Responsive Ad Slot

MIL Fundraising Knock-Out Football Tournament tan

Monday, August 12, 2019

/ Posted by Simon L Infimate
Huonveng, Harangajao, NC Hills, August 12, 2019, Virthli (ONP):  HSA Harangajao Block chun MIL (Hmar) le inzawma sum zawngna dinga a lo indin Hmar Students Association Tournament Organisation Board (HSATOB) chun vawisun anthawkin Knock-Out Football Tournament chu a lo huoihawt tan tah. Hi tournament a hin team 28 lai an thanga, final chu 28th August 2019 hin inkhel ning a tih.

Vawisun khan Opening Ceremony nei ani a, hi huna hin Chief Guest in Nk. Roboni Khawbung (MA, B.ed) le Guest of Honour in Pu Lalnunsang Hekte (ISF Working President Harangajao Branch) hai hmang niin thu tha tak tak hai ngaithlk a nih.


Opening Ceremony hun hi Tv. John L. Tuolor, Secy. HSA Hjo. Block in a keithuoia, Upa S. į¹¬hiek in hun hawng tawngtaina a nei zoin mipuihai lawmlutna hun Pu Lalnghatsang Lungtau, President HSA Harangajo Block in a hmanga, Nk. Kazia Umi Khawbung in mipui fekhawm hai hla in an awi.


Brief History of MIL in Harangajao ti thupui hmangin Pu Ebenezar Khawbung, Chairman,  MIL management Committee chun thu hrilna hun a nei. Guest hai chawimawina inhlan ani a, Flag keipharna le Tournament hawngna chu Chief Guest in neiin, Pu Lalrothan Vankal, Chairman HSATOB in lawmthu hrilna hun a hmang zo in Tournament tan a nih.

Fund Raising na ani ang hrimin, HSATOB chun Donation Box siemin inhnel thlirtu mipui pungkhawm hai kuoma sum a dawl a,  Rs. 1700/-  dawldawk a nih.

Vawisuna 1st Match result chu Vanglai AC 4-1 AC Hmunthazau a nih. (input: Lalrothan Vankal)
Don't Miss
© all rights reserved
made with by Simon L Infimate