Responsive Ad Slot

ISF in IPF Movement chungthu ah Pu Himanta Biswas Sarma an inhmupui

Wednesday, June 12, 2019

/ Posted by Simon L Infimate
Guwahati, June 12, 2019, Virthli (ONP): North Cachar Hills Indigenous Student Forum (NCHISF) ṭhuoitu hai chun Guwahati hmunah Pu Himanta Biswas Sharma NEDA Convenor & Finance Minister Govt. Of Assam chu Indigenous People Forum IPF) in NC Hills District Birfurcation dinga Movement fê lai zing thu ah inhmupuina an nei. ISF palai hai kuoma chun Pu Himanta chun IPF hai kuoma kan thutiem angin IPF demand le inzawmin Assam sawrkar in District pahni a ṭhe dingin thutlûkna siem ani tah a, Assam Budget session a khan suklang in a lo um ta nghe nghe a, amiruokchu MP Election leiin official in ti angin a la zuk inzo el theinaw a, hi thu le inzawm hin IPF ṭhuoitu hai chu Assam Government in inbiekna dawkân a buotsai nawk vat ta ding thu a hril. Chun, IPF President le Gen. Secretary hai chu June thla tawp tieng an hmupui nuom thu a hril bawk.

ISF hai chun N.C Hills Autonomous Council hnuoia iengkim IPF hnam haiin an chan ang an hmu thei ngei na dingin Equal representative EM portfolio hi a chenve bêk pe dinga an hrilpui chu ṭha a ti thu a hril bawk. ISF hai chun IPF hnuoia hnam dang dang haiin EM 4 chau an changa chuleiin 3 (pathum) bêk pêk belsa dingin an hrilpui bawk.

Pu Himanta bâk a hin HAD Minister le Commissioner & Secretary Home & Political le PWD(BUILDING & National Highway) hai le mi pawimaw tak tak hai inhmupuina an nei bawk.
Don't Miss
© all rights reserved
made with by Simon L Infimate