Responsive Ad Slot

Songpijang ah Anglo-Kuki War Centenary Football Tournament ṭan

Tuesday, September 24, 2019

/ Published by VIRTHLI
Haflong Songpijang, September 24, 2019, Virthli (ONP): Anglo-Kuki Rebellion 1917-1919 hrietzingna dinga Kuki Students Organisation (KSO)-Assam in a huoihawt Anglo-Kuki War Centenary Football Tournament chu zanikhan Songpijang Field ah ṭan a lo ni tah. Hi huna hin hnamtin a Students Organisation hai bâka Kuki Village Authority khuotin deu thaw hai le Kuki Inpi Assam, Kuki Advisory Board le Kuki Women Association, Kuki Anglo War Committee hai ṭhang in hi Tuornament hi ropui taka hawngna nei a nih, Cultural lâm in entirna hai nei a ni bawk.


Hi huna hin Tv. David Keivom President North Cachar Hills Indidenous Students Forum chu Khuollien a ko a ni angin hieng a hnuoia ang hin thuhriltawi a nei ''Anglo Kuki War 1917-1919 lai khan eini tlângmi hai hi Sâp (British) hai chun Kuki tiin an mi hriet vawnga, ei Pi le Pu haiin zalênna ei dawng na dingin nasatakin an lo bei lêt ve a, thil liem ta hai thlir lêt in hi Centenary hi Ropui tak le huop zau taka huoihawt ni thei sien, ISF khawm a theina ang anga ṭhangve dingin organizing committee hai a hril bawk ''. Rev. Lallun Haolai in ṭawngṭaina hun hai neiin Tournament hi ṭan a nih.
Don't Miss
© all rights reserved
made with by Simon L Infimate