Haflong/CCPur, Virthli (ONP): January 24, 2020 sun khan NC Hills
Indigenous Student Forum hai le Media Team hai chun ISF hai ngenna anga
NH-54E Jatinga-Silchar Road siemna ding sin January 10, 2020 a Ratna
Infrastructure Projects kuoma ₹ 54 Crore peka lo um tah chu sin fedan a
hmun ngei ah fein enfelna an nei.
Hun lo liemtah a National Highway Authority of India (NHAI) haiin 4 lane East-West Corridor an siem ṭana inthawk khan Company dangdang JKM, NKC, Simplex le HCC hai kuomah Jatinga-Silchar Road maintenance thawna sin hi pek an lo ni ta hlak a, kha'ng hun haia khan pakhat el khawma an niin thaw loin subcontract in company chinlem hai kuomah an pek sawng nawk pei hlak a, subcontract a latuhai bawkin subcontract in mimal dangdang kuomah an la pek sawng nawk hlak leiin sin thawtuhaiin an thaw ṭha ta ngai naw leiin a tlo ngai naw a, duthusam a tling ngai naw leiin mipui tadinga harsatna nasatak a'n tlun pha hlak a nih.
Hun lo liemtah a National Highway Authority of India (NHAI) haiin 4 lane East-West Corridor an siem ṭana inthawk khan Company dangdang JKM, NKC, Simplex le HCC hai kuomah Jatinga-Silchar Road maintenance thawna sin hi pek an lo ni ta hlak a, kha'ng hun haia khan pakhat el khawma an niin thaw loin subcontract in company chinlem hai kuomah an pek sawng nawk pei hlak a, subcontract a latuhai bawkin subcontract in mimal dangdang kuomah an la pek sawng nawk hlak leiin sin thawtuhaiin an thaw ṭha ta ngai naw leiin a tlo ngai naw a, duthusam a tling ngai naw leiin mipui tadinga harsatna nasatak a'n tlun pha hlak a nih.
Kum thum sung M/s Laxmi Motors in Jatinga-Silchar Road maintenance sin
hi a lo thaw tah a, 2019 sung chauh khawm khan ṭum hni lai ₹ 2.2 Crore
le ₹ 2.4 Crore lai maintenance thawna dingin NHAI chun sum an lo pek tah
a, amiruokchu tuchen hin a sin thaw hmu ding a um naw thu ISF hai chun
an hrila, chulaizingin January 10, 2020 khan Jatinga-Silchar Road
maintenance thawna dingin ₹ 54 Crore, Ratna Infrastructure Projects hai
kuoma hin pekin a uma chu M/s Laxmi Motors hai subcontract a an pek
sawng chu NC Hills Indigenous Student Forum chun iengti'n khawma a dodal
tlat a, Ratna Infrastruct Project ngeiin sin hi a thaw dingin a phut a
nih. ISF chun M/s Laxmi Motors hai chu sin chawlsan nghal dingin an hril
nghal bawk.
ISF hotuhaiin an hrilpei dan chun sin hi subcontract in pek a ni nawk chun kum dang ang bawkin sin hi siem dukdak um loin pawisa suk chingpena a um nawk an inlau thu an hril a, hi lei hin Ratna Infrastructure Projects ngeiin sin hi a thaw dingin an phut tlat a nih.
Chun, M/s Laxmi Motors hai khawm sin an thaw ṭhat naw leiin ISF chun company hmasa hai anga terminate dingin an hril a, Project Director, NHAI Haflong PIU chunga khawm action la dingin a phut bakah ISF hotuhai chun lampui siet leiin mipui nasatakin kum tamtak harsatna an tuok tah a, abiktakin damnaw le inchûklai haiin harsatna an tuok nasa zuol hlak a, chuleiin tuta ṭum chu sin hi a ni dan ding ang taka siem a ni naw chun Tribalhai hmusit anga ngai ning an ta, an to ṭawk ṭawk ta naw ding thu an hril bawk a nih.
ISF hotuhaiin an hrilpei dan chun sin hi subcontract in pek a ni nawk chun kum dang ang bawkin sin hi siem dukdak um loin pawisa suk chingpena a um nawk an inlau thu an hril a, hi lei hin Ratna Infrastructure Projects ngeiin sin hi a thaw dingin an phut tlat a nih.
Chun, M/s Laxmi Motors hai khawm sin an thaw ṭhat naw leiin ISF chun company hmasa hai anga terminate dingin an hril a, Project Director, NHAI Haflong PIU chunga khawm action la dingin a phut bakah ISF hotuhai chun lampui siet leiin mipui nasatakin kum tamtak harsatna an tuok tah a, abiktakin damnaw le inchûklai haiin harsatna an tuok nasa zuol hlak a, chuleiin tuta ṭum chu sin hi a ni dan ding ang taka siem a ni naw chun Tribalhai hmusit anga ngai ning an ta, an to ṭawk ṭawk ta naw ding thu an hril bawk a nih.
