- Joseph Lalrothang
Zo Kutpui Organising Committee-in ngainatak a Hmar Inpui an fielna chu Hmar-Inpui (GHQ) thuoituhai chun pawmin thang ve ngei nisien tiin thu an suktluk a. Kei khawm, Pu Joseph R. Hmar, Hmar-Inpui President-in ngaina taka ṭhang ve dinga a mi fielna, Jampui tlang, naa ka lo hriet ve ringawt hlak, a taka hmuna ding remchang a ni el bak ah, ‘Insuikhawm’ thupuia hmang a ni leiin chu boruok zu hip ve chu thain ka hriet a, fe dingin kan siem ve a. Kan team member po chu i) Joseph Lalrothang, Former President, Hmar-Inpui, ii) Joseph R. Hmar, President Hmar-Inpui, iii) Francis Songneilien Songate, Secretary, Hmar-Inpui, iv) Lalṭanpuia, Jt. Secretary, Hmar-Inpui, v) Lalhrillien, EM, ADCC kan nih. A hun hi January 9-11, 2020 sung a nih a, tarik 9 hin Zo Kutpui Seminar hmang a nih a, Pu L. Keivom khawm Resource Person-a ṭhangin a nauhaiin an hung tawiawm bawk. Hmar-Inpui chu January 11 sun le zanah hun pek a ni leiin, tarik 10 January–in kan inthawk dawk chau a. Imphal-a inthawkin Indigo flight No. 6E599 in minute 37 vel chau vuongin Agartala khawpui kan tlunga.
Pu Romeo Hmar, Jt. Secretary Hmar Inpuiin Agartala-ah a rawihai vehicles lo buotsai dinga a ti angin, Agartala Airport-ah an mi lo hmuok a. Scorpio motorin 2:30 PM velin Vanghmun tlangdung panin kan tlan char char a. Zan 11:00 PM velin Vanghmun khuo kan tlung a. Agartala-a inthawka Vanghmun chu lampui a tha kher el, intet ut utna um der lovin hadam deuin kan tlung. Tripura sawrkar ṭhatzie le felzie an langin ka hriet. Tribal area khawm lampui ṭha taka siemin an enkawl a nih.
Kan suok hmaa lungrila um chu, thlasik deilai a ni si a, tuiluma insilna ding Bathroom le inhnawmna ding European Comode hai a umnaw pal chun a buoithlak ding thu dam a nih. Vanghmun khuo hi in 300 awr chau nisienkhawm tlungna In ropui deu el Eden Tourist Lodge an lo neia, chutaka riek phawt dinga remruotna an mi lo siem pek angin kan tlung a. Mikhuol tamtak tlung theina in lien deu el, sawng hni a bawl, thienghlim le fai taka enkawl Eden Tourist Lodge hi Pu Manik Sarkar-in Tripura Chief Minister ani laia bawl a ni a, VIP room bik khawm a um chuong nawh. Mihriem ei inang vawng a, zalkhum tha dit seng le dan hnuoiah inang seng ei nih ti lungril neia ṭha taka corruption ṭhang lova an bawl nisien a hawi. Mizoram tienga inthawkin Pu Robert Romawia Royte, Minister, Government of Mizoram khawm a nuhmei le mi iemani zat leh an lo tlung ve a, zan a sawt deu tah a chu Pu Robert hi ka hmelhriet an leiin nel takin an room lutin ka chibai a, VIP a ni a chu an room le kan room an ang vawng.
Jampui tlang hin Rural Development Block an nei ve chau a, Vanghmun hi Block Office ingnghatna a nih. United Bank of India le Gramin Bank hai khawm an nei. Eini Churachandpur District Headquarters inti hin Guest House tieng chu ei phak naw chieng hle. Eden Tourist Lodge chau nilo hieng mikhuol tlung theina i) Tribal Rest House, ii) Revenue Dak Bangalow, le iii) Forest Inpection Bangalow tihai tha tak tak AC room dam an nei chu tie!
