Responsive Ad Slot

HPC(D) Manipur Region in Pu Rochunghnung lawmpuina an nei

Tuesday, February 4, 2020

/ Posted by Simon L Infimate
CCPur, Virthli (ONP): February 3, 2020 zantieng khan Indo-UPF SoO group HPC(D) Manipur Region chun Pu Rochunghnung, Science Supervisor, Pherzawl District in Pherzawl Distrct a sin thaw ṭha bik thlangsuok hai laia ṭhanga January 26, 2020 India 71st Republic Day ni a Pherzawl DC Pi Mannuamching IAS kuta inthawka Chawimawina a dawng chu a chengna In, Rengkai ah ruoi ṭhe meuin lawmpuina an nei a, Lawmpuina thu ziek khawm inhlanin hi hun hi an Chairman L. Sanga Hmar in a keiṭhuoi a, Pathien thucha hrilna le Pu Rochunghnung tadinga ṭawngṭai pekna Rev. Lalsiemthar in a nei bawk a nih.

Pu Rochunghnung hin sawrkar sin a hmu hma chun social worker ṭha niin, ram le hnam tadinga a theitawp lo insuoin, a hun le ni hai a lo hmang hlak a, HPC(D) tading khawma a lo in hmang ve hlak a nih. Mani sina ringum mi ani zie khawm sawrkar a inthawka Chawimawina a dawng a inthawk hin hmu le hriet thei a nih tiin HPC(D) Manipur Region chun an hril.
Don't Miss
© all rights reserved
made with by Simon L Infimate