Responsive Ad Slot

The 16th State Level Hmar Martyrs Trophy 3rd Quarter Final

Thursday, May 9, 2019

/ Published by Simon L Infimate
CCPur, May 09, Virthli (ONP) HMARTOB huoihawtna hnuoia The 16th State Level Hmar Martyrs' Trophy 2019 3rd Quarter Final chu vawisun khan nei a nih. Hi huna hin Khuollienin Pu Albert Colney a thang a, thu a hrilna a chun HMARTOB hai ditsakna chu lawmum a ti thu le Hmar Martyrs' Trophy football tournament hi tluong taka fe pei dingin a ditsak thu a hril. Hi huna hin Pu Lalvullien Hmar Chairman, HMARTOB in khuollien chawimawina thilpek memento inhlanna hun a hmang a. Khuollien khawma HMARTOB hai thilpek inhlanna a nei ve. Hi hunser hmang huna hin Artiste- Nk. Clearance Mawite in hnam hla mawi tak tak sakin mipui fekhawm hai an awi. Khuollien in Players hai inspection a nei zoin 3rd Quarter Final Match chu Saikot Youth Club (SYC) le SYMROPIA FC ha'n an inkhel a, SYC chun 2-0 in hratna an lo chang tah a nih. Man of the Match in SYC player- Thangtinlen Haokip thlang a ni a, match inkhel zo a ni hunah Khuollienin prize inhlanna a nei. Zinga (May 10, 2019) 2:30PM hin 4rd Quarter Final match Ngurte Youth Club (NYC) le KIM COMMISSARIAT FC ha'n inkhel an tih.

Photographs by Muona Infimate
Don't Miss
© all rights reserved
made with by Simon L Infimate