CCPur, March 8, 2020, Virthli (ONP): Evangelical Assembly Church – ECCI chun February 04 – 08, 2020 sung khan Rengkai EAC Campus, Bible Hill, Rengkai-ah “Insûng Khawsak Rêlfel” (Isai 38:1) thupuia hmangin General Assembly a vawi 72-na hlawtling takin an hmang.
February 04, 2020 khan Council Members hai EAC Council Hall, Rengkai Road-ah Council/Nomination an inṭhung a. February 04-07, 2020 sûng khan Rengkai EAC Biekin-ah biel pali hieng Hmarsak Pastorate, Simthlang Pastorate, Hmarthlang Pastorate, Vangai Pastorate le City Church pahni, Imphal City Church le Shillong City Church haia inthawka Assembly Palai fe khawm ha’n tluong taka rorelna an nei a, zân inkhawm hun haiah Rev. Zakapṭhuom, AEAL; Rev. Lalngaizuol, Director Finance le Rev. Laldinglien, Mission Director ha’n Pathien thutaka rawngbawlna an nei.
February 07, 2020 (Inrinni) chawhma inkhawm-ah Rev. Lalkhamlien, Executive Director in Pathienthua rawngbawlna a nei a, inkhawm hun ruk (6) haia hin inkhawm zatin EAC Assembly Choir, Rengkai KṬP, Lamka KṬP, Muolvaiphei KṬP, Imphal KṬP le Agape Voices ha’n inpâkna hlawpâwla rawngbawlna an nei bawk.
Fenruary 08, 2020 (Pathienni) chawhma inkhawm-ah Caleb Institute, New Delhi hmuna Lecturer le Registrar sinthaw lai mêk, Pro-Pastor Albert Lalramzau chu Rev. Huolthangsei Ṭhiek, Senior Director kut hmangin Pastor ordination pêk a ni a; ringum taka pension hun chena rawngbawltu mi pahni, Rev. Huolthangsei Ṭhiek, Senior Director le Rev. Darziding, Circle Pastor hai Pension puon insiltir an ni a, Pathien Kohranhai ringum taka kum 25 sung zet enkawlna sinthawtu Kohran Upa pahni, Upa Lienmawi, Parvachawm le Upa Lalramlien, Senvon hai chu Upa chawimawina puon vâr insiltir an ni bawk.
Pathienni chawhma inkhawma hin Rev. Zawllienmawi, EAL in Pathienthua rawngbawlna a nei a, EAC Kohran ta dinga mi inphal, Biekin le Kohran hmun ding donate-tuhai chawimâwina thuziek inhlan an ni bakah, Assembly Musical Committee, EAC hmalakna a siem, Hmar ṭawnga Inpâkna Hla 601 umna Kristien Hla Bu (Tonic Solfa edition) Mobile App chu Rev. Dr. Lalrosiem Songate, Moderator in tlangzârna a nei. Kristien Hla Bu Mobile App hi Smartphone version hran hranhai hmang thei dinga induong a ni a, hun sawtnawte sûngin a hmang nuom taphawt hmang thei dingin Google Play Store-ah download thei dinga sie ding niin a buoipuituhaia inthawk thu ei dawng.
Pathienni chawhnung dar 2:00 PM inkhawm hunah Rev. Dr. Lalhmuoklien, Mission Chairman Minister niin Kohran mipui fe khâwm ha’n Lalpa Zânbu an kîl tlâng a, zan inkhawm-ah Rev. Dr. Lalrosiem Songate, Principal, ECT in Pathienthua rawngbawlna a nei. 2019-2020 sunga EAC Kohran-in rawngbawlna hlawtling tak a nei hai laia inchik tlâk ṭhenkhat hai chu – biel pumpui sûngah Biekin thar 4 bâwl a ni a, Biekin bâwl lai mek 15 a um a, Pro-Pastor 3 lak thar niin Pro-Pastor 1 ordination pêk a ni a, Ramthar field pakhat (West Bengal) hawng thar-ah station 4 siem niin Missionary 7 lak thar an ni bakah, EAC Kohranin thawktu det mi 89 a neihai lai Pastor 20 an um tiin Rev. Lalkhamlien, Executive Director in Pathienni chawhma inkhawm huna report a pêkna-ah a târlang. EAC 72nd General Assembly hi Pathien malsawmna tamtak leh ṭumṭiek niin ei thu lâkna chun a hril.
