~ Jami Darngawn
Nuhai ni hmang thei dinga vawisun chena hun ṭha le hriselna mi petu Lalpa chu inpakin um raw se.
Awleh, kum iemanizat chu Mother's Day hmang/inserin a um ta hlaka lawm a um. 'Nu' ti ding nei ta nawhai ta ding chun hril a hai hle khawm a ni thei. Nisienkhawm, Pathienin Nu/Nuhmei a lo siem hi vangnei eiin tiin vawisun hin ei lawm hle ding a nih.
Khawvel mihriemhai hi tukhawm 'Nu' neilo ei um ring a um nawh. Ei nuhai hi khawvel a hin lo um ta naw hai sienkhawm, an Ni (Mothers day) chu a hun taka a hung inhersuok nawk el hlak a nih. Hi hun hlutak ei hlutsak pek hi ei nuhai ei chawmawina a nih. Thina lei, harsatna lei le buoina chi dang dang leiin Nu le Nau chu an lo inṭhe/um hmunkhat naw khawm a ni thei, sienkhawm thla 9 veng vawng nu sunga um ei ni seng leiin Nu hi an hlu em leiin an Ni (Mother's Day) hi inza-in chawimawi mawl ei tiu.
Ka nu hmelṭhat dan kha aw! Ka nu chun incheimawina dingin rangkachak le lunghlu a hmang chuong nawh, sienkhawm ka mit a chun a mawi hle a nih. Asanchu kan siengna a ni leiin ka ta ding chun a tluk zo ding an um chuong nawh.
Ka nu lekhathiem dan kha aw ! Ka nu chun university ah inchuk phak naw sien khawm, nenetui le bu khawp taka mi petu le nundân mawi min chuktirtu a ni leiin ka ta ding chun a thiemna hi an sâng a nih.
Ka nu Thlaraumi dan kha aw ! Ka nu chun ka damnaw, harsat, mangang hun a hai khawm Pathien kuoma min tlun hlaktu, ka taksa le thlarau damna dinga mi hnipui hlaktu a ni leiin ka ta ding chun thlarau-mi tak a nih.
Mother's Day hi mi ṭhenkhat ta ding chun hlimna ni a ni lai zingin, mi ṭhenkhat ta ding ruok chun țapna ni khawm a ni thei. Amiruokchu, vawisun hin mi tuel khawm Nu sûlsunga insieng ei ni leiin, ei Nuhai chu la um'in lo um ta naw hai sien khawm an niropui hi hlutsak pek ei tiuva, chun Nu sûlsunga ei um lai a'nthawka mi hriezingtu le min dintu Pa Pathien kuoma lawmthu hril mawl mawl ei tiu.
HAPPY MOTHER'S DAY !
Nuhai ni hmang thei dinga vawisun chena hun ṭha le hriselna mi petu Lalpa chu inpakin um raw se.
Awleh, kum iemanizat chu Mother's Day hmang/inserin a um ta hlaka lawm a um. 'Nu' ti ding nei ta nawhai ta ding chun hril a hai hle khawm a ni thei. Nisienkhawm, Pathienin Nu/Nuhmei a lo siem hi vangnei eiin tiin vawisun hin ei lawm hle ding a nih.
Khawvel mihriemhai hi tukhawm 'Nu' neilo ei um ring a um nawh. Ei nuhai hi khawvel a hin lo um ta naw hai sienkhawm, an Ni (Mothers day) chu a hun taka a hung inhersuok nawk el hlak a nih. Hi hun hlutak ei hlutsak pek hi ei nuhai ei chawmawina a nih. Thina lei, harsatna lei le buoina chi dang dang leiin Nu le Nau chu an lo inṭhe/um hmunkhat naw khawm a ni thei, sienkhawm thla 9 veng vawng nu sunga um ei ni seng leiin Nu hi an hlu em leiin an Ni (Mother's Day) hi inza-in chawimawi mawl ei tiu.
Ka nu hmelṭhat dan kha aw! Ka nu chun incheimawina dingin rangkachak le lunghlu a hmang chuong nawh, sienkhawm ka mit a chun a mawi hle a nih. Asanchu kan siengna a ni leiin ka ta ding chun a tluk zo ding an um chuong nawh.
Ka nu lekhathiem dan kha aw ! Ka nu chun university ah inchuk phak naw sien khawm, nenetui le bu khawp taka mi petu le nundân mawi min chuktirtu a ni leiin ka ta ding chun a thiemna hi an sâng a nih.
Ka nu Thlaraumi dan kha aw ! Ka nu chun ka damnaw, harsat, mangang hun a hai khawm Pathien kuoma min tlun hlaktu, ka taksa le thlarau damna dinga mi hnipui hlaktu a ni leiin ka ta ding chun thlarau-mi tak a nih.
Mother's Day hi mi ṭhenkhat ta ding chun hlimna ni a ni lai zingin, mi ṭhenkhat ta ding ruok chun țapna ni khawm a ni thei. Amiruokchu, vawisun hin mi tuel khawm Nu sûlsunga insieng ei ni leiin, ei Nuhai chu la um'in lo um ta naw hai sien khawm an niropui hi hlutsak pek ei tiuva, chun Nu sûlsunga ei um lai a'nthawka mi hriezingtu le min dintu Pa Pathien kuoma lawmthu hril mawl mawl ei tiu.
HAPPY MOTHER'S DAY !