Tarik 11 January zingkhuo a hung var a, tuiluma fai hieua kan insil tawl hnungin zingbu kan fakna dinga an lo ruot Upa H.D. Rohnuna (Darngawnpa) inah zingbu kan faka, ditsak taka mani unauhai tia an mi lo dawngsawng a ni bawka kan tlai hle. Bufak khawpin Zo Kutpui hmangna hmun tieng kan pana, a hotuhai chau niloin a mimir khawmin Manipur unauhai tiin an mi lo lawm a, hlim a umin an hawi tan hle. Hall/Pandal sungah nilovin hall bula field zawl gallery ṭhatak neiah inkhawmna nei a nih a, ditsak takin kan rengin frontline-ah VIP seat-ah an min thung tir a.
Pu Robert Romawia Royte Minister khawm an nu leh an la um a, Chief Guest tak Pu Zoramthanga, CM, Mizoram le Minister danghai chu an lo inlawi tah. Pu Robert-in inpumkhatna thupuia hmanga thuhrilna a nei hnungin Tripura-a Mizo hnahtlhakhai thuhrilna hun pek an ni tawl a, anni ṭawng ngeiin thuhrilna an nei a nih. Molsan Youth Association Vice President, S.B Molsan-in thuhrilna a nei zovin lam le hlasak en le ngaithlak a nih a, mit le na a tlai hle. Hmar Inpui aiawa thuhril dingin President-in ami ti leiin ko ka ni charin thuhrilna ka neia, ka thuhril hai hang ziek dingin a sei taluo ding leiin ziek dal ka ta. Ka hril zovin ka fepuihai le mi dang dangin I hril ṭha kher el tiin an mi chibai tawla. Kei khawm thawfuk inti futin ka um pha a, thilpek le Memento an min hlan hai team leader anga ka um leiin President aiin ka dawng vawng bawk a.
Chawhma inkhawm zovin Pu Robert le a nuhmei helicopter-a in tieng inlawi ding an ni leiin helipad-ah kan hang inthla a. Pu L. Keivom khawm a upa ve ta bawk leh motora a chuong ding chu Pu Robert in a enhla leiin ka vuongpui ding a nih a tia. An vuonghma’n Pu Robert-in “Hmarpa ho thla I han la tlang teh ang a” a tia, thla kan lak zovin an mi vuongsan tah a. Chu zovah, Pu J.D Mawia Tochhawng, ICDS-a thawkin thingpui dawn dinga a mi fiel angin a in kan luta, an nupain fak ding le dawn ding an buotsai chu a tam kher el, unau inlawma lungril taka an mi lawmna chun lung a dum. Grape, thingfanghma, apple, theitui, bei chi hran hran le thingpui tuihnai tak el an mi hang thil chu ka enin kei chun tukhawm hiengang lawm lawma fakthei chi -2tamtak ka la thil ve ngai nawh ti ka hriet chienga, tluklo rim an innam khawpel.
Zantieng Bethel vengah Pi Hmingthansangi, Hmarnu bawk inah zanbu kan faka, sathu changal hme thiem taka suong, kannu suong ang tho le hme chi hran hran kan fak a, kan khawp hle el.
Vanghmun khuo hi Tripura-a Mizo hnathlakhai chengna-a chu a fai tak anih an tia, an fai khawpel. Khawlaiah hmunhnawk hmu ding a um nawh a, Cigarette bawm, sweet funna hai dehawn ngamna chi an nawh, fai tak an nih. Programme hmang sung hin zurui annawleh inruithei dang dang thaw hmel awm hmu ding an um nawh. Ziel hawp nuom an um khawma hall hnungtieng smoking zone ang deu an neia, chu chun an va hawp a, hmun dang a chu an hawp nawh.
