CCPUR, Virthli (ONP): Hriet ding la um ngai zen zen lo, Tuiṭhapui vadung (Khuga river) sukfai, a tui sukthienghlim le vawnghim zing a pawimaw zie insukhmuna le inhrilhrietna'n mi ṭhahnemngai hai le HPC(D) GHQ ṭhangtlangin August 17, 2019 sun dar 11 AM - 3 PM inkar, darkar 4 sung khan Tuiṭhapui vadung a hmun ruot bik Rengkai le Muolvaiphei inkar ah Tuiṭhapui Angling Competition (Nga kuoi dawk inelna) hlawtling takin huoihawt a nih.
Hi hun a hin mi 290 lai Manipur hmun tum tum a'nthawk an ṭhang a nih. Competition hi darkar 2 sung dinga ti nisienlakhawm Competition a ṭhang hai ngenna angin darkar 4 sung thawpui an nih.
Dar 10:00 AM - 10:30 AM inkar Rengkai Tuiṭhapui Leilak (Rengkai Khuga Bridge), CCPur - Sugnu Road, Rengkai, CCPur lai fekhawmin hming in zieklut phawt a ni a. Hun hmasa tieng huoihawttu laia mi Tuiṭhapui vadung le inzawma mi ṭhahnemngai hai aiaw (Social Activist) Mr. LRS Puruolte in hun a kei ṭhuoi a, hi Tuiṭhapui Angling Competition a ṭhang hai kuoma lawmthu hrilin, Tuiṭhapui vadung mitin ta, a neitu seng ei nih tia hrilin hmatieng peia khawm Tuithapui vadung vawnghimna kawng ah ṭhangtlang sunzawn pei dingin a fiel a, Tuiṭhapui vadunga a hawnpui/ṭum khata nga kuoi an la tam ṭum tak khawm a ni ding thu le World Record a kai thei ding thu a hrillang sa bawk. Mr. Alan Hmar, Defence Secretary, HPC(D)-GHQ in a thuhrilna ah Operation Tuiṭhapui, Save Tuiṭhapui, Save the Dying River ti chu la fe pui pei a ni ding thu le Tuiṭhapui vadung duot taka enkawl a pawimaw zie hai a hril bawk. Huoihawttu haia inthawk hriet ding pawimaw hai puong a ni zoin Rev. Joseph R Joute, Director, For One Life Asia in Pathien kuoma ṭawngṭaina a nei zoin competition hi ṭan a nih.
Hi hun a lawmman dawngtu hai chu hieng hai hi an nih: A kuoi dawk hmasatak Mr. Anthony (32 yrs) of Rengkai, CCPur (11:02 am), a kuoi dawk lientak/a riktak Mrs. Neimawi (54 yrs) of Rengkai, CCPur (60 gram) le a kuoi dawk rawn tak Mr. Jehova Infimate (17 yrs) of Muolvaiphei, CCPur (57 fishes) hai kuomah Lawmmanin sumfai (Cash Prize) ₹ 1,500/- + Bufai Bag 1 + Certificate pek seng an ni a, Competition a ṭhang hai popo Consolation Prize/Gift pek seng an ni bawk.
Life Café, Rengkai Road, CCPur in a kuoi dawk lien tak kuoma hin lawmpuinain offer an pek a, a nuom nuom mi ṭhuoiin ṭum khat chu an du tak an fakin an dawn thei ding a nih. A kuoi dawk lientak/a riktak hi pahni an um a, 60 gram a rik nga an kuoi dawk ve ve a nih. Competition Jury ha'n Lots System a lawmman latu ding zawng a ni hnungin Mrs. Neimawi (54 yrs) of Rengkai hin lawmman a dawng a, Mr. Solomon (15 yrs) of Muolvaiphei, CCPur in a kuoi dawk lientak/a riktak lawmman dawng ta naw sienlakhawm Consolation Prize sumfai ₹ 500/- le insilna sabon 5 pek a ni a, lawmman dawngtu Mrs. Neimawi in a lawmman dawng a mi ₹ 500/- a la sem nawk bawk a nih.
Competition zo hin Rengkai Tuiṭhapui Leilak lai Lawmman Semna le huoihawttu haia inthawk Awareness Programme hmang sunzawm a ni a, hi hun hi huoihawttu laia mi Mr. JH Hmar, Director, I&PR, HPC(D)-GHQ in a kei ṭhuoi a, Hmar hnam ṭhuoitu Mr. T. Romeo Hmar, Jt. Secy. HI-GHQ, Mr. Lalṭanpui, C-in-C, HNA, Rev. Benjamin Shakum, Jt. Secy. HI-GHQ le Mr. LK Hmar, C-in-C, HPC(D)-GHQ ha'n ṭawiawmin lawmman latu hai kuoma inhlanna an nei a, Lawmthu hrilna hun Mr. LK Hmar, C-in-C, HPC(D)-GHQ in a nei zoin a ṭhang taphawt hai kuom ah Consolation Prize/Gift inhlan a ni a, hun tawp ah Rev. Benjamin Shakum in Pathien kuoma ṭawngṭaina'n hun kharna a nei bawk.
Hi hun hlawtling taka hmang a ni theina dinga kawng tum tum haia lo ṭhangpuitu le ditsaktu, lawmman tum pektu, PA System le a dang dang mimal an hming lam seng lo hai kuoma huoihawttu hai chun lawmthu an hril a, hmatieng peia khawm Nga man theina ding bik hmun (area) siem tum le Tuiṭhapui vadung ah Ngate insuo dan ding khawm la ngaituo tum a ni thu le Tuiṭhapui vadung vawnghimna kawnga ṭhangtlang dinga mipui hai fiel nawn nawkin Tuiṭhapui vadung ah tur, dynamo, bomb (gelatine) le a dang dang thil pawi thei ding thaw lo dingin ngenna an siem nawk nawk.
