Responsive Ad Slot

Pu Lalthlirlien Hmar in inchuklaihai bufak tlangpuina a nei

Monday, December 30, 2019

/ Posted by Simon L Infimate
Saiphai, December 30, 2019, Virthli (ONP): Sinlung Hills Council huomsunga Village Council (VC) a HPC Member umsun Pu Lalthlirlien Hmar, Saiphai chun Saiphai khawmi College kai hai po po, Bible Students le inchukna ngaituo a hmun danga umhai chu bufak tlangpuina a nei a, inchuklai mi 40 chuongin hi hun hi an hmang a nih.

Pu Lalthlirlien Hmar chun inchuklaihai hma ah thuhril tawi neiin inchukna kawnga tumruna nei a tul zie dam, tulai thalai haiin ei thangmawbawk a bik takin mobile phone hmang thiem a tul zie hai, WhatsApp, Instagram, Facebook le dang dang hai a pawimawi ruol ruolin a hmang dan thiem a tul zie hai a hril baka exam sunga mobile off ngam a pawimaw zie hai a hril bawk. Inchuklaihai hi Pen pakhat seng Christmas present in a pek bawk a nih. Pu Lalthlirlien Hmar hi HSA Sunlung Hills JHQ ah General Secretary sin chel lai mek a ni a, Saiphai Mizoram VC member ah a naupang tak ani nghe nghe bawk a nih.
Don't Miss
© all rights reserved
made with by Simon L Infimate