Zo Kutpui Organising Committee-a hin mifel tak tak, Theologian le kohran ṭhuoitu dam an kat nawk a nih. Iengtiziea hienglawma fel, thienghlim le tha a inthaw thei am a na tia kan dawn chun, anni chun thla khat thla hni hma dai khan kohranin Biekinah a hlawtlingna dingin malova ṭawngṭai ruolna kan nei annawm an tih. Anleh kei inthawk vakin keini tieng chu Social le hnam thila programme kan huoihawt chang kohrana inhmang haiin anmi ralthlir deu hlaka, eiin angnaw ngei ka tiha. Chulaia pa pakhat a nina tak khawm Hmarpa tho chun “Ehe! Kohranin hnam kan buaipui lohvin engtin nge hnam a dam khawchhuah theih ang le, hnam a ṭhan loh chuan kohhran kan ṭhang thei nang” a hung tih a.
Ngaituo a suksei ngei el. Eini tieng ka hang ngaituo chun, hnampum huopa programme ei nei chang le anni programme nei chu an ang naw hle. Eini chu hnampum huopa programme/function ei nei haiah kohranmi ei in siekieng/thienghlim tuma, thienghlim chuong bar silovin. Khuollien ropui tak dam ei fiela, “Hmarhai chu an va chau de aw tia hnam sukmuolphona chauvah an chang chang khawm um hlak mei a tih.
Ka hnam mi’n hmusit an tih, lu tam khawm a ṭul a nih tia programme-a ṭhang ve nachang hrie ei tam nawh. Tuiṭhaphai ruom a khawm hin ei unau Lusei ṭawng hmanghai hi entawn tlak tak an nih. YMA/MZP/MPC programme neiin khuollien ropui tak an nei changin a mawi tawkin an fekhawm hlak. “ Keini kan tel lohvin programme a hlawhtling thei nang” ti lungril, a hmei a pa a tar a zurin an put tlat hlak.
Tuiṭhaphaia Hmar ṭawng le Lusei ṭawng hmang ei in tam hlei zie chu eini chau ni lovin mi khawmin an hriet. Anachu, hnam thila HSA/HYA/HWA/Hamr Inpui le a dang dangin programme ei huoihawt haia chu ei phaknaw deu a hawi a, inhnar an um.
Hienga kohran cho buoipuia a dang ngaisak lo hin khawvela um ei la ni sia, hnam damin iengtinam dam khawsuok thei ei ta, hnam a chau chun kohran khawm a chau tho ding a nih. Tuva ei fe dan tak chu, tu theida lo dingin, ei hnam hi kohran pawl sawm neka tamin a’n ṭhe dar a, chu umzie chu hnam sawm neka tama ṭhe dar ang ei nih, taksa le lungril khawm a’nthe tlat leiin. Kohran programme ei ngaimaw angin hnam thila pogramme chu ei uksak beknaw leiin boral el naw chu hmabak ei nei ta naw a nih ti thei a ni el ta nawm a ni, mani kohran bak ei ngaisak ta si nawh a.
Chuleiin kohrana ei inpumkhat thei naw khawma hnam a bek hin inpumkhat ei tiu. Hnam thila programme ei hmanghai hi a thienghlim nawh ei ti leh, kohran mihai inrawlin ṭhangna tlak le thienghlimin Vanghmun unau hai thaw dan angin thawin siemṭhat tum ei tiu khai.
11 January zan hi farewell programme ang deua hmang a nih a, Pu Hrila, EM khawm ditsak takin thuhriltawi hun an peka, a bak chu hlaruoi a ni deu tak. Nunghak le tlangval hlasak thiem tak tak han hla an saka, ‘Chheih Lam” ti dam le “Sarlam Kai” hla sak a an lam chu hmunuom a umin a tuel khawm, kohran Upa le kohran ṭhuoitu hai khawm an lam suou suou a, ei hnam culture a ni a iengtinam inzapui ei ta an ti a nih. Manipur Hmar Inpui unauhai tiin stage-ah ko kan hlaw rawnin a la tleirawl deuhai chu an lam nasa ve khawp el. Lungril a’n hmu tlat an nawm.