Tuiṭhapui vadung le inzawma hmalakna hi ADC Churachandpur/District Administration, State sawrkar, Central sawrkar chen khawma an lo hriet tah a, hmalak pei dan ding ngaituo zawm pei a ni thu huoihawttu haia inthawk chanchin ei dawng bawk.
Dar 10:00 AM - 10:30 AM inkar Rengkai Tuiṭhapui Leilak (Rengkai Khuga Bridge), CCPur - Sugnu Road, Rengkai, CCPur lai fekhawmin hming in zieklut phawt a ni a. Hun hmasa tieng huoihawttu laia mi Tuiṭhapui vadung le inzawma mi ṭhahnemngai hai aiaw (Social Activist) Mr. LRS Puruolte in hun a kei ṭhuoi a, hi Tuiṭhapui Angling Competition a ṭhang hai kuoma lawmthu hrilin, Tuiṭhapui vadung mitin ta, a neitu seng ei nih tia hrilin hmatieng peia khawm Tuithapui vadung vawnghimna kawng ah ṭhangtlang sunzawn pei dingin a fiel a, Tuiṭhapui vadunga a hawnpui/ṭum khata nga kuoi an la tam ṭum tak khawm a ni ding thu le World Record a kai thei ding thu a hrillang sa bawk. Mr. Alan Hmar, Defence Secretary, HPC(D)-GHQ in a thuhrilna ah Operation Tuiṭhapui, Save Tuiṭhapui, Save the Dying River ti chu la fe pui pei a ni ding thu le Tuiṭhapui vadung duot taka enkawl a pawimaw zie hai a hril bawk. Huoihawttu haia inthawk hriet ding pawimaw hai puong a ni zoin Rev. Joseph R Joute, Director, For One Life Asia in Pathien kuoma ṭawngṭaina a nei zoin competition hi ṭan a nih.
Hi hun a lawmman dawngtu hai chu hieng hai hi an nih: A kuoi dawk hmasatak Mr. Anthony (32 yrs) of Rengkai, CCPur (11:02 am), a kuoi dawk lientak/a riktak Mrs. Neimawi (54 yrs) of Rengkai, CCPur (60 gram) le a kuoi dawk rawn tak Mr. Jehova Infimate (17 yrs) of Muolvaiphei, CCPur (57 fishes) hai kuomah Lawmmanin sumfai (Cash Prize) ₹ 1,500/- + Bufai Bag 1 + Certificate pek seng an ni a, Competition a ṭhang hai popo Consolation Prize/Gift pek seng an ni bawk.
Life Café, Rengkai Road, CCPur in a kuoi dawk lien tak kuoma hin lawmpuinain offer an pek a, a nuom nuom mi ṭhuoiin ṭum khat chu an du tak an fakin an dawn thei ding a nih. A kuoi dawk lientak/a riktak hi pahni an um a, 60 gram a rik nga an kuoi dawk ve ve a nih. Competition Jury ha'n Lots System a lawmman latu ding zawng a ni hnungin Mrs. Neimawi (54 yrs) of Rengkai hin lawmman a dawng a, Mr. Solomon (15 yrs) of Muolvaiphei, CCPur in a kuoi dawk lientak/a riktak lawmman dawng ta naw sienlakhawm Consolation Prize sumfai ₹ 500/- le insilna sabon 5 pek a ni a, lawmman dawngtu Mrs. Neimawi in a lawmman dawng a mi ₹ 500/- a la sem nawk bawk a nih.
Competition zo hin Rengkai Tuiṭhapui Leilak lai Lawmman Semna le huoihawttu haia inthawk Awareness Programme hmang sunzawm a ni a, hi hun hi huoihawttu laia mi Mr. JH Hmar, Director, I&PR, HPC(D)-GHQ in a kei ṭhuoi a, Hmar hnam ṭhuoitu Mr. T. Romeo Hmar, Jt. Secy. HI-GHQ, Mr. Lalṭanpui, C-in-C, HNA, Rev. Benjamin Shakum, Jt. Secy. HI-GHQ le Mr. LK Hmar, C-in-C, HPC(D)-GHQ ha'n ṭawiawmin lawmman latu hai kuoma inhlanna an nei a, Lawmthu hrilna hun Mr. LK Hmar, C-in-C, HPC(D)-GHQ in a nei zoin a ṭhang taphawt hai kuom ah Consolation Prize/Gift inhlan a ni a, hun tawp ah Rev. Benjamin Shakum in Pathien kuoma ṭawngṭaina'n hun kharna a nei bawk.
Hi hun hlawtling taka hmang a ni theina dinga kawng tum tum haia lo ṭhangpuitu le ditsaktu, lawmman tum pektu, PA System le a dang dang mimal an hming lam seng lo hai kuoma huoihawttu hai chun lawmthu an hril a, hmatieng peia khawm Nga man theina ding bik hmun (area) siem tum le Tuiṭhapui vadung ah Ngate insuo dan ding khawm la ngaituo tum a ni thu le Tuiṭhapui vadung vawnghimna kawnga ṭhangtlang dinga mipui hai fiel nawn nawkin Tuiṭhapui vadung ah tur, dynamo, bomb (gelatine) le a dang dang thil pawi thei ding thaw lo dingin ngenna an siem nawk nawk.
Tuiṭhapui vadung le inzawma hmalakna hi ADC Churachandpur/District Administration, State sawrkar, Central sawrkar chen khawma an lo hriet tah a, hmalak pei dan ding ngaituo zawm pei a ni thu huoihawttu haia inthawk chanchin ei dawng bawk.
