Responsive Ad Slot

EAC Houthaiin Chibai Bûkna le ṭawngṭai pêkna an nei

Thursday, May 21, 2020

/ Posted by Simon L Infimate
CCPUR, May 21, 2020, Virthli (ONP): Evangelical Assembly Church (EAC) hotuhai chun May 20 – 21, 2020 sung khan Tuiṭhaphai huomsunga khaw tum tuma Village Task Force le Geljang hmuna Pherzawl District Quarantine Centre hai kanna neiin thilpêk an inhlan. Churachandpur le Pherzawl District sunga eini mi students, company a sinthaw le ṭulna dang dang leia Manipur puotienga um tamtak COVID-19 hrileng leia mani In pana hung inlawi mekhai, In lum khawm la bêl el thei lova Quarantine Centre a la khum dinghai lo lawmlût a, chibai bûkna neia an ta dinga lo ṭawngṭai pêk a, an thei ang anga lo sawmdâwl hi an thiltum le hi thil an thawna san tak niin EAC houthai chun an hril.


Zani khan EAC hotuhai chun Geljang hmuna Pherzawl District Quarantine centre a hmunah an sir a, Centre a umhai hme ding Alu bag 2 le an tui dawn ding Mineral Water ṭhahnem tawk tak an pek. Village tam lema chun mipui aiaw a sinthawtu Village Task Force hai inhmupuiin, thingpui hmangruo hieng Chini, Everyday, Thingpuife hai bakah an chibai bûkna in envelope an inhlan a, Quarantine Centre a umhai le Village Task Force-hai ṭawngṭai pekna an nei seng bawk. Liemtah ni 2 sunga Village Task Force le Quarantine Centre an sirhai chu Sielmat, Hmarveng, Rengkai, Khawmawi, Saidan, Muolvaiphei, Saikawt le Geljang hmuna Pherzawl District Quarantine Centre hai an nih.

Don't Miss
© all rights reserved
made with by Simon L Infimate