Nunghak hmelṭha tak tak, zei tak tak hai le hang lam chu a’nhawi ning a tih, a tleirawl deuhai chun, “Puonthuo khaia inpem tawp chak a um” an tih. Chuonga an lam mup mup lai chun inrui buoi hmel hmu ding kei chun ka nei nawh. Kohran ṭhuoitu le kohran Upa haiin an uop tlat lei khawm ni ta veng a tih.
Kan riekna Eden Tourist Lodge chu khaw puo deuva um a ni leiin khawsungah riek el ta ro an mi tia, HC. CT. Dawla, High School Headmaster pension tah inah kan riek a, kan hang titi leh ama khawm chun Hmarpa (Hrangchalpa) a ni thu a mi hril a. Hmar hnam ṭhuoitu kan ni ti a hrietin a phur thar a, “Jampui tlangdungah hian Hmar kan tam ber a sin” dam a ti a. La cham a bu dam la fa tlang dingin a mi thlova chu cham thei kan ni ta nawh a. Ni 12 January chun Agartala panin kan suoka, 13 January-in hlawtling inti takin mani In dam takin kan tlung tlang nawk senga, Patrhien kuomah lawmthu kan hril a nih.
Kan inzin sung hin mengte upat a upa ta chawk chu team member haiin neka upa inza thiem taka an mi enna chungah an fel ka tih a, an chungah ka lawm takzet.
Hi Vanghmun Zo Kutpui thu ka ziek nuomna san tak chu “Zohnahthlak Insuihkhawm” a hin Hmarhai hi a neitu tak chan chang ding awm ei nih a, lungril lien tak putin hma la veng ei tiu, ti le hnam le kohran inthieng riela kut insuia hma ei lak ve nuom a um ka ti lei a nih, min an thawthei chun thei ve ngei bawk ei tih ti hi ka ring tlat a, kohrana hin ei hnam sunga mithiem le suongum tak tak umna a ni leiin hnam inkhawmna khawm kohranin mawihnai taka nei dinga thang a lak chun iengdi’n am mawi naw thei ei ta?
Zo Kutpui Organising Committee-in ngainatak a Hmar Inpui an fielna chu Hmar-Inpui (GHQ) thuoituhai chun pawmin thang ve ngei nisien tiin thu an suktluk a. Kei khawm, Pu Joseph R. Hmar, Hmar-Inpui President-in ngaina taka ṭhang ve dinga a mi fielna, Jampui tlang, naa ka lo hriet ve ringawt hlak, a taka hmuna ding remchang a ni el bak ah, ‘Insuikhawm’ thupuia hmang a ni leiin chu boruok zu hip ve chu thain ka hriet a, fe dingin kan siem ve a. Kan team member po chu i) Joseph Lalrothang, Former President, Hmar-Inpui, ii) Joseph R. Hmar, President Hmar-Inpui, iii) Francis Songneilien Songate, Secretary, Hmar-Inpui, iv) Lalṭanpuia, Jt. Secretary, Hmar-Inpui, v) Lalhrillien, EM, ADCC kan nih. A hun hi January 9-11, 2020 sung a nih a, tarik 9 hin Zo Kutpui Seminar hmang a nih a, Pu L. Keivom khawm Resource Person-a ṭhangin a nauhaiin an hung tawiawm bawk. Hmar-Inpui chu January 11 sun le zanah hun pek a ni leiin, tarik 10 January–in kan inthawk dawk chau a. Imphal-a inthawkin Indigo flight No. 6E599 in minute 37 vel chau vuongin Agartala khawpui kan tlunga.
Pu Romeo Hmar, Jt. Secretary Hmar Inpuiin Agartala-ah a rawihai vehicles lo buotsai dinga a ti angin, Agartala Airport-ah an mi lo hmuok a. Scorpio motorin 2:30 PM velin Vanghmun tlangdung panin kan tlan char char a. Zan 11:00 PM velin Vanghmun khuo kan tlung a. Agartala-a inthawka Vanghmun chu lampui a tha kher el, intet ut utna um der lovin hadam deuin kan tlung. Tripura sawrkar ṭhatzie le felzie an langin ka hriet. Tribal area khawm lampui ṭha taka siemin an enkawl a nih.
