Responsive Ad Slot

Independent Church of India Kristien Ṭhalai Pawl Inkhawmpui Lien a vawi 36-na hmang ṭan

Saturday, February 15, 2020

/ Posted by Simon L Infimate
Zairawn, February 14, 2020, Virthli (ONP): Zairawn khuo, Jiribam Presbytery a innghat-  Independent Church of India Kristien Ṭhalai Pawl Inkhawmpui Lien a vawi 36-na (February 14-16, 2020)chu February 14, 2020 zan khan hmang ṭan a nih. Hi huna hin Rev. Lalhmingthang, Secretary, Ministries & Education in Conference hawngna a nei a, Upa Dr. Zawlthanglien Changsan, Chairman, CKṬP in lawmlutna thucha hrilna neiin Rev. Alan L. Thiek, Secretary, CKṬP a'nthawk thupuong ngaithlak a nih.

Hi huna hin Pastor Dr. James R. Ruolngul in Conference thupui "I vanglai nihaia chun nangma siemtu che chu hrezing rawh" (Thuhriltuhai 12:1) ti thupuia hmangin Pathien thucha ropuitak el a hril a, ICI Central Choir le Rev. Thangngur Music Awardee hai anthawk inpakna hla hai ngaithlak a ni a, NTK Mission Fiel han lam hmu nuomum tak el inentirna hun an hmang bawk. Pastor Solomon Tuolor in malsawmna hrilin hun suktawp a nih.


Zan inkhawm hunser hmang ani zoin hun hnina- Rev. Thanngur Music Award 2020 nei a ni a, hi huna hin Presbytery tin a thlangsuoka um contestant mi 11 han Independent Hlabu a hla hai sakin hlaa inruolsiekna an nei a, Judge in Upa Lalruotthieng, Tv. Lalthlawnpek Tusing, Pro Pastor Richard Tryte le Nk. Quilyn Lalrovel hai an ṭhang.

February 15, 2020 chawhma inkhawm huna Upa Evan John, Associate Evangelist-at-Large in Pathien thucha hrilna nei a ta, dar 1:00 PM ah General Conference rorel um bawk a tih. Zan huna Rev. B.L. Sandam, Secretary, Finance, ICI a'nthawk Pathien thucha ngaithlak ning a ta, Rev. Thangngur Music Award 2020 sunzawm ni nawk a tih.

General Conference hmang huna hin KṬP Day khawm ursun taka inser ning a tih. Tuchena mikhuol chu mi 1200 vel bawr an tling ta thu Virthli Palai an hril.

Don't Miss
© all rights reserved
made with by Simon L Infimate