Guwahati/Muolhoi, January 8, 2020, Virthli (ONP): Zani khan, HPC (D) fethlenga Assam rama ei hnam binga ei demand, 'Hmar Autonomous Council' chungchang thua inbiekna Guwahati ah nei a nih. Central sawrkar in 'Interlocutor' dinga a lo hmang, Pu A.B. Mathur a lo pension ta leiin, a aiawtu Pu P. Bhatacharyya inrawina hnuoia inbiekna hi nei a nih. HPC(D) aiawin Pu David L. Hmar, Secy, HPC (D), Assam Region, Pu Lalchunghnung Faihriem, Adviser, HYA, NC Hills & K Anglong Jt. Hqrs. le Pu Lalawmpui hai an thang.
Inbiekna a hin sawrkar tieng pang chun an hma tienga ei demand chau ni lovin Assam ram sunga a chawipawl inbiek meka um, Group 9 hai demand chungthu a hin a hmawrbawk siem vat a tum thu an hril. Ei demand le inzawm hin ei demand area khawm hung chuongkai dinga riruong siem le ei statistical data inchuonhai khawm enfel dinga hma lak ani mek thu hai hrilsa a ni bawk a nih.
Inbiek zo zantieng dar 4:00 in Suspension of Operation (SoO) chungchanga inbiekna neiin thlaruk (6 months) sunga dingin pawtsei nawk a nih. Hi huna hin Pu David L. Hmar, Secy., HPC (D), Assam Region le sawrkar tieng aiawin Pu Ashutosh Agnihotri, IAS, Commissioner & Secy., Home & Political Deptt., Govt of Assam hai chun suoi an kei a nih. Hi huna khawm hin sawrkarin ei demand hi an hma tienga chingfel a tum thu a hrilsa bawk.
HPC (D) Assam Region chun inbiekna hi chen ei phak thei ta hi lawmum an tia, ei tawngtaina hai Pathienin a dawn ngei a nih ti suklangtu a ni leiin tawngtaina'n hma lo la nawk zuol dingin Hmar mipui hai a ngen a nih.
Inbiekna a hin sawrkar tieng pang chun an hma tienga ei demand chau ni lovin Assam ram sunga a chawipawl inbiek meka um, Group 9 hai demand chungthu a hin a hmawrbawk siem vat a tum thu an hril. Ei demand le inzawm hin ei demand area khawm hung chuongkai dinga riruong siem le ei statistical data inchuonhai khawm enfel dinga hma lak ani mek thu hai hrilsa a ni bawk a nih.
Inbiek zo zantieng dar 4:00 in Suspension of Operation (SoO) chungchanga inbiekna neiin thlaruk (6 months) sunga dingin pawtsei nawk a nih. Hi huna hin Pu David L. Hmar, Secy., HPC (D), Assam Region le sawrkar tieng aiawin Pu Ashutosh Agnihotri, IAS, Commissioner & Secy., Home & Political Deptt., Govt of Assam hai chun suoi an kei a nih. Hi huna khawm hin sawrkarin ei demand hi an hma tienga chingfel a tum thu a hrilsa bawk.
HPC (D) Assam Region chun inbiekna hi chen ei phak thei ta hi lawmum an tia, ei tawngtaina hai Pathienin a dawn ngei a nih ti suklangtu a ni leiin tawngtaina'n hma lo la nawk zuol dingin Hmar mipui hai a ngen a nih.