Kan suok hmaa lungrila um chu, thlasik deilai a ni si a, tuiluma insilna ding Bathroom le inhnawmna ding European Comode hai a umnaw pal chun a buoithlak ding thu dam a nih. Vanghmun khuo hi in 300 awr chau nisienkhawm tlungna In ropui deu el Eden Tourist Lodge an lo neia, chutaka riek phawt dinga remruotna an mi lo siem pek angin kan tlung a. Mikhuol tamtak tlung theina in lien deu el, sawng hni a bawl, thienghlim le fai taka enkawl Eden Tourist Lodge hi Pu Manik Sarkar-in Tripura Chief Minister ani laia bawl a ni a, VIP room bik khawm a um chuong nawh. Mihriem ei inang vawng a, zalkhum tha dit seng le dan hnuoiah inang seng ei nih ti lungril neia ṭha taka corruption ṭhang lova an bawl nisien a hawi. Mizoram tienga inthawkin Pu Robert Romawia Royte, Minister, Government of Mizoram khawm a nuhmei le mi iemani zat leh an lo tlung ve a, zan a sawt deu tah a chu Pu Robert hi ka hmelhriet an leiin nel takin an room lutin ka chibai a, VIP a ni a chu an room le kan room an ang vawng.
Jampui tlang hin Rural Development Block an nei ve chau a, Vanghmun hi Block Office ingnghatna a nih. United Bank of India le Gramin Bank hai khawm an nei. Eini Churachandpur District Headquarters inti hin Guest House tieng chu ei phak naw chieng hle. Eden Tourist Lodge chau nilo hieng mikhuol tlung theina i) Tribal Rest House, ii) Revenue Dak Bangalow, le iii) Forest Inpection Bangalow tihai tha tak tak AC room dam an nei chu tie!
Tarik 11 January zingkhuo a hung var a, tuiluma fai hieua kan insil tawl hnungin zingbu kan fakna dinga an lo ruot Upa H.D. Rohnuna (Darngawnpa) inah zingbu kan faka, ditsak taka mani unauhai tia an mi lo dawngsawng a ni bawka kan tlai hle. Bufak khawpin Zo Kutpui hmangna hmun tieng kan pana, a hotuhai chau niloin a mimir khawmin Manipur unauhai tiin an mi lo lawm a, hlim a umin an hawi tan hle. Hall/Pandal sungah nilovin hall bula field zawl gallery ṭhatak neiah inkhawmna nei a nih a, ditsak takin kan rengin frontline-ah VIP seat-ah an min thung tir a.
Pu Robert Romawia Royte Minister khawm an nu leh an la um a, Chief Guest tak Pu Zoramthanga, CM, Mizoram le Minister danghai chu an lo inlawi tah. Pu Robert-in inpumkhatna thupuia hmanga thuhrilna a nei hnungin Tripura-a Mizo hnahtlhakhai thuhrilna hun pek an ni tawl a, anni ṭawng ngeiin thuhrilna an nei a nih. Molsan Youth Association Vice President, S.B Molsan-in thuhrilna a nei zovin lam le hlasak en le ngaithlak a nih a, mit le na a tlai hle. Hmar Inpui aiawa thuhril dingin President-in ami ti leiin ko ka ni charin thuhrilna ka neia, ka thuhril hai hang ziek dingin a sei taluo ding leiin ziek dal ka ta. Ka hril zovin ka fepuihai le mi dang dangin I hril ṭha kher el tiin an mi chibai tawla. Kei khawm thawfuk inti futin ka um pha a, thilpek le Memento an min hlan hai team leader anga ka um leiin President aiin ka dawng vawng bawk a.
