Tuithaphai, February 3, 2020, Virthli (ONP): Sausage Product (Sa hmanga fâksiem) chi dang dang hieng Lengmaser (Lomba), Bachikhawm (Bakhawr), Bamboo Shoot flavours le India rama dinga a hmasatak ni phâk ngat Mithun meat sausage, hai hlawtlingtaka lo siemtu, saa inthawka fâkthei siemtu Lamka Foods hai enkawl- King Kones chun an 2nd Anniversary February ni 3, 2020, zântieng dar 3pm khan Gilgal, Rengkai Road ah lawmna hunser an hmang.
Hi huna hin King Kones inṭhanglienna dinga lo ṭhangpuitu le hi hunser uop dinga fekhâwm hai po po chungah King Kones Manager- Shri M. Bishorjit Singh-in lawmthu a hril a. Sielmat Bible College a Lecturer, Rev. Alan L. Ṭhiek-in ṭawngṭaina'n hun insersûn a hawng hnungin, thawktuhaia inthawk ennuom um tak tak hai suklangna an nei a, an sinthawnaa an tawnhriet lawmum tak tak hai an hril tâwl bawk. King Kones indintu -Pi Sarah Hmingrimawi chun fekhâwm hai po po le King Kones hlawtlingnaa ṭangkai êm êm thawktu hai po po kuomah lawmthu a hrila. Lamka ICI Church-a Local Pastor, Rev Varsanglur-in King Kones ta dingin 'Lawmthu hril Ṭawngṭaina' hun a hmang hnungin hun suktawp a nih.
Churachandpur-a innghat fâk siemtu Lamka Foods enkawl- King Kones hai hi sa a inthawka siemsuok fâkthei chi 30 neka tam le Icecream chi 30 nêka tam siemtu an nih.
An ṭan tîr chun King Kones hin Icecream chau an siem deutak hlaka, nikuma inthawk Meat Processing' (Sa hmanga fâkthil siem) tieng an hung ṭan ta a nih. King Kones hai fâksiem hi Manipur pumpui a chau niloin, North East-a khawpui, hieng Aizawl, Kohima, Dimapur, Makokchung, Guwahati le Itanagar a hai thawn dar zing ani tah a. Export license an siemzo fel hun huna Bhutan a khawm an fâksiem hai thawn lût ani vak ding an tah.
A enkawltu LAMKA FOODS company hi fakthei 'Brand' inlâr tak tak hai 'Retail Prize' a zawrin, kum 2010 khan hawng ṭan ani a. Hung hlawtling tung peiin an hung inṭhang duong hlea, tuhin anni siem/kutsuok ngei 'food brands' an nei ve tah a nih. Hrilsa dinga pawimaw êm êm chu Lamka Foods hai hi Churachandpur a ISO CERTIFIED private company umsun anni bawk a nih.
Hi huna hin King Kones inṭhanglienna dinga lo ṭhangpuitu le hi hunser uop dinga fekhâwm hai po po chungah King Kones Manager- Shri M. Bishorjit Singh-in lawmthu a hril a. Sielmat Bible College a Lecturer, Rev. Alan L. Ṭhiek-in ṭawngṭaina'n hun insersûn a hawng hnungin, thawktuhaia inthawk ennuom um tak tak hai suklangna an nei a, an sinthawnaa an tawnhriet lawmum tak tak hai an hril tâwl bawk. King Kones indintu -Pi Sarah Hmingrimawi chun fekhâwm hai po po le King Kones hlawtlingnaa ṭangkai êm êm thawktu hai po po kuomah lawmthu a hrila. Lamka ICI Church-a Local Pastor, Rev Varsanglur-in King Kones ta dingin 'Lawmthu hril Ṭawngṭaina' hun a hmang hnungin hun suktawp a nih.
Churachandpur-a innghat fâk siemtu Lamka Foods enkawl- King Kones hai hi sa a inthawka siemsuok fâkthei chi 30 neka tam le Icecream chi 30 nêka tam siemtu an nih.
An ṭan tîr chun King Kones hin Icecream chau an siem deutak hlaka, nikuma inthawk Meat Processing' (Sa hmanga fâkthil siem) tieng an hung ṭan ta a nih. King Kones hai fâksiem hi Manipur pumpui a chau niloin, North East-a khawpui, hieng Aizawl, Kohima, Dimapur, Makokchung, Guwahati le Itanagar a hai thawn dar zing ani tah a. Export license an siemzo fel hun huna Bhutan a khawm an fâksiem hai thawn lût ani vak ding an tah.
A enkawltu LAMKA FOODS company hi fakthei 'Brand' inlâr tak tak hai 'Retail Prize' a zawrin, kum 2010 khan hawng ṭan ani a. Hung hlawtling tung peiin an hung inṭhang duong hlea, tuhin anni siem/kutsuok ngei 'food brands' an nei ve tah a nih. Hrilsa dinga pawimaw êm êm chu Lamka Foods hai hi Churachandpur a ISO CERTIFIED private company umsun anni bawk a nih.
