Guwahati, January 25, 2020, Virthli (ONP): Khelo India Youth Games 2020 ṭum thumna Guwahati, Assam a January 10-22 sûnga nei a khan Tv. Hosea Lalngaisang Tuolor S/o Pu Laltuovung Tuolor, Muolhoi Kanaan veng chu Asaam Football Team (Under 17) a ṭhangin Silver Medal dawng lai a ṭhang.
Assam team hin Final (Gold Medal) inkhelah an khingpui Mizoram chu 1-0 in an hne naw a nih. Hosea hi January thla bul lai khan Assam Under 13 Team chu Captain niin Mumbai a Reliance Foundation Cup ah a keihruoia, hi inkhel a khawm hin Final chen an zu tlung phak a nih. Amiruokchu a kawng an suk hliem met leiin Khelo India a hin duthusam in a khel thei ta naw lai zingin a khel ṭha pawl a la ni phak tho a nih. Bihar le Quarter-Final an inkhelna a Goal khat (1) Assam hmingin a thun a, Goal hni (2) a asist a, Odisa le Semi Final an inkhel ṭumin goal khat (1) a assist bawk a nih.
Hosea Tuolor hin nikum khawm khan Subroto Cup Under 13 Football Team chu Captain niin Assam team a lo inrawi tah bawk. Tuhin Guwahati ah Cl-XII (Arts) inchûklai ani a, Assam State Football Academy a inchuk zing ani bawk a nih. Football chau niloin tlangval te fel tak ani a, mi zaidam tak le thuawi tak niin lekha khawm thiem thei deu el ani a Cl-X khawm 1st Division in nikum khan Football Academy a um zing pumin SEBA huoi ah a pass a nih.
Khelo India Youth Games ti a ko ta hi 2018 hma khan Khelo India School Games tia ko hlak ani a, 2018 a inthawk khan dan hung siem danglamin Under 17 le Under 21 nuhmei le pasal inkhelna chi hran hran inkhel thei dinga buoitsai a hung ni ta a nih. Tuta Guwahati Assam a innghat hi a ṭum thumna a nih.
Kum tin Khelo India Youth Games a hin mi 1000 inkhel ṭha zuol hai chu International Level chena an inkhel phak theina dinga inbuotsaina dingin sawrkarin cheng Nuoi 5 chen kum 8 sung scholarship a pek hlak ding a nih. Tuta ṭum hin Maharashtra state an che ṭha taka Goal Medal - 78, Silver Medal - 71 le Bronze Medal- 101 dawng phakin nikum a hnesaw tak hai 228 Medal dawng hai chu 256 Medal hawnin an record an lak pek a nih.
Assam team hin Final (Gold Medal) inkhelah an khingpui Mizoram chu 1-0 in an hne naw a nih. Hosea hi January thla bul lai khan Assam Under 13 Team chu Captain niin Mumbai a Reliance Foundation Cup ah a keihruoia, hi inkhel a khawm hin Final chen an zu tlung phak a nih. Amiruokchu a kawng an suk hliem met leiin Khelo India a hin duthusam in a khel thei ta naw lai zingin a khel ṭha pawl a la ni phak tho a nih. Bihar le Quarter-Final an inkhelna a Goal khat (1) Assam hmingin a thun a, Goal hni (2) a asist a, Odisa le Semi Final an inkhel ṭumin goal khat (1) a assist bawk a nih.
Hosea Tuolor hin nikum khawm khan Subroto Cup Under 13 Football Team chu Captain niin Assam team a lo inrawi tah bawk. Tuhin Guwahati ah Cl-XII (Arts) inchûklai ani a, Assam State Football Academy a inchuk zing ani bawk a nih. Football chau niloin tlangval te fel tak ani a, mi zaidam tak le thuawi tak niin lekha khawm thiem thei deu el ani a Cl-X khawm 1st Division in nikum khan Football Academy a um zing pumin SEBA huoi ah a pass a nih.
Khelo India Youth Games ti a ko ta hi 2018 hma khan Khelo India School Games tia ko hlak ani a, 2018 a inthawk khan dan hung siem danglamin Under 17 le Under 21 nuhmei le pasal inkhelna chi hran hran inkhel thei dinga buoitsai a hung ni ta a nih. Tuta Guwahati Assam a innghat hi a ṭum thumna a nih.
Kum tin Khelo India Youth Games a hin mi 1000 inkhel ṭha zuol hai chu International Level chena an inkhel phak theina dinga inbuotsaina dingin sawrkarin cheng Nuoi 5 chen kum 8 sung scholarship a pek hlak ding a nih. Tuta ṭum hin Maharashtra state an che ṭha taka Goal Medal - 78, Silver Medal - 71 le Bronze Medal- 101 dawng phakin nikum a hnesaw tak hai 228 Medal dawng hai chu 256 Medal hawnin an record an lak pek a nih.
