~ Jami Darngawn
Marka 8:
23. Chun ama chun mitdel kut chu a chel a, khaw kawl tieng a fepui a. Chun a mita chun chil a sâk a, a chungah a kut ân nghat zovin, a hmu thei am tîn ân dawn a.
24. Chun a hang dâk a, “Mihriem chu ka hmuh, anachu thing lawn angin ka hmuh,” a ta.
25. Chun a mita chun a kut ân nghat nawk a, chuongchun ama chu ân ngha vel tira. A hung dam a, iengkim chiengtakin a hmu thei ta a.
Awleh, ei Lalpa Isu chu hi khawvela a um lai khan mitdel kebai natna chitinrenghai le mithi chenin a keitho a nih ti chu ei Bible ah ei hmu a nih. Hi mitdelpa a sukdamna thu hin ka lungril a tawk rieua tulai ei Kristien nun le khawm anhme ka ti bawk a nih.
Pathien nau (Piengthar) lo ni ta inla khawm Lalpa Thlarau Thienghlim them nawn ei ṭul hlak a nih. Mitdelpa khawm kha a vawikhatna khan Lal Isu'n "I hmu thei am ?" Tia an dawn khan mitdelpa'n a hmu fie naw thu a hrila, mihriem chu thing lawn anga a hmu thu a hril ang khan. Ringtuhai khawm hmu fie lo ei va tam awm de !
HMU FIE LO NUN :
1. Mani thilthaw ṭhat chauh hrie a, mi dang hai thaw ṭhat hrie nuom der lo.
2. Kohran hi Sandamna ang ela ngaia mani pawl/kohran thi ngama ṭan a "Tui pawllo ka nih" ti thupuia hmang hlak mihai chu Thlarau mitdel an ni nuom vieu .
3. Kohrana nina nei lei chauva inkhawm taima, nina nei naw hun ah inkhawm pei mang si lo, kohrana ṭhahnemngaina chang hre lo hai hi Lal Isu an la hmu fie naw lei ni bawk a tih.
4. Mani thawkpuihai thik rieu (Kristien seng seng) mi thil thawsuol inchan dawp dawp mi, mi'n Pathien thu Sermon an thlak chang khawma mi ta dinga lo ngai pek mani ta dinga laklut nachang hre lo hai hi mitdel/naset an ni nuom.
5. Mani ta ding chauva ṭawngṭaia mihai ta dinga ṭawngṭai pei lo, zing ṭawngṭai le fienriel ṭawngṭai ngai pawimaw lo mi chu Thlarau tieng zuk hrat bek bek ngaina a um nawh.
Chuongchun Lal lsu'n mitdelpa kha a hang themnawk chun a hung hmufie thei taha a ma leh a ma an hmufie taha chuongchun a sukdamtu Lal lsu hmelkhawm chieng takin a hmu thei ta bawka chutaka chun a khât khâtin a nuomna tieng tieng an lawn thei tah a nih.
THLARAU MIT VARNA :
1. Thlarau mit a varna nei mi chun a nina kha an hmu/hriet chieng leiin a tlin naw ziet le Lalpa Isu zara tling a ni ziet an hrietchieng leiin a chapo ngai nawh.
2. Mani an hmangai nek hmanin Rawngbawlna a ngaisakin a thaw tamlem hlaka a insung nekin kohran/Pathien thil a ngai pawimaw lem hlak.
3. Khawvel hausakna le mawina hai nekin Lal Ram mawina/lienna ding a ngai pawimaw hlak a, chuongchun Lal Isu hmel a hmu fie hlak.
4. Kohran thil ah inhriet thiemnaw chang um hlak sien khawm, Lal Isu tlawmna nun an ṭawmpui hlak leiin kohran hai an dam tlang hlak.
5. Mihriem rawngbawl a ni naw ziet an hriet leiin a Rawng a i bawlpek Pathien mit mei chauh vengin a um hlak, mihriem-in inpak naw sienkhawm Lalpa ah a hlim/lawm hlak a nih.
A TAWP TAK AH :
Kei tak tak hi ka nih ni tina Lalpa Pathien Thlarau Thienghlim them nawn/tawk thar ṭul chuh !
LALPA'N MALSAWM RAW SEN CHE.
