Responsive Ad Slot

JOB CARD, VILLAGE AUTHORITY, MLA LE SAWRKAR

Sunday, April 19, 2020

/ Published by Simon L Infimate
1. THUHMATHUOI

Inkhatpa annawle inkhatnu ta dingin Job card hi kumkhata ni zakhat inruzina ding hmuna card a nih.

India a khuo 7,78,134 ah mi 29 crore in job card an nei tah. Manipur ah mi 4,44,886 in job card ei nei ve.

Sawrkarin Job Card Scheme a ding sum Rs 61,500 crore a sietha. Khawvel pumpuia public welfare scheme a sum lut rawnnatak chu MGNREGS hi a nih.

Job card nei dingin VA ah in register phawt a tul. A dan le dun chu Village Authority (VA) hai kuoma ngaiven thei a nih. Job card hnina theluttu chu form le thlalak free in pek ning a tih. Hi card hi kum nga a valid. Renew a tul.

Job card sin thaw dinga lekha pelut hai lai sin thaw thei ding hai list an zieksuok hlak. Nitin ruzi chu Rs 225 a nih. Kum tin ruzi rate hi an ang naw thei.

Inruzina ding hmulo hai khawm sin inruzina ding neilo man pek an nih. Ruzi rate naran a 25% pek an nih.

Job card holder in kilometer nga neka hla ah sin a va thaw chun extra money pek ning a tih.

Chun sin thawna hmun ah tui dawn ding, deihlip, damdawi le naupang enkaina ding a um ngei ding a nih. Km nga neka tama inthawka hung hai TA pek ning an tih. Accident thut khawma sin thaw hai reimburse ning an tih.

2. HMALATU
Village Authority (VA)

Job card sin chu VA member lai hriltlang ning a ta. An amen vawng pha sin semdawk ning a tih. Muster Roll (MR) ah sin thawzat, thaw ni le la thawlo inchik pei ning a tih. Ruzi hmu ta popo khawm inchuonsa ning a tih. Social audit huna mipuiin MR hi endik nawk an tih.

VA hai lekha pawimaw

A. Job card nei hai list

B. Muster roll lekhabu

C. Measurement book

D. Asset register

E. Employment register

F. Complaint register

G. Cash book

H. Bank account

Kha hma khan VC Chairman le Secretary haiin job card ruzi lakna ding bank account joint in an lo hawng a. Chu account a chun DRDA in VA hnuoia job card ruzi popo a lo thun hlak. Tuhin chu job card holder in a mimalin bank account a nei tah. Chu taka chun a ruzi popo a lut hlak.

VIGILANCE AND MONITORING COMMITTEE (VMC)

NREGS le inzawma VA controltu chu Vigilance and Monitoring Committee (VMC) a nih. BDO/SDO in an din hlak. Hi taka hin VA huomsunga member panga an um a. An ni hin project sin thaw mek hai endikin MR ah sui an mar hlak. An signature bovin job card holder in a nitin ruzi a hmu thei nawh.

Work chu dan anga bawzui a ni le ni naw an lo endik hlak. VMC report chu VA hai project complete report ah zepsa a tul. VMC report thanglovin Muster Roll hrim hrim BDO/SDO in a sign ngai nawh. BDO/SDO signature bovin job card ruzi lakdawk thei an nawh.

VMC hin a hnuoia thil indiklo hai khawm khu a check hlak. Thuneitu BDO/SDO hai kuomah an tlun hlak.

A. Sin thaw a ni le ni naw verify tu chu VMC a nih.

B. Thi ta hai hminga inruzi hai

C. Job card neilo lo inruzi hai

D. Card apply ve lo anachu job card sin thaw ve a, ruzi latu

E. Sawrkar sin nei job card neia, ruzi latu

F. Card nei, sin thaw ding neilo hai

G. Sin indiklo job card sin ang thawtu

H. Sin tan tah la zo fel lo hai

I. Job card sina hmang ding thuomhnaw incha, amiruokchu hung tlung ta lo hai

J. Inhnu taka ruzi semtu

Project Officer

Project Officer hi Muster Roll semdawktu a nih. MR a hin sin thawtu le a thawzat, a la thaw theizat record a nih. Sin thaw ding hmulo hai unemployment allowance pedawktu chu PO a nih.

