Responsive Ad Slot

Hmar Inpui Consultative Meeting Tuiṭhaphai Chapter hlawtling taka nei

Tuesday, September 10, 2019

/ Posted by VIRTHLI
Rengkai, September 10, 2019, Virthli (ONP): Hmar Inpui Consultative Meeting Tuiṭhaphai Chapter chu vawisun khan LJ Memorial Hall, Rengkaia huoihawt a nih. Mi 60 chuong fekhawmin thu tamtak hriltlang ani a, hi huna ṭhang hman naw hai khawmin ngaidan ṭha tak tak hai an thelût ve. Consultative Meeting Tuiṭhaphai Chapter hin Declaration insuo naw sienkhawm Meeting Outcome ruok chu hriet thei a nih. A tlângpui hai:
(a). Tuta Hmar Inpui hmalakna hnuoia Covenant/Thuthlung Guwahati a June 27, 2019 a suoi kei ngeia ziek le pawm kha ṭha tak le tluongtlam taka la fepui nisienla ti a nih.
(b). Hmar Inpui hmalakna hai an support in, hmatieng peia khawm ṭawngṭainaa Kohran le khawtlang mipuiin an thlawpna hai hril lang ani a,
(c). Inngaidamna, tharum insuo lo, le policy neia hmalak, inremna, Pathien Thua hmalakna innghat a ṭul zie, Tuiṭhaphaia chêng haiin mipui hamṭhatna tieng awna hmalâk aṭul zie hai an nih.
(d). Palai fekhawm tamtakin an hril chu, "Ei hnamin silai chawia movement nei hi a la tul chie am?" ti a na. Hmatieng peiah hi tieng awna hnam policy thatak zama Hmar Inpuiin hma hung la pei ding ti a nih.

Hmar Inpui, GHQ chun hmatieng peia khawm hmun dang danga Consultative Meeting chapter dang hming chawiin hnam tadinga mirawnkai le ṭhahnemngai hai fielin thurâwn lâk pei a tum thu a hril bakah vawisuna Tuithaphai Chapter a hnam tadinga thahnemngai fekhawm hai popo chunga lawmthu a hril bawk a nih.


Don't Miss
© all rights reserved
made with by Simon L Infimate