Responsive Ad Slot

Hmar Kohran le Mipuihai Kuoma Ngenna

Thursday, October 31, 2019

/ Posted by Simon L Infimate
High Level Committee for Implementation of Clause 6 of Assam Accord chun Hmar Indigenous Peoples' Forum, Assam chu November ni 2, 2019 hin inbiekpuina nei dingin a hung ko a. Chu thil ngaituoin vawisun October 31, 2019 hin HIPF chun Hmarkhawlien-ah meeting neiin, hi huna hin Hmar Inpui, BV Region khawm an thang ve nghe nghe a nih.

HIPF chun Assam rama Hmarnauhai harsatna intluna lo um tahai hieng:
1. Jhumland Permission le Hmarnauhai, cultural, economic, political le social tienga humhalna dingin Sixth Schedule hnuoia inkhum.
2. _Higher Secondary level chena Hmar Medium nei thei dan ding le Anundoram Borooah Institute of Language Art & Culture, Assam hnuoia Hmar Literature Society, Assam thunlut.
3. Assam sawrkarin Upper House Unrepresented Tribe-hai ta dinga Seat 40 umna a siem mêkah Barak Valley-a Hmarhaiin Seat ei nei thei dan ding,

chu fumfe taka High Level Committee hmaa chipchier nawkzuola zun tlun ngei tha a ti a. Chu bakah, Cachar Hill Tribes Headmen Association-haiin thu pawimaw tak tak an lo intlunhai khawm bawzui ni bawk a tih. Chu taka ding chun HIPF Chairman Dr. Vanlallien Pulamte le members 3 - Pu Lalzawmthang Hmar, Pu James Lalnunsang le Tv. Gospel Songate hai chu palai dingin a tir mek a. Inbiekna hlawtling tak a um theina ding le, Hmar hnam mamaw intluna umhai ei hmu ngei theina dingin, kohran tin le mimal tinin November ni 1 zan hin ei Pathien kuomah lo hei intlun seng dingin thahnemngai takin ei infiel tak meu a nih.

Hnam ta dinga in thahnemngaipui

Sd/- El Rejoy
President, Hmar Inpui, Barak Valley Region


Don't Miss
© all rights reserved
made with by Simon L Infimate