BDO/SDO

Job card sin thawna project hai inspect tu chu BDO/SDO a nih. A hnuoia NREGS staff panga an um. Technical, account, programme, computer le gram sewak an nih. VA le inhriepaw zing hlak an nih. BDO/SDO in 5 member VMC an din hlak.

DRDA

Technical assistance, material component, finance le administrative approval petu chu DRDA a nih.

DPC

Job card thua district a lientak chu DPC an ti a. Chu chu DC a nih. Job card sum lo dawngtu le siethatu a nih. Project Officer ruottu a ni bawk. NREGS le inzawma complaint popo DC in a lo en hlak. Ni sawmpanga sungin a sukfel hlak.

DLVMC

District a welfare scheme popo endiktu chu District Level Vigilance and Monitoring Committee a nih. Sawrkar scheme popo Feb/May/Aug/Nov tha in an hriltlang hlak. Complaint hai an sui a. Sukdik tul an sukdik a. Hrem tul hai chunga action lak dan an hriltlang bawk.

DLVMC a chairperson chu local MP a nih. District DC chu Secretary a nih. Local MLA le Project Director of DRDA hai khawm member an nih. NREGA thuah DLVMC hin thuneina insangtak a nei.

3. JOB CARD SIN

A. Road leveling

B. Tui dawn thei siethatna tanky siem. 5 HP diesel pump fit nghal.

C. Rubber plantation

D. Tea plantation

E. Side drain

F. Tube well

G. RCC culvert

H. Lampui brick soiling

I. Nga diel

J. Flood control sin le inzawm sin thaw thei a nih

K. Canal

L. Irrigation tiengpanga sin hai thaw thei a nih

M. Water harvesting sin thaw thei a nih.

N. Sanitation.

*Project

NREGS project sin thaw hma in, sin thawna ding hmun thla lak sie that a tul. Project fe mek thlalak siethat a tul. Chun project zo pha project site thlalak siethat a tul bawk. Chu thlalak hai chu thuneitu haiin an en a. A hmuna an check hlak. A quality an check bawk. Dan ang taka project hi siem a ni le ni naw an sui thei. Chu chu vigilance and monitoring an tih.

4. JOB CARD RUZI

A. Manipur 219. Minimum wage 225 per day.

B. Mizoram Rs 211

C. Assam Rs 193

D. Arunachal Rs 192

E. Nagaland Rs 192. 115

F. Tripura Rs 192

G. Meghalaya Rs 187

Khi va khi 2019 a mi a nih. Revised annually.

March 26 khan sawrkar thlungpui chun job card ruzi cheng sawmhni in a sukpung. State dang danga ruzi rate an ang naw thei.

5. JOB CARD HOLDER HAI BEIDAWNGNA THENKHAT

A. Inruzina ding a um naw hun a tam lem

B. An hmingin mi dang an lo inruzi hun a um bawk

C. VA in ruzi semdawk ding a nei naw hun a um

D. Ruzi lamdawk popo semdawk a ni nawh.

E. An semdawk inhnu hun a tam lem.

F. Ruzi midangin an lo lakdawk hun a um bawk.

G. Ruzi rate an hnuoi titu an tam.

6. HRIET DING TUL THENKHAT

Card kawltu

Job card chu card neitu in kawl a tih. Mi dangin an kawl thei nawh. Update dingin thuneitun a lak khawma nikhat hmabak a kawl thei nawh. Mi card ni hni neka tam kawltu chu FIR file khum thei a nih.

Work site board

Work site a notice board ah Project details, thaw ni, zo ni, ni hmangzat le tha lutzat le sum sengzat hai public hriet dingin inchuonsang an tih.

Site diary

Site diary hi project a sin thawtu le an thawzat le chu nia present hai hming zieklutna lekhabu a nih. Worker, public le officer haiin project an hmudan an zieklut ve thei.

Muster Roll ah sin thawtu haiiin vawihni sign an ta. Amiruokchu, project zo a ni pha sin zo ta chu enfelin worker panga in project chu indik taka zo a nih tiin MR ah signature thawng an tih. Sin thawna hmuna MR lekhabu a zieklut a um popo chu mi popo hriet thei dingin tiemdawk zie ning a tih. Worker popovin MR hi an en thei zing.

Fund

A. Wage

Hi hi job card ruzi ei tih. Sengso popo central sawrkarin a hung pekdawk.

B. Material cost

Job card sin thawna ding hmangruo mana sengso zaah 75% chu central sawrkarin state a pek hlak.
C. Administrative cost

Project Officer le a staff hai hlaw ding le office sengso a hin central sawrkar khawm a thang ve met.