Chawhma inkhawm zovin Pu Robert le a nuhmei helicopter-a in tieng inlawi ding an ni leiin helipad-ah kan hang inthla a. Pu L. Keivom khawm a upa ve ta bawk leh motora a chuong ding chu Pu Robert in a enhla leiin ka vuongpui ding a nih a tia. An vuonghma’n Pu Robert-in “Hmarpa ho thla I han la tlang teh ang a” a tia, thla kan lak zovin an mi vuongsan tah a. Chu zovah, Pu J.D Mawia Tochhawng, ICDS-a thawkin thingpui dawn dinga a mi fiel angin a in kan luta, an nupain fak ding le dawn ding an buotsai chu a tam kher el, unau inlawma lungril taka an mi lawmna chun lung a dum. Grape, thingfanghma, apple, theitui, bei chi hran hran le thingpui tuihnai tak el an mi hang thil chu ka enin kei chun tukhawm hiengang lawm lawma fakthei chi -2tamtak ka la thil ve ngai nawh ti ka hriet chienga, tluklo rim an innam khawpel.
Zantieng Bethel vengah Pi Hmingthansangi, Hmarnu bawk inah zanbu kan faka, sathu changal hme thiem taka suong, kannu suong ang tho le hme chi hran hran kan fak a, kan khawp hle el.
Vanghmun khuo hi Tripura-a Mizo hnathlakhai chengna-a chu a fai tak anih an tia, an fai khawpel. Khawlaiah hmunhnawk hmu ding a um nawh a, Cigarette bawm, sweet funna hai dehawn ngamna chi an nawh, fai tak an nih. Programme hmang sung hin zurui annawleh inruithei dang dang thaw hmel awm hmu ding an um nawh. Ziel hawp nuom an um khawma hall hnungtieng smoking zone ang deu an neia, chu chun an va hawp a, hmun dang a chu an hawp nawh.
Zo Kutpui Organising Committee-a hin mifel tak tak, Theologian le kohran ṭhuoitu dam an kat nawk a nih. Iengtiziea hienglawma fel, thienghlim le tha a inthaw thei am a na tia kan dawn chun, anni chun thla khat thla hni hma dai khan kohranin Biekinah a hlawtlingna dingin malova ṭawngṭai ruolna kan nei annawm an tih. Anleh kei inthawk vakin keini tieng chu Social le hnam thila programme kan huoihawt chang kohrana inhmang haiin anmi ralthlir deu hlaka, eiin angnaw ngei ka tiha. Chulaia pa pakhat a nina tak khawm Hmarpa tho chun “Ehe! Kohranin hnam kan buaipui lohvin engtin nge hnam a dam khawchhuah theih ang le, hnam a ṭhan loh chuan kohhran kan ṭhang thei nang” a hung tih a.
Ngaituo a suksei ngei el. Eini tieng ka hang ngaituo chun, hnampum huopa programme ei nei chang le anni programme nei chu an ang naw hle. Eini chu hnampum huopa programme/function ei nei haiah kohranmi ei in siekieng/thienghlim tuma, thienghlim chuong bar silovin. Khuollien ropui tak dam ei fiela, “Hmarhai chu an va chau de aw tia hnam sukmuolphona chauvah an chang chang khawm um hlak mei a tih.
Ka hnam mi’n hmusit an tih, lu tam khawm a ṭul a nih tia programme-a ṭhang ve nachang hrie ei tam nawh. Tuiṭhaphai ruom a khawm hin ei unau Lusei ṭawng hmanghai hi entawn tlak tak an nih. YMA/MZP/MPC programme neiin khuollien ropui tak an nei changin a mawi tawkin an fekhawm hlak. “ Keini kan tel lohvin programme a hlawhtling thei nang” ti lungril, a hmei a pa a tar a zurin an put tlat hlak.
Tuiṭhaphaia Hmar ṭawng le Lusei ṭawng hmang ei in tam hlei zie chu eini chau ni lovin mi khawmin an hriet. Anachu, hnam thila HSA/HYA/HWA/Hamr Inpui le a dang dangin programme ei huoihawt haia chu ei phaknaw deu a hawi a, inhnar an um.
