Aizawl, 27 August, 2019, Virthli(ONP): Mizoram State Election Commission chun Sinlung Hills Council (SHC) inthlangpui (general election) hmasatak nei dingin inbuotsaina a fepui mêka, inthlang hi an hmatieng boutsai tum a ni thu, sawrkar thuneituhai chun an hril.
Vawisun khan district election officer le Aizawl DC ni bawk Pu Lalngaihsaka keihruoina hnuoiah SHC election le summary roll revision chungchangah inrawntlangna (meeting) Aizawl DC conference Hall ah nei a nia, hi huna hin draft electoral hai tlangzar hun ding khawm tarlang nghal a nih.
Hi meeting a hin Mizoram sawrkar official le SHC hotuhai bakah political party tin aiaw hai an ṭhanga, SHC huomsunga NGO hrang hrang aiaw le Hmar Inpui, Mizoram region le HSA, Sinlung Hills Joint Headquarters ṭhuoituhai khawm an ṭhang a nih.
Additional DC, Aizawl le Election Registration Officer (ERO) ni bawk Pu John LT Sanga in a hril danin SHC Election conduct rules in a phût angin kum 2016 a lo tlangzar (Publish) tah Village Council roll chu tuta council election dinga hin besan (draft/mother roll) taka hmang ding a nia, sawrkarin a ruohmang dan chun draft electoral roll hi September ni 5, 2019 hin tlangzar nîng a ta, September ni 6 le 12, 2019 inkar hin siemṭhat ngai/inthunsa le sawisel (claims & objection) nuomhai ta di'n hun hawng nîng a tih.
Pu John LT Sanga chun claim and objection hi Booth Level Officer (BLO) hai kuomah pek ding a nia, Assistant Election Registration Officer (AERO) ha'n September ni 13 a'nthawk 20 sung khawtin annawle State Election Commission in hmun a i ruot a haiah 'hearing' nei nîng a tih, ti'n a hril.
Ruohmang danin roll puitling (final roll) hi September ni 26, 2019 ah tlangzar tum a nih.
Thulâkna dangin a hril danin SHC Election conduct rules a inziek angin council roll a hin schedule tribe nilo hai chu thun phal lo a nia, lo inthun pal an um chun a khuo mi vêkin BLO annawle AERO hai kuomah hêk (complaint) thei nîng a tih.
Election hi final roll tlangzar zo sawtnawte ah puong an inbeisei thu, election official hai chun an hril.
SHC hi Mizoram sawrkar le HPC(D) hai in April ni 2, 2018 a inremna a'nziek dungzuia indin a nia, July ni 9, 2018 khan interim council hmasatak chu thlaruk sunga dingin laklût a nia, CEM hmasatak chu Upa Lalthalien a nih.
Hi hnung hin Mizoram sawrkar chun tum hni lai zet interim hunsung hi a lo pawtsei nawk tah a, tuta Pu Lalthlamuana Hmar i keihruoi interim council fe mêk hi November ni 8, 2019 hin a tawp ta ding a nih.
SHC huomsunga hin khuo 31 umin constituency 12 a uma, polling station hi MLA election laia mi ang khan siem tum a nia, amiruokchu Ratu a hin voter an tam deu leiin polling station pahni siem dingin election commission ah hnina pêklût tum a ni thu, ei thulâkana chun a hril.
SHC hin elected member 12 le sawrkar i ruot (nominated) member 2, an rengin member 14 an um ding a nih.
Vawisun khan district election officer le Aizawl DC ni bawk Pu Lalngaihsaka keihruoina hnuoiah SHC election le summary roll revision chungchangah inrawntlangna (meeting) Aizawl DC conference Hall ah nei a nia, hi huna hin draft electoral hai tlangzar hun ding khawm tarlang nghal a nih.
Hi meeting a hin Mizoram sawrkar official le SHC hotuhai bakah political party tin aiaw hai an ṭhanga, SHC huomsunga NGO hrang hrang aiaw le Hmar Inpui, Mizoram region le HSA, Sinlung Hills Joint Headquarters ṭhuoituhai khawm an ṭhang a nih.
Additional DC, Aizawl le Election Registration Officer (ERO) ni bawk Pu John LT Sanga in a hril danin SHC Election conduct rules in a phût angin kum 2016 a lo tlangzar (Publish) tah Village Council roll chu tuta council election dinga hin besan (draft/mother roll) taka hmang ding a nia, sawrkarin a ruohmang dan chun draft electoral roll hi September ni 5, 2019 hin tlangzar nîng a ta, September ni 6 le 12, 2019 inkar hin siemṭhat ngai/inthunsa le sawisel (claims & objection) nuomhai ta di'n hun hawng nîng a tih.
Pu John LT Sanga chun claim and objection hi Booth Level Officer (BLO) hai kuomah pek ding a nia, Assistant Election Registration Officer (AERO) ha'n September ni 13 a'nthawk 20 sung khawtin annawle State Election Commission in hmun a i ruot a haiah 'hearing' nei nîng a tih, ti'n a hril.
Ruohmang danin roll puitling (final roll) hi September ni 26, 2019 ah tlangzar tum a nih.
Thulâkna dangin a hril danin SHC Election conduct rules a inziek angin council roll a hin schedule tribe nilo hai chu thun phal lo a nia, lo inthun pal an um chun a khuo mi vêkin BLO annawle AERO hai kuomah hêk (complaint) thei nîng a tih.
Election hi final roll tlangzar zo sawtnawte ah puong an inbeisei thu, election official hai chun an hril.
SHC hi Mizoram sawrkar le HPC(D) hai in April ni 2, 2018 a inremna a'nziek dungzuia indin a nia, July ni 9, 2018 khan interim council hmasatak chu thlaruk sunga dingin laklût a nia, CEM hmasatak chu Upa Lalthalien a nih.
Hi hnung hin Mizoram sawrkar chun tum hni lai zet interim hunsung hi a lo pawtsei nawk tah a, tuta Pu Lalthlamuana Hmar i keihruoi interim council fe mêk hi November ni 8, 2019 hin a tawp ta ding a nih.
SHC huomsunga hin khuo 31 umin constituency 12 a uma, polling station hi MLA election laia mi ang khan siem tum a nia, amiruokchu Ratu a hin voter an tam deu leiin polling station pahni siem dingin election commission ah hnina pêklût tum a ni thu, ei thulâkana chun a hril.
SHC hin elected member 12 le sawrkar i ruot (nominated) member 2, an rengin member 14 an um ding a nih.