Marka 8:
23. Chun ama chun mitdel kut chu a chel a, khaw kawl tieng a fepui a. Chun a mita chun chil a sâk a, a chungah a kut ân nghat zovin, a hmu thei am tîn ân dawn a.
24. Chun a hang dâk a, “Mihriem chu ka hmuh, anachu thing lawn angin ka hmuh,” a ta.
25. Chun a mita chun a kut ân nghat nawk a, chuongchun ama chu ân ngha vel tira. A hung dam a, iengkim chiengtakin a hmu thei ta a.
Awleh, ei Lalpa Isu chu hi khawvela a um lai khan mitdel kebai natna chitinrenghai le mithi chenin a keitho a nih ti chu ei Bible ah ei hmu a nih. Hi mitdelpa a sukdamna thu hin ka lungril a tawk rieua tulai ei Kristien nun le khawm anhme ka ti bawk a nih.
Pathien nau (Piengthar) lo ni ta inla khawm Lalpa Thlarau Thienghlim them nawn ei ṭul hlak a nih. Mitdelpa khawm kha a vawikhatna khan Lal Isu'n "I hmu thei am ?" Tia an dawn khan mitdelpa'n a hmu fie naw thu a hrila, mihriem chu thing lawn anga a hmu thu a hril ang khan. Ringtuhai khawm hmu fie lo ei va tam awm de !
HMU FIE LO NUN :
1. Mani thilthaw ṭhat chauh hrie a, mi dang hai thaw ṭhat hrie nuom der lo.
2. Kohran hi Sandamna ang ela ngaia mani pawl/kohran thi ngama ṭan a "Tui pawllo ka nih" ti thupuia hmang hlak mihai chu Thlarau mitdel an ni nuom vieu .
3. Kohrana nina nei lei chauva inkhawm taima, nina nei naw hun ah inkhawm pei mang si lo, kohrana ṭhahnemngaina chang hre lo hai hi Lal Isu an la hmu fie naw lei ni bawk a tih.
4. Mani thawkpuihai thik rieu (Kristien seng seng) mi thil thawsuol inchan dawp dawp mi, mi'n Pathien thu Sermon an thlak chang khawma mi ta dinga lo ngai pek mani ta dinga laklut nachang hre lo hai hi mitdel/naset an ni nuom.
5. Mani ta ding chauva ṭawngṭaia mihai ta dinga ṭawngṭai pei lo, zing ṭawngṭai le fienriel ṭawngṭai ngai pawimaw lo mi chu Thlarau tieng zuk hrat bek bek ngaina a um nawh.
Chuongchun Lal lsu'n mitdelpa kha a hang themnawk chun a hung hmufie thei taha a ma leh a ma an hmufie taha chuongchun a sukdamtu Lal lsu hmelkhawm chieng takin a hmu thei ta bawka chutaka chun a khât khâtin a nuomna tieng tieng an lawn thei tah a nih.
THLARAU MIT VARNA :
1. Thlarau mit a varna nei mi chun a nina kha an hmu/hriet chieng leiin a tlin naw ziet le Lalpa Isu zara tling a ni ziet an hrietchieng leiin a chapo ngai nawh.
2. Mani an hmangai nek hmanin Rawngbawlna a ngaisakin a thaw tamlem hlaka a insung nekin kohran/Pathien thil a ngai pawimaw lem hlak.
3. Khawvel hausakna le mawina hai nekin Lal Ram mawina/lienna ding a ngai pawimaw hlak a, chuongchun Lal Isu hmel a hmu fie hlak.
4. Kohran thil ah inhriet thiemnaw chang um hlak sien khawm, Lal Isu tlawmna nun an ṭawmpui hlak leiin kohran hai an dam tlang hlak.
5. Mihriem rawngbawl a ni naw ziet an hriet leiin a Rawng a i bawlpek Pathien mit mei chauh vengin a um hlak, mihriem-in inpak naw sienkhawm Lalpa ah a hlim/lawm hlak a nih.
A TAWP TAK AH :
Kei tak tak hi ka nih ni tina Lalpa Pathien Thlarau Thienghlim them nawn/tawk thar ṭul chuh !
LALPA'N MALSAWM RAW SEN CHE.
