Huonveng, May 16, 2019, Virthli (ONP): HYA Huonveng Branch huoihawtna hnuoia vawisun khan Huonveng, Harangajao hmuna Hnam Pasalțha fam lo chang tah hai sûnna in Program ursûn takin Pu Lalkhawlsang Tuolor keihruoina hnuoia hun hmang a nih. Zingkar 10:00AM in Flag Hosting na Pu Lalnunsang Hekte, Vice President, HYA Huonveng Branch in a nei a, Khawsûng țhuoitu GB ngei le a khâwnbâwl hai khawm țhnagsa in, Mipui 150 neka tlâwm lo in program hi an hmang a nih. Condolences Service chu Rev. Laldinglien Inbuon, PCI Pastor, Harangajao Pastor Biel in hun a hmanga, Martyrs' Day Hla Nk. Lalthanpui Darngawn a inthawk ngaithlâk ani bawk. Hi huna hin Pu Hauva Keivom, Khawsûng GB, Pu Lalremsien Țhiek, Headmaster Ngaibantlang Presbyterian High School, Pu L. Remvel Vankal, Adviser, HYA Huonveng Branch, Pu Lalrotluong Keivom, President, HYA Huonveng Branch haia inthawk Martyrs' Day ințan dan le thu țha tak tak el ngaithlâk a nih.
Flag Hoisting Program zo a, chawhnung 2:00PM chan taksa insukhlimna Games & Sports nei ani a, hi huna hin Khawsunga Kum Sawmnga Vâl tak hai nghîel khawm țhangsa in, Sports Items chi hran hran hai nei ani a, fekhawmtu hai inhawi an ti tlâng hle.
Zantieng 3:00PM anthawkin HYA in Footbal Tournament a lo huoihawt "The Challenging Trophy's" Closing ceremony le Final kick off hun hmang ani a, hi huna Chief Guest Pu Lalrothan Vankal, Asst. Teacher Huonveng LPS, Education Secty. HSA Hjo. block hmang ani a, Guest Of Honour in Pu Richungsang Keivom Hmang a nia, thu țha tak tak hai hrilna an neia, Chief Guest le Guest Of Honour hai thilpek inhlanna hun Nk. Zawlthangkim Darngawn le Nk. Judy R. Keivom haiin an hmanga, Cultural Troupe haiin mawi takin hnam lam an inentira, Hnam Pasalțha hai Grand salute le Pasalțha Puon chawia Martyrs Day Hla hai ngaithlakna hunser hmang zo ani hnungin, Paslațha Puon chu HYA kuta inhlân sawngna neiin, football Final Match inkhel tan digin hun Official hai kuta inhlan a nih.
Final match chu Vanglai AC A v/s Vanglai AC Papui haiin an inhnela, 30+30 minutes an inkhel zoin 2-2 niin Penalty ah Vanglai AC Papui hai chu hrat lem in hnena nopui an lo dawm tah a nih. Lawmman semna hun Nk. Rabony Keivom in a Keihruoia, Lawmman hai inhlân fel ani hnungin, hun dittawk lo tak pumin The Hmar Martyrs' Day Program chu inthlâ liem a lo ni tah. (input: Lalrothan Vankal)
Flag Hoisting Program zo a, chawhnung 2:00PM chan taksa insukhlimna Games & Sports nei ani a, hi huna hin Khawsunga Kum Sawmnga Vâl tak hai nghîel khawm țhangsa in, Sports Items chi hran hran hai nei ani a, fekhawmtu hai inhawi an ti tlâng hle.
Zantieng 3:00PM anthawkin HYA in Footbal Tournament a lo huoihawt "The Challenging Trophy's" Closing ceremony le Final kick off hun hmang ani a, hi huna Chief Guest Pu Lalrothan Vankal, Asst. Teacher Huonveng LPS, Education Secty. HSA Hjo. block hmang ani a, Guest Of Honour in Pu Richungsang Keivom Hmang a nia, thu țha tak tak hai hrilna an neia, Chief Guest le Guest Of Honour hai thilpek inhlanna hun Nk. Zawlthangkim Darngawn le Nk. Judy R. Keivom haiin an hmanga, Cultural Troupe haiin mawi takin hnam lam an inentira, Hnam Pasalțha hai Grand salute le Pasalțha Puon chawia Martyrs Day Hla hai ngaithlakna hunser hmang zo ani hnungin, Paslațha Puon chu HYA kuta inhlân sawngna neiin, football Final Match inkhel tan digin hun Official hai kuta inhlan a nih.
Final match chu Vanglai AC A v/s Vanglai AC Papui haiin an inhnela, 30+30 minutes an inkhel zoin 2-2 niin Penalty ah Vanglai AC Papui hai chu hrat lem in hnena nopui an lo dawm tah a nih. Lawmman semna hun Nk. Rabony Keivom in a Keihruoia, Lawmman hai inhlân fel ani hnungin, hun dittawk lo tak pumin The Hmar Martyrs' Day Program chu inthlâ liem a lo ni tah. (input: Lalrothan Vankal)
