December 8, 2019, Virthli(ONP): Liemtah 5th December khan Guwahati a Hmar nau umkhawm han Sikpuiruoi NEZCC Shilpgram Panjabari a ropuitakin anhmang anih. Hi programme hi Mizorama top artiste Kim Kima in hlasakin mipui fe khawm hai an awi a, chu el khela Guwahati Local artiste han hla mawi tak takin an in awi bawk anih.
Hun hawngna Pastor Fimthasang Infimate in tawngtaina anei zoin first session programme tan ania, Opening song 'Kan tlangram mawi' an sak zoin Welcome speech Pu James Neingaite (Chairman Sikpuiruoi Organising Committee) anei bawk anih.
Sikpui Pa(Chief Host) Pu Thanghlun Hmar IRS, Dy. Commissioner IT(B.P) in Darkhuong vuokna anei zoin Sikpuiruoi hawngna anei a, Sikpuiruoi History le Hmarnau han Christian ei ni hmaa ei hmangdan le christian ei nihnunga mi ahril bawk anih. Sikpuiruoi ei hmang hi ei culture le ei tradition hausaktak ei humhimna le ei sunzawm pei theina lampui pakhat anih.
Khuollien( Chief Guest) Pu Lalthlirlien Darngawn AFS, Sr. Financial Adviser ,Govt. Assam in Official takin HWSG Constitution 2019 (Amended Version) hawngna anei,ama khawma Sikpuiruoi history Hmar Hnam ta dinga apoimaw zie ahril,ei hnam dan hi ei intanna le ei identity ani leiin humhim apawimaw zie uortakin ahril anih.
Pu Joshua Neithamin Secretary HWSG report apek zoin 2020-21 HWSG thuoitu thlangna le Oath taking nei ani bawk.
Kum 2019 sunga mi tlawmngai hai mi 16 Blood Donors Club in chawimawina anpek bawka, First session Pastor Vanlalsang Khuptong in tawngtainan hun akhar anih.
Second Session 'Thangruolin Lungruolin' ti hla mipui ansak zoin HSA Jt. HQ Guwahati Cultural Troupe han Hnam lam mawitak el show na annei elkhela HSA 2020 Year planner Calendar suklangna/tlangzar ani bawk.
Kum 2019 Mr and Miss thlangna Judge hai Thu indawnna mipui hmaa annei zoin Kum 2019 Mr dingin Pu Lalzuithang thlang ania Mrs dingin Pi Lalnghatkim thlang ani bawk. Programme fe peiin Mizo Top singer Kim Kima mipui hla in an awia, chu chau chu nilo Local Artiste han an in awi sa bawk anih.
Vote of Thanks Pu Dewitz (Secy. Sikpuiruoi Organising Committee ) in ahril zoin Closing prayer Upa LK Varte in hun akhar anih.
