Entry Coupon/Flat (Per Head) ah Rs. 200/-, Special/Admit One Coupon (free dinner-Mutton & Fish) ah Rs. 1000/-, VIP/Admit Two Coupon (free Dinner-Mut-
ton & Fish) ah Rs. 2000/- bakah BBQ, Fried Rice, Chow Mein, Momo, French Fries, Soup, Tea le Coffee hai hmu thei ning a tih.
Siktui Farm & Resorts neitu M. Gouzamang Guite, MDC chun, Winter Musical Festival a hin Pu Vungzagin Valte, 56 Thanlon MLA & Chairman, MTDC in Siktui Farm and Resorts Website a hawng ding thu Pathienni khan media hai kuomah a hril.
Khuga Dam ram chungchanga hril neu neu um sien khawm Siktui Farm and Resorts thu ah kum 10 chuong planning nei a, compensation thuah case um sienkhawm party pahni ha'n compromise an nei, mimal ram nisienkhawm inchawk a ni a, compensation lakna ram a ninaw thu a hril sa bawk. Employment bakah income generate tumnaa Farm and Resorts hi ṭan a ni thu a hril.
Official taka hawng a ni hma khawmin Siktui Farm and Resorts hi hmun inhawi le mawi ve tak el niin a pantu an tam thei hle a, hmun hla tak tak a'nthawk a pantu an um zing tah a, hi lai hmun a hin picnic le sightseeing/excursion a fe tawk an um deu zing hlak a nih.
Winter Musical Fest hun hi fiel anni angin hnam tum tum a CSO leader, Govt., Civil le Army Officer ha'n uop tawl an tih. A nuom le inhnikna nei taphawt ṭhang thei ning a ta, amiruokchu entry coupon nei ngai a tih.
Hi hun a stage ding khawm hi Khuga Dam (Tuiṭha Tuikhuop) chunga dawsang inlang thei, floating stage mawi taka siem a nih. A danglamin a mawi hle a, hi anga stage siem hi la vang ve tak a nih.
