Aizawl, July 20, 2019, Virthli (ONP): Ram le hnam, khawtlang le kohran ta dinga inpe zo em em tuta Zoram Medical College (ZMC) Director ni lai mek Dr. L. Fimate @ Lallukhum Fimate chun inchûkna hmasâwnna dingin HSA, Aizawl Joint Headquarters kuomah ṭhangpuina Rs 14,000 (Singkhat le sangli) lai zet an hlan.
HSA Aizawl Jt. Hqrs hin kum 2013 bawr vel a'nthawk khan inchûklai le sin zawng mêk hai ta dingin mani sum sêngin free coaching batch - 3 lai zet a lo buotsai tah a, tuhin a batch 4-na buotsai mekin, coaching le inzawma mamaw dang danghai phurûkna ding le naupang study material le question hai print na ding tiin "Printer Project" dam siemin thei ang angin sum tuokin nga hai dam an zawr hlaka, chu chu Pu Lallukhum hin lo hrie in HSA hmalakna chun a lungril a tawk hle bakah naupanghai ṭhangpui le thilṭha thawna hun ṭha nia a hriet leiin, vawisun khan HSA ṭhuoituhai chu a chengna quarter-ah leng dinga fielin thlaitleng hai a lo buotsai pek bakah printer inchawkna ding le free coaching ṭhangpuina'n sumfai cheng 14,000 lai zet a lo inhlan a nih.
Hi huna hin HSA ṭhuoituhai leh hohlimtlangna neiin Pu Lallukhum chun ram le hnam hmasawnna an vawi thu le kum 6 mi a ni laia inthawka hnam a lo inhnik ṭan ta thu hai a hrila, ram le hnam hmasawnna dingin inchukna a pawimaw zie thu a hril bawk a nih.
Hmar nauhai lai moral reformation a ṭul thu hrilin, Pu Lallukhum chun itsikna nei lova ṭhangpui ngai chu ṭhangpuia, chawimawi phu hai chawimawi chu hnam inthuruol zie inentirna a nih a ti a, ṭhenkhatin mani inlarna ding le politics hmangruo ah ngai pek an tih ti an lau leiin khawtlang, hnam thil le mi ṭhangpuina kawngah vawi tamtak a kut a lo kei hlak thu a hril.
Hieng anga ram le hnam ta dinga mi inphal em em officer ei nei hi entawntlak an ti zie le suongum an ti thu HSA ṭhuoituhai chun an hrila, malsawmna tamtak dawng dingin Pu Lallukhum hai sung hi ditsakna an inhlan bawk a nih.
Pu Lallukhum hi a ruolnu Pi Thangneikim, tuta AIR, Aizawl a programme head ni lai mek leh ZMC umna Falkawn ah an khawsa a, hnam, kohran le khawtlang ta dinga mi ṭangkai tak an nih.
HSA, Aizawl Jt. Hqrs hai hi an President Pu Henry L. Khojol in inrawiin, Asst. General Secretary Tv. Jerry H Pulamte le Treasurer Nk. Jasmine Ramtharmawii hai an nia, an adviser Pu Rothangkhum Sungte le Pu Lalramṭana Khawlhring ha'n an uop bawk a nih.
HSA chun a kul a taia sum le puona ṭhangpui hlaktu Pu Rothangkhum Sungte chungah lawmthu a hril bawk a nih.
(Hi thu hi Pu Lallukhumin thailang nuomnaw sienkhawm ropui ei ti em leiin ei hung thailang a nih- Admin)
HSA Aizawl Jt. Hqrs hin kum 2013 bawr vel a'nthawk khan inchûklai le sin zawng mêk hai ta dingin mani sum sêngin free coaching batch - 3 lai zet a lo buotsai tah a, tuhin a batch 4-na buotsai mekin, coaching le inzawma mamaw dang danghai phurûkna ding le naupang study material le question hai print na ding tiin "Printer Project" dam siemin thei ang angin sum tuokin nga hai dam an zawr hlaka, chu chu Pu Lallukhum hin lo hrie in HSA hmalakna chun a lungril a tawk hle bakah naupanghai ṭhangpui le thilṭha thawna hun ṭha nia a hriet leiin, vawisun khan HSA ṭhuoituhai chu a chengna quarter-ah leng dinga fielin thlaitleng hai a lo buotsai pek bakah printer inchawkna ding le free coaching ṭhangpuina'n sumfai cheng 14,000 lai zet a lo inhlan a nih.
Hi huna hin HSA ṭhuoituhai leh hohlimtlangna neiin Pu Lallukhum chun ram le hnam hmasawnna an vawi thu le kum 6 mi a ni laia inthawka hnam a lo inhnik ṭan ta thu hai a hrila, ram le hnam hmasawnna dingin inchukna a pawimaw zie thu a hril bawk a nih.
Hmar nauhai lai moral reformation a ṭul thu hrilin, Pu Lallukhum chun itsikna nei lova ṭhangpui ngai chu ṭhangpuia, chawimawi phu hai chawimawi chu hnam inthuruol zie inentirna a nih a ti a, ṭhenkhatin mani inlarna ding le politics hmangruo ah ngai pek an tih ti an lau leiin khawtlang, hnam thil le mi ṭhangpuina kawngah vawi tamtak a kut a lo kei hlak thu a hril.
Hieng anga ram le hnam ta dinga mi inphal em em officer ei nei hi entawntlak an ti zie le suongum an ti thu HSA ṭhuoituhai chun an hrila, malsawmna tamtak dawng dingin Pu Lallukhum hai sung hi ditsakna an inhlan bawk a nih.
Pu Lallukhum hi a ruolnu Pi Thangneikim, tuta AIR, Aizawl a programme head ni lai mek leh ZMC umna Falkawn ah an khawsa a, hnam, kohran le khawtlang ta dinga mi ṭangkai tak an nih.
HSA, Aizawl Jt. Hqrs hai hi an President Pu Henry L. Khojol in inrawiin, Asst. General Secretary Tv. Jerry H Pulamte le Treasurer Nk. Jasmine Ramtharmawii hai an nia, an adviser Pu Rothangkhum Sungte le Pu Lalramṭana Khawlhring ha'n an uop bawk a nih.
HSA chun a kul a taia sum le puona ṭhangpui hlaktu Pu Rothangkhum Sungte chungah lawmthu a hril bawk a nih.
(Hi thu hi Pu Lallukhumin thailang nuomnaw sienkhawm ropui ei ti em leiin ei hung thailang a nih- Admin)
