Responsive Ad Slot

Covid-19 le inzawmin District Level Meeting nei

Saturday, April 18, 2020

/ Posted by Simon L Infimate
CCPUR, April 17, 2020, Virthli (ONP): Tulaia COVID-19 natna hri inleng leia Lockdown puonga um le inzawmin April 17, 2020 khan District Training Centre, CCpur-ah DLO/BLO meeting nei a nih. Hi huna hin Pu V. Hangkhanlian, Minister of Agriculture, Veterinary & Animal Husbandry, Pu Dr. Chaltonlien Amo, Tipaimukh MLA & Chairman (PAC) , Pu Vungzagin Valte, Thanlon MLA & Chairman (MTDC), Pu T.T Haokip, Henglep MLA & Chairman (PAC), Pu P. Vaiphei, IAS, Principle Secretary ( Textiles, Commerce & Industries) & Vice- Chairman, MEETAC , CCPur DC, Pherzawl DC, CCpur le Pherzawl District a DLO/BDO han COVID- 19 hri inleng mek leia lockdown puonga um le inzawma mipui chanvo fak-le-dawn sem ani huna harsatna an tuok hai le hi natna hri laka inthawka lo inveng dan ding chungthuah inrawntlangna neiin hma tienga hma lak pei dan ding hai ursun takin hriltlangna an nei.



Hi huna hin Minister Pu V. Hangkhanlian chun CCpur District a Quarantine Centre indin a um chu District fund hmanga enkawl mek a ni thu a hril a, hi Centre a hmang ding sawrkarin sum a peksuok zat hai bawizui mek a ni thu hrilin a enkawlna dinga sum peksuok a um ding hi a hun tawk naw ani chun additional fund sawrkar-ah hni sa pei ani ding thu a hril a. Bufai sem chungchangah Electoral roll a mihriem um zat le AAY Card holders an zat tawk naw lei le constituency dang dang a inthawka hung CCpur-a tulna leia khawsa tamtak an um leia CCpur constituency sunga mipui chanvo ding sem ani huna hai harsatna an tuok thu hai a hril sa bawk. Meeting nei a ni zoin Pu Hangkhanlian, Minister of Agriculture, Veterinary & Animal Husbandry, Dr. Chaltonlien Amo, Tipaimukh MLA & Chairman (PAC) le Pu P. Vaiphei, IAS, Principle Secretary ( Textiles, Commerce & Industries) & Vice- Chairman, MEETAC han CCPur CCpur District Hospital kanin COVID-19 chungchangah Medical Staff hai inpawlpuina le inrawntlangna an nei pui.

Tipaimukh Biel le inzawma Dr. Chaltonlien Amo a hmalakna le inpawlpuina.



TouTube Link: https://youtu.be/gfGN6HwlvZ4

Don't Miss
© all rights reserved
made with by Simon L Infimate