Responsive Ad Slot

Pherzawl District ah CWC indin a ni tah

Friday, February 7, 2020

/ Posted by Simon L Infimate
SEXUAL ASSULT & PROTECTION OF CHILDREN FROM SEXUAL OFFENCES (POCSO) ACT 2012
(Naupang Pawngsuol/Suollui laka inthawka venghim dan)

- LRS Puruolte


Naupang kum tlinglohai chunga pawngsuolna, thil ditumlo le thil pawrche hungtlung thei hai laka inthawk inveng dan le an sahimna dingin India ram chau nilovin khawvel huopa dan ṭha tak siem a nih.

Eini India ram a ngei khawm naupang siet tuok (pawngsuol/suollui) hi kumtin ei pung ta peia, hi le inzawm hin state tin a hai Child Welfare Committee (CWC) hung indin ta peiin tulem hin chu district tin a hai hung indin nawk ta peiin, Pherzawl District a ngei khawm CWC hi ṭha taka hung function thei ta dingin Manipur sawrkar chun sukfel tah-in office khawm a lo hawng ve tah.

Pherzawl district a CWC office chu Pherzawl khuo a ngei innghat dinga hma-lak mek a nih. CWC in hma a lakna ding le inzawma a sin thaw ding ṭhenkhat hai hang tarlang ei tih:-

Naupang kum tlinglohai chunga thil ṭhalo tlung theihai hrim hrim mipui hrieta suklang ding le an chanchin hi bawzui zing ning a tih. Police khawmin hieng ang case hi a lo buoipui a ni khawmin Child Welfare Committee hai kuomah darkar 24 sung ngeiin inhriettir hlak a tih.

Pawngsuol a um naupang chu in enkawlna le ṭhangpuina pek ni hlak a tih. Chun, chanchinbumihaiin chanchin an insuo hun ah naupang hming, a umna, a thlalak, a insung chanchin, a school kaina, a chanchin in hnaipui hrim hrim chu (Section 23 (2) hnuoiah insuo phal ni naw nih. Hi thu zawm lo hai chu thla ruk (6 months) a inthawk kum khat (1 year) chen lungin intang thei an ta, sum khawm in chawitir thei ni bawk an tih. An chungthu ang peiin sum le lungin intang kawp tir thei ni bawk an tih.
Hieng thila in hnamhnawi taphawt hai chu hremna chi dang dang pek ni hlak an tih. An changsuol dan izirin Kum 1 a'nthawk damsung lungin intang le sum in chawitir thei ning an tih. Chun, court in thiemnaw an chang vieu chun, thi (death) dingin ro rel khum thei bawk a tih.

CWC Pherzawl District le inzawma committee members hai hming le an contact no.:
• Rebecca Siemlien (Chairperson) 9862753035
• Andrew Lalchhuanmawia (Member) 8787802474
• Lalhmangai Biete (Member) 8837352971
Don't Miss
© all rights reserved
made with by Simon L Infimate