Responsive Ad Slot

Patpuihmun Gospel Centenary hmang tan: Patipuihmun khuoah Chanchintha Meiser laklut

Friday, January 24, 2020

/ Published by Simon L Infimate
Patpuihmun, January 24, 2020, Virthli (ONP): Patpuihmun Gospel Centenary chu hmang tan mek niin January 23, 2020 khan Patpuihmun khuoa rawngbawltu, Kohran Upa le Khawtlang thuoituhai chun Sartuinek khuoa inthawk 'Chanchintha Meiser ' hi va sitin laksawngna hunser an hmang. Patpuihmun kawtsuo-ah Pu Lalvulmoi, Chief of Patpuihmun in lo la sawng-in Patpuihmun khuoah Chanchintha Meiser hi lawmtakin a lo dawng sawng a, Patpuihmun khuoah Chanchintha Meiser laklut ani zoin Patpuihmun Khuo Lal in Rev. Roparlien Ralsun, Chairman, Patpuihmun Gospel Centenary Celebration Committee (PGCCC) kuomah an hlan sawng a, Patpuihmun khuo mipuihaiin lawmtakin Gospel Meiser hi lawmlutna hunser an hmang .


Gospel Meiser lawmlutna hunser hmang ani zoin Worship Service hmang niin hi huna hin Pastor L. Duoilo Biete a'nthawk Gospel message ngaithlak ani a, hun hlimum tak el hmang a nih. Patpuihmun Gospel Centenary hi Jan. 25, 2020 chen hmang ning a ta, Virthli ah hung update pei ning a tih.
Don't Miss
© all rights reserved
made with by Simon L Infimate