Responsive Ad Slot

HSA Diphu Unit ha'n 22nd Freshers' Social Meet 2019 ropuitaka hmang

Saturday, October 5, 2019

/ Posted by Simon L Infimate
Diphu, October 3, 2019: Hmar Students' Association (HSA) Diphu Unit huoihawtna hnuoiah 2nd October, 2019 khan CHS Auditorium, Diphu, Karbi Anglong District, Assam ah hmang a nih. Hi huna hin Khuollien in (Chief Guest) Tv. James Selate, General Secretary, HSA Assam Hills Joint Headquarters a țhang.

Hun hmangna hi Tv. Thomas Tuolor le Nk. Mercy Lalhmangai Sungte ha'n hnesaw takin an keihruoia, HSA Theme Song mipui in sakna nei ani a, Upa Henry Lalropui Varte in hun hawng țawngțaina a nei zo hnungin, HSA Diphu Unit țhuoitu haiin Tv. James Selate (Khuollien) chawimawina thilpek inhlanna hunser an hmang.

Khuollien (Chief Guest) Tv. James Selate, General Secretary, HSA Assam Hills Joint Headquarters in thu a hril huna 'Tumrunu le taimakna' thupuia hmangin inchuklai hai chona pe in thu a hril. Hi huna hin tukum 2019 sunga inchukna tienga hlawtlingna changhai HSA Diphu Unit sunga members hai Tv. John Lalsandam Hmar, Secretary Education HSA Diphu Unit in Meritorious Award inhlanna hun thiem takin hun anei a, hi bâka Pawlsawm a percentage hmu insangtak Tv. Amos Khawzawl, S/o- Liena Khawzawl kuomah Famtah Pi Thangpui Varte Memorial Award lawmman Memento le Cash Prize le Pawlsawm bawka English subject a marks hmu insangtak Nk. Rebecca Malsawmkim Sungte, D/o- Upa Khupzakai Sungte kuomah Famtah Pu L.C. Neitham Memorial Award lawmman Memento le Cash Prize inhlansa bawk an nih. Hlawtlingna changhai ta dingin infuina thucha le țawngțai pekna Pastor Lalkhumvel Zote in a nei.

Hi huna hin Artiste- Nk. Caroline Amo, Winner Karbi Anglong Singing Star 2019 le Nk. Steffi Fimremmawi Infimate, Diphu ha'n hnam hla thiem le mawi taka sakin mipui fekhawm hai an inawi. Hi bâka hin lam hmu nuom um tak tak el HSA members han inentirna hun an hmang.

Tv. Gospel Lalmalsawm Sielhnam le Nk. Shalomi Lalțhuoizing Lungțau hai chu MR & MISS FRESHER 2019 a thlang an nih.

Tv. George L. Infimate, President HSA Diphu Unit in lawmthu hrilna hun anei a, Upa Zairemkung Țhiek in țawngțaina a nei zoin 1st Session suktawp a nih.


2nd Session - HSA Diphu Unit Election (2019-2021 Session) hi Dr. Paul B. Chonzik (Head, Dept. of History, Assam University, Diphu Campus) Election Presiding Officer, Pu John L. Varte (Area Representative Karbi Anglong Area, HSA Assam Hills JHQ) Election Secretary le Tv. James Selate (General Secretary, HSA Assam Hills JHQ) Election Observer a țhangin hieng hai bâka țhangpuitu dingin Upa Henry Lalropui Varte, Upa Zairemkung Țhiek le Tv. J.L. Hekte hai inrawina hnuoiah Election neiin hieng ahnuoiah mihai hi thlangtling an nih.

President- Tv. John Lalsandam Hmar
Vice President- Tv. George L. Infimate
Secretary-Tv. Isak Rohmingsang Sungte
Assistant Secy- Tv. Gideon Khawbung
Finance Secretary- Nk. Esther L. Infimate
Treasurer- Nk. Caroline Amo

Departmental Secretaries-
Education- Nk. Jael Chonzik
Social & Culture- Nk. Mercy Lalhmangai Sungte
Information & Publicity- Tv. Paul Lalnunpek Khawbung
Public Relation- Pu Jehova Jire Zate
Games & Sports- Tv. Roland L. Hrangchal














Don't Miss
© all rights reserved
made with by Simon L Infimate