Responsive Ad Slot

HSA in demna, thlawpna le ngenna thupuong an suo

Thursday, May 9, 2019

/ Published by Simon L Infimate
Aizawl, May 09, 2019, Virthli (ONP): HSA GHQ chun May 2, 2019 zingkar a Thenmuol khuoa silai kappuokna le inzawmin a hnuoia ang hin thupuong an suo.
-----------

DEMNA, THLAWPNA LE NGENNA THUPUONG

Ref.No.: HSA/GHQ/2019/PR/05
Dated: Aizawl, the 8th March 2019

May 06, 2019 a Hmar Inpui GHQ in May 2, 2019 zingkar a Thenmuol khuoa silai kappuoktu Alan Hmar le a rawihai (Letter to Hmar Inpui by Thenmuol HYA, HSA, HWA, Vâl Upa le VA dungzuia) demna thu an puong hi HSA khawmin hi demna thupuong hi a tlawp a, Hmar Inpui General Headquarters ngirna a hin HSA chu ngirin tlawp zing a tih ti thu mipui hrietin kan puong.

Hmar hnam sunga inrikrap zawnga thil thaw reng reng chu HSA hin ienglai khawmin a dem a, dem zing bawk a tih. Hmar Inpui thurel/thupek inza lotuhai chungah hin a rorel ang taka hma la ngei bawk dingin Hmar Inpui hi kan phut a, remna le muongna zawnga remtu le thlamuongtu ni ngei bawk dingin Hmar Inpui hi kan ditsak bawk a nih.

Tuel khawm ei inpui tak thu hi inza a, Inpui a nina anga athu zâwma hlutaka siem ding hai hin thusuok dang siema hrilhriet nawn ngai ta naw hram inla ti hi HSA ditdan le duthusam a ni a, Hmar hnam sunga hin remna le muongna tlung sien, thlamuong takin hnam angin hmatieng kal pen diet diet seng lem dingin ei lungril ngarna hai khawm Lalpa Pathienin mi suknem pekin mi umpui mawl rawse.


HSA aiin,


Josef V Tuolor
General Secretary,
Hmar Students’ Association (HSA)
General Headquarters.


Don't Miss
© all rights reserved
made with by Simon L Infimate