hin ei la nei theinaw zing hi iengleiam nîng a ta? Thisen far khat khawm sêng lova eini Hmar hmingin District siem ninaw sienkhawm ei hnam bubitna Pherzawl District, Manipur sawrkârin a mi siempêk hi Pathien thilthlâwn pêk lieu lieu a nih ei ti naw thei nawh.
Chuonglaizingin, Mizoram tienga ei ramvachalhaiin thisen hnâisen sênga an suoldawk ve “Sinlung Hills Council” hin a sûnga chêng mipuihai fâk khawp / tlân khawp bupang an kuol thei ve am? ti hi mipui ngaidân le zawna lientak a la nih.
Vawisun Martyrs’ Day ei hmang le inruola ei ngaituo ve dinga ka dit chu: khâng zozai hringna chân ta hai hi hung tho nawk ta hai sien, tuta Hmar hminga Political Mapping setup a um hin an lung a awi chie dîm? Eini dama um a ramsuok ve naw, mani nei ang ang le thei ang anga hnam ta dinga inro lova lo inhlân ve tuhai hin teh ei lung a awi chie am?
Pathienin malsawm tlaka ei um a ni phawt chun ei hnam khawnvar hi Lalpa’n mitin mithmua ami la sukvar pêk ngêi ka ring. Chu ding chun Hnam ṭhuoitu, Kohran ṭhuoitu, Organisation ṭhuoitu po po Lalpa malsawm tlâka hringnun khal seng dingin ei inngên a nih. Hmun tina Hmar Martyrs’ Day insertuhai po po Lalpa’n in hma ṭhuoiin malsawm seng raw se cheu.
KA LAWM IE.
Hnam hminga fam changtahai po po inzâna Salute ka pêk.
(UPA H.L SANGA NEINGAITE)
President,
Hmar Inpui Assam Hills Region.
Muolhoi, Haflong.
