Responsive Ad Slot

HSA Doiheng Unit 36th Founding Day hmang

Sunday, January 12, 2020

/ Posted by Simon L Infimate
Doiheng, January 11, 2020, Virthli(ONP): Zani khan Doiheng, Dima Hasao, Assam hmuna HSA Doiheng Unit 36th Founding Day cum Grace Standard English School (GSES) Founding Day chu ropuitaka hmang a nih. Hi huna hin Tv. Roger L. Faihriem, Vice President, HSA Assam Hills, Joint Headquarters le Tv. James Selate, General Secretary, HSA Assam Hills, Joint Headquarters hai chu Chief Guest le Guest of Honour a hmang an nih. Anni hai bâka hin HSA Assam Hills Joint Headquarters țhuoitu Tv. Hmingchunghnung Khawzawl, Secretary Statistic khawmin a uop bawk a nih.

1st Session huna Chief Guest a'nthawk 'Power of Education' ti thupui hmangin mipuihai kuoma thu hrilna a nei. Chun Guest of Honour anthawk 'Tumruna le Taimakna' thupuia hmangin thuhrilna a nei bawk. Unit sunga inchukna tienga hlawtlingna changhai kuoma chawimawina Meritorious Award inhlan ani a, chun kum tina an lo thaw hlak angin R.K. Memorial Award chu Nk. Elevia Ramruottling Inbuon kuoma 97.5% hmu in inhlan a nih.

Doiheng Village Authority tieng a'nthawk khawmin HSA hmalakna hai chu a lawmpui hle thu a puong. Hla tieng Nk. Lalțhapui Faihriem in thiem takin mipui an awi. 1st Session Programme zo hnungin HSA Doiheng Unit chun HSA Assam Hills Joint Headquarters hai hninginhnar takin ruoi a țhe pek. Chun 2nd Session chu zan huna hmang ani a, hi huna hin ei hnam Organisation dang dang hai a'nthawk thuhril ngakthlâk ani a,  Cultural items inhmutir ani bawk. Chun Tv. B. Lalsanglien Inbuon, Guest Artiste a fiel in hla ruoi an țhe bawk.
Don't Miss
© all rights reserved
made with by Simon L Infimate