Hienga kohran cho buoipuia a dang ngaisak lo hin khawvela um ei la ni sia, hnam damin iengtinam dam khawsuok thei ei ta, hnam a chau chun kohran khawm a chau tho ding a nih. Tuva ei fe dan tak chu, tu theida lo dingin, ei hnam hi kohran pawl sawm neka tamin a’n ṭhe dar a, chu umzie chu hnam sawm neka tama ṭhe dar ang ei nih, taksa le lungril khawm a’nthe tlat leiin. Kohran programme ei ngaimaw angin hnam thila pogramme chu ei uksak beknaw leiin boral el naw chu hmabak ei nei ta naw a nih ti thei a ni el ta nawm a ni, mani kohran bak ei ngaisak ta si nawh a.
Chuleiin kohrana ei inpumkhat thei naw khawma hnam a bek hin inpumkhat ei tiu. Hnam thila programme ei hmanghai hi a thienghlim nawh ei ti leh, kohran mihai inrawlin ṭhangna tlak le thienghlimin Vanghmun unau hai thaw dan angin thawin siemṭhat tum ei tiu khai.
11 January zan hi farewell programme ang deua hmang a nih a, Pu Hrila, EM khawm ditsak takin thuhriltawi hun an peka, a bak chu hlaruoi a ni deu tak. Nunghak le tlangval hlasak thiem tak tak han hla an saka, ‘Chheih Lam” ti dam le “Sarlam Kai” hla sak a an lam chu hmunuom a umin a tuel khawm, kohran Upa le kohran ṭhuoitu hai khawm an lam suou suou a, ei hnam culture a ni a iengtinam inzapui ei ta an ti a nih. Manipur Hmar Inpui unauhai tiin stage-ah ko kan hlaw rawnin a la tleirawl deuhai chu an lam nasa ve khawp el. Lungril a’n hmu tlat an nawm.
Nunghak hmelṭha tak tak, zei tak tak hai le hang lam chu a’nhawi ning a tih, a tleirawl deuhai chun, “Puonthuo khaia inpem tawp chak a um” an tih. Chuonga an lam mup mup lai chun inrui buoi hmel hmu ding kei chun ka nei nawh. Kohran ṭhuoitu le kohran Upa haiin an uop tlat lei khawm ni ta veng a tih.
Kan riekna Eden Tourist Lodge chu khaw puo deuva um a ni leiin khawsungah riek el ta ro an mi tia, HC. CT. Dawla, High School Headmaster pension tah inah kan riek a, kan hang titi leh ama khawm chun Hmarpa (Hrangchalpa) a ni thu a mi hril a. Hmar hnam ṭhuoitu kan ni ti a hrietin a phur thar a, “Jampui tlangdungah hian Hmar kan tam ber a sin” dam a ti a. La cham a bu dam la fa tlang dingin a mi thlova chu cham thei kan ni ta nawh a. Ni 12 January chun Agartala panin kan suoka, 13 January-in hlawtling inti takin mani In dam takin kan tlung tlang nawk senga, Patrhien kuomah lawmthu kan hril a nih.
Kan inzin sung hin mengte upat a upa ta chawk chu team member haiin neka upa inza thiem taka an mi enna chungah an fel ka tih a, an chungah ka lawm takzet.
Hi Vanghmun Zo Kutpui thu ka ziek nuomna san tak chu “Zohnahthlak Insuihkhawm” a hin Hmarhai hi a neitu tak chan chang ding awm ei nih a, lungril lien tak putin hma la veng ei tiu, ti le hnam le kohran inthieng riela kut insuia hma ei lak ve nuom a um ka ti lei a nih, min an thawthei chun thei ve ngei bawk ei tih ti hi ka ring tlat a, kohrana hin ei hnam sunga mithiem le suongum tak tak umna a ni leiin hnam inkhawmna khawm kohranin mawihnai taka nei dinga thang a lak chun iengdi’n am mawi naw thei ei ta?