D. Unemployment allowance

Hi hi inruzina ding hmulo employment apply hai thangpuina a nih. State sawrkarin a hung pekdawk hlak. Hi thangpuina hi 1/4 of daily minimum wage a nih. 30 days chen hisap phawt ning a ta. Chu zo tieng chu vantlang ruzi chanve nitin unemployment allowance angin inruzi ding hmu ve lo hai pek ning an tih.

7. THUKHARNA

Kum 2019 khan job card sin thawtu laia Best Village Authority Lawmman chu Thorcham, Chakpikarong Block, Chandel district in a lo dawng. Ruzi pe tha tak dawttu lawmman khawm Moreh Block, Chandel district, Manipur in a lo dawng.

State thenkhatah chu job card nitin ruzi hi Rs 271 dam a nih. Vantlang ruzi rate neka insang in an ruzi an um bawk. Chun ruzi inhlawna ding khawm kum khatah ni sawmsari neka tam an hmu hlak.

Amiruokchu, ei rama job card holder tamtak haiin inruzina ding ni sawmhni khawm an hmu nawh, titu an tam.

An account ah kumtin Rs 4000 khawm a lut phak nawh, an tih. A lut sun sun hlak inhnu deuvin a lut a. Inhnu deuva lut a mi percent an la hei cut nawk. Employment guarantee card hi job card holder hminga mi dangin sum an lakdawk vena a ni tah.

Rawtna panga:
(I). Village Authority

Mipui i thlangtling Village Authority (VA) Chairman le Secretary hin an job card sin thataka an thaw naw a ni chun VA thuoitu nina a inthawkin ban ngam ei tiu. Ruzi hi a thawtu card holder hai ta a nih. An la khekdawk ding a nih. Chun NREGA project hrim hrim parameter induongsa zuia bawzui ding a nih.

(ii). VMC

Village Vigilance and Monitoring Committee (VMC) hi VA controltu dinga indin a nih. VA in project parameter ang le quality indik sirsana sin an implement le implement naw lo endiktu a nih. VMC member panga hai hin an sin an thaw dukdak naw chun mipuiin BDO/SDO/DC kuoma complaint thelut ngam tang ei tiu.

(iii). Civil Society Groups

Job card thu ah thil indiknaw a um ti an hriet chun civil society group le NGO hai khawma thudik zawngve hai sien, thil indiknaw an hmu hai DC kuoma lawt ngam ve hai sien.

(iv). MLA

District Level ah VMC member chu bieltu MLA a nih.

Bieltu MLA khawma NREGA scheme hi mipui sukhmasawntu a ni theina ding le job card holder in a ruzi indiktak a hun taka a hmu zie theina dingin ENDIKNA SIN thaw ngam ve sien.

A hun taka job card holder haiin an ruzi an hmu naw nasan hriet tumin lampui insanglem dap thei sien chu DRDA a inthawka Job card holder via Village Authority fund transfer hin ni sawm aw naw nih.

Job card holder hai manday hi sukpung dan ding ngaituoin DPC annawle RD and PR Dept Commissioner le Sawrkar kuomah hi chungthu hi intlun zie sien chu biel mipuiin ngaituo an hlaw ding a nih.

A hun taka ruzi hmulo job card nei hai ta ding Late Payment Compensation @Re 0.50 percent per day khawm RD and PR Dept le Sawrkar ah nawr thei sien nuom a um.

Mipui chanvo ding sum le pai lo chingpentu hai chunga FIR file dinga rawtna siem ngam bieltu chu mipui sin thawtu a nih.

(v). Political worker

Selkaltu political party hai khawma NREGA le inzawma job card holder hai beidawngna hai hi an party thuneitu le sawrkar kuomah intlun ngam ta raw hai seh. A tul chun FIR file khawm rin ta naw hai sien nuom a um.

A chunga rawtna panga hai khi a bawzui ngam lo ei ni chun farutu le chingpentu hai zar lo zo ve tu annawle hmu zinga hrie nuomlo ei ni thei a. Chun tuta ei ngirhmun pal mek hi ei pal ding hrim a nih, a titu laia mi ei nih.

-Ziektu

Dada le Jojo-pa,
Hmarkhawlien, Cachar, Assam
19.4.2020
Don't Miss
© all rights reserved
made with by Simon L Infimate