Responsive Ad Slot

Cedarville University, USA a'nthawk B.Sc Nursing zo; KMC&H-ah thawk nghal ding

Wednesday, May 6, 2020

/ Posted by Simon L Infimate
Tuițhaphai, May 06, 2020, Virthli (ONP): Lockdown leia mi tin ei buoi sup sup laiin, Rev. Dr. Lalrosiem Songate le Pi Rothienghlim Songate, Rengkai hai naunu Nk. Priscilla Lalruotkim Songate chun USA rama Christian University laia țha pawla hril, Cedarville University a inthawkin B.Sc. Nursing course hlawtling takin a lo zo tah.

Cedarville University chun liemtah May 02, 2020 khan University hnuoia course tum tum inchuk zohai degree confer na a nei a, tulai khawvêlin a hmasuon mek, COVID-19 hrileng leia Lockdown um leiin Convocation Service ruok chu kum dang angin mumal taka hmang a ni nawh.

Nk. Priscilla Songate hin academic performance khawm a nei țha hle a, an University GPA insangtak chu 4 niin B.Sc Nursing course hi 3.8 GPA in a zo a, chuleiin, a course zona hi Graduated with High Honors ti a ni a, July thla a inthawk Kettering Medical Centre & Hospital-ah OPT thawin kum khat sung a thawk nghal bawk ding a nih.

Nk. Priscilla Songate in B.Sc Nursing course hlawtling taka a zo theina ding hin sum le pai le țha le zung tamtak seng a ni a, hieng ang ngirhmun chen an tlung theina dinga țawngțaina le kawng hran hrana țhangpuituhai chungah Rev. Dr. Lalrosiem Songate hai nupa chun lawmthu an hril.

Nk. Priscilla Songate hlawtlingna hi ei lawmpui takzet a, hnam le khawtlang ta dinga ban pawimaw tak la hung ni ngei dingin ditsakna ei inhlan nghal a nih.
Don't Miss
© all rights reserved
made with by Simon L Infimate