Responsive Ad Slot

HSLC result: Mizoram pumpui ruolin SHC area ah result a tlahnuoi

Thursday, May 2, 2019

/ Published by Simon L Infimate
Aizawl, May 02, 2019, Virthli (ONP): Mizoram Board of School Education (MBSE) chun vawisun khan High School Leaving Certificate or HSLC (Pawl-10) result a suk suoka, Mizoram pumpuiah inchûklai naupang 17,346 in exam an peka, 11,783 in hlawtlingna changin a pumpuiah pass percentage chu 67.93% a nih.

Arengin mi 17,989 in exam an hmasawna, 5094 an failed a, compartmental exam chance hmu mi 469 lai an um.
St. Joseph Higher Secondary School, Ramhlun North, Aizawl a kai Lalrinnungi, Pu Zothantluanga naunu, Neihbawi, Sihphir chun full mark 500 ah mark 486 hmuin a pakhatna a nia, Angeline Lalpekhlui St. Paul Higher Secondary School, Tlangnuam, Aizawl in dawtin a pumpuia pathumna chu F. Remsangpuia, St. Paul Higher Secondary School a kai a nih.

Nikum nekin tukum hin pawl-X result a siea, nikum khan a pumpuia pass percentage chu 76.65 % a nia, tukum le nikum inthlauna hi 8.71% a nih.

Tukuma HSLC result a tlakhnuoina san hrilin MBSE chairman Pu F. Lianhmingthanga chun Mizoram Secondary School Teachers' Association (MISSTA) in Class-X guide book a siem hlak chu tukum a'nthawk suktawp a ni ta leiin abîkin thingtlang tiengin an tuora, hi lei hin result a siet pha a ni, a ringthu a hrila, school ṭhenkhatin principal an nei naw leiin, hi hin result ah kakhâwk a nei bawk niin a hril. Exam centre 113 velah centre 40 chun principal an neinaw a nih.

Amiruokchu result hi tlahnuoi sienkhawm "quality" ruok chu a á¹­ha thung niin Pu Lianhmingthanga chun a hrila, nikum khan top ten ah mi 16 an inlang laiin tukum ruok chu mi 20 lai an inlang thung. Hi baka hin tukum hin nikum nekin distinction a pass an tam lem bawk a nih.

Sinlung Hills Council (SHC) huomsung bîkah school 25 a'nthawkin, private candidate ṭhang lovin, inchuklai naupang 456 in exam an peka, mi 271 in hlawtlingna changin a pumpuia pass percentage chu 59.42% a nih.
Nikum nekin SHC area a pawl-X result hi a siea, nikum khan naupang 463 in exam an peka mi 316 in hlawtlingna an changa, pass percentage chu 68.25% niin, tukum le an inthlauna hi