Responsive Ad Slot

HAA General Conference hmang

Friday, July 26, 2019

/ Posted by Simon L Infimate
Saikot, July 26, 2019, Virthli (ONP): Hmar Artists' Association (HAA) General Headquarters chun July 26, 2019 dar 1:00PM in Saikawt Youth Club Hall ah General Conference 2019 an hmang. Hi huna hin Chief Guest in Dr. Chaltonlien Amo, Hon'ble MLA, Tipaimukh A/C a thang a, Functional President le Guest of Honour in Pu Lalhrillien, EM, ADDC le Pu Lal Hossan, MDC, ADDC an thang. Hun hmangna hi John L. Varte le Lalremsiem han an keithuoia, hun hawng tawngtaina Pu Lalmuonthangin a nei zoin, Pu Lalvullien, President, HAA, Gen. Hqrtrs in lawmlutna thucha hrilna a nei.

Chief Guest- Dr. Chaltonlien Amo, Hon'ble MLA in thu a hrilna a chun hla hai hi ei hnam hmasawnna suklangna a ni thu a hril a, hla le rimawi hin buondary an nei naw thu le mi sukhlimtu, min lam tirtu, mi suktaptu an ni thu a hril a. Rimawi le hlasak thiem lei ela nungchang inhmanga, zu le drugs inruithei chi tum tum ching ding a ni naw thuhai a hril. A hril peina a chun Pathienin mihriemhai kuomah talent chi hrang hrang a pek thu, a thenin gospel hla, love song, hnam hla le lusun hla sak thiem mi an um thu a hril bawk. Dr. Amo chun mani thiem zawng le hnesaw zawng sak pawp pawp a pawinaw zie thu hrilin Pathien hla saktuhai chau Pathien thu awi le Vanram insak kai dinga ngaina hai um bawk naw sien ti a nuom thu hai a hril bawk. A hun le hmun i zir ang peia tu mitmei khawm veng lova sak veng veng el unla ti hi tha a ti dan le mitinin an lo hriethiem ngei a beisei thu a hril. A hril peina a chun vawisun ni a ei hla le rimawi hai hin ei hnam sunga mitin lungril tawk chang sienla, inremna le inhrietthiem nawna culture len hmang sienla, hmagaina, inremna le inthuruolna culture hung len lut sien ti a nuom thu a hril. HAA dam zing sienla, phuok thiem le sak thiemhaiin ram le hnam hmasawnna dingin an thiemthilhai hung hmang ngei dingin a ditsak thu a hril. Hi huna hin Functional President, Guest of Honour, HYA GHQ le HI GHQ a thuoithuhaiin thuhrilna hun an hmang ve.

Hi huna hin Honorary Award- Pastor (L) Thangngur, (L) Buonglienkung, (L) James Songrolal le L. Keivom hai inhlan an ni a, Life Time Achievement Award - Pi Nienglawmkim, Pu Zaituokung, Lalsanglien Zote le Lalzarlien Zote hai kuomah inhlan ani bawk a nih.


HAA members Gladys Lalparzo, Christina Shakum, Lorinda Varte, Ruoltinkung Puruolte han hla mawi tak tak sakin mipui an inawi a, Magician Ozaka Joute khawma a thiemthil mipuihai inentirna hun a hmang. HAA moral sketch inentirna hun hmang a ni bawk. Hi huna hin category hrang hrang a award semna nei a nih. Vote of thanks John L. Varte, Asst. Secy., HAA in hrilna hun a hmang zoin Pu Lalvullien, President, HAA in tawngtainain hun a khar. Zing July 27, 2019 hin HAA thuoitu ding thlangna le rorelna nei ning a tih.

HAA PERFORMANCE AWARD RESULT - 2019

1. Best Artiste Gospel : Choir
Blessed Choir
2. Best Artiste G (Single): Female
Lalparzo Sanate
3. Best Artiste G (Single): Male
Ruoltinkung Puruolte
4. Best Artiste SL –Female
Christina Shakum
5. Best Artiste SL -Male
Vincent Hekte
6. Best VDO SL
Aw ngailai Chat lupi (B Sanglien)
7. Best VDO G
Lalnunthar Zate @ H.N. Zate (Nakie pha)
8. Most Promising G: Male
Vanlalchuunga
9. Most Promising Gospel: Female
Merrilyn Varte
9. Most Promising Artiste SL: Male
B. Lalsanglien Inbuon
10. Most Promising Artiste SL: Female
Lorinda Varte
11. BS SL:
J.C. Charlie Zohminglien (Hmangaina thawnthu)
12. Best Songwriter Gospel
Solomon V. Hmar
13. Best Music: modern
Rodik keivom
14. Best Music: traditional
Pengpelep
15. Most Viewed: Gospel
EFCI N.C. Hills Presbytery (Lalnau Ka Lo Nih)
1646494 Views
16. Most Viewed: Saihla/Lenglawng
Joshua Buhril (Ka Hmangai Che)
715462 Views
17.Best Actor : Female
Grace (Arem nawh maw)
18. Best Actor : Male
Jeffrey
19. Best Artist
Ararat Art Lalneisang
20. Best Dancer
Raymond Rochanhlu
21. Best Videography:
Michael Chawnghau
22. Best Entertainer
Ozaka Joute

Don't Miss
© all rights reserved
made with by Simon L Infimate