February 04, 2020 khan Council Members hai EAC Council Hall, Rengkai Road-ah Council/Nomination an inṭhung a. February 04-07, 2020 sûng khan Rengkai EAC Biekin-ah biel pali hieng Hmarsak Pastorate, Simthlang Pastorate, Hmarthlang Pastorate, Vangai Pastorate le City Church pahni, Imphal City Church le Shillong City Church haia inthawka Assembly Palai fe khawm ha’n tluong taka rorelna an nei a, zân inkhawm hun haiah Rev. Zakapṭhuom, AEAL; Rev. Lalngaizuol, Director Finance le Rev. Laldinglien, Mission Director ha’n Pathien thutaka rawngbawlna an nei.
February 07, 2020 (Inrinni) chawhma inkhawm-ah Rev. Lalkhamlien, Executive Director in Pathienthua rawngbawlna a nei a, inkhawm hun ruk (6) haia hin inkhawm zatin EAC Assembly Choir, Rengkai KṬP, Lamka KṬP, Muolvaiphei KṬP, Imphal KṬP le Agape Voices ha’n inpâkna hlawpâwla rawngbawlna an nei bawk.
Fenruary 08, 2020 (Pathienni) chawhma inkhawm-ah Caleb Institute, New Delhi hmuna Lecturer le Registrar sinthaw lai mêk, Pro-Pastor Albert Lalramzau chu Rev. Huolthangsei Ṭhiek, Senior Director kut hmangin Pastor ordination pêk a ni a; ringum taka pension hun chena rawngbawltu mi pahni, Rev. Huolthangsei Ṭhiek, Senior Director le Rev. Darziding, Circle Pastor hai Pension puon insiltir an ni a, Pathien Kohranhai ringum taka kum 25 sung zet enkawlna sinthawtu Kohran Upa pahni, Upa Lienmawi, Parvachawm le Upa Lalramlien, Senvon hai chu Upa chawimawina puon vâr insiltir an ni bawk.
Pathienni chawhma inkhawma hin Rev. Zawllienmawi, EAL in Pathienthua rawngbawlna a nei a, EAC Kohran ta dinga mi inphal, Biekin le Kohran hmun ding donate-tuhai chawimâwina thuziek inhlan an ni bakah, Assembly Musical Committee, EAC hmalakna a siem, Hmar ṭawnga Inpâkna Hla 601 umna Kristien Hla Bu (Tonic Solfa edition) Mobile App chu Rev. Dr. Lalrosiem Songate, Moderator in tlangzârna a nei. Kristien Hla Bu Mobile App hi Smartphone version hran hranhai hmang thei dinga induong a ni a, hun sawtnawte sûngin a hmang nuom taphawt hmang thei dingin Google Play Store-ah download thei dinga sie ding niin a buoipuituhaia inthawk thu ei dawng.
Pathienni chawhnung dar 2:00 PM inkhawm hunah Rev. Dr. Lalhmuoklien, Mission Chairman Minister niin Kohran mipui fe khâwm ha’n Lalpa Zânbu an kîl tlâng a, zan inkhawm-ah Rev. Dr. Lalrosiem Songate, Principal, ECT in Pathienthua rawngbawlna a nei. 2019-2020 sunga EAC Kohran-in rawngbawlna hlawtling tak a nei hai laia inchik tlâk ṭhenkhat hai chu – biel pumpui sûngah Biekin thar 4 bâwl a ni a, Biekin bâwl lai mek 15 a um a, Pro-Pastor 3 lak thar niin Pro-Pastor 1 ordination pêk a ni a, Ramthar field pakhat (West Bengal) hawng thar-ah station 4 siem niin Missionary 7 lak thar an ni bakah, EAC Kohranin thawktu det mi 89 a neihai lai Pastor 20 an um tiin Rev. Lalkhamlien, Executive Director in Pathienni chawhma inkhawm huna report a pêkna-ah a târlang. EAC 72nd General Assembly hi Pathien malsawmna tamtak leh ṭumṭiek niin ei thu lâkna chun a hril.
