Responsive Ad Slot

HSA JHQ SHillong in Gospel Camp a huoihawt ding

Thursday, October 10, 2019

/ Posted by Simon L Infimate
Shillong, October 10, 2019, Virthli (ONP): Hmar Students' Association, Joint Headquarters, Shillong chun hungtlung ding October 15-17, 2019 sung hin Umtong, East Khasi Hills hmun ah a nuom taphawt thang thei dingin Gospel Camp huoihawt a tum. "Lalpa kuomah kîr nâwk ei tiu" Hosea 6:1 ti thupuia hmangin Upa Evan John, Associate Evangelist At-Large, ICI Camp chu Speaker a hmang ning a tih.

Hi camp a hin inchuklai naw khawm, a nuom taphawt lût thei ani ding thu, sum le pai indai naw tak puma hi camp hi Pathien tienga intuoithar nuom le sandamna zawng nuom hai tadinga Pathien ringsana an huoihawt thu an hrila, pawisa sumfai, fâk le dâwn kawng a hi Camp ṭhangpuina ding pe nuomhai ta dingin kawt lientak an hawng ani a, mitin in ṭawngṭainaa lo hrie seng dingin HSA JHQ Shillong chun fielna a siem a nih.

Hi Camp le inzawma HSA JHQ Shillong ṭhuoitu hai biepaw nuomhai chun hieng contact number hai a hin biek thei zing an nih.

President:+919612075347

General Secretary: +918414037784
Don't Miss
© all rights reserved
made with by Simon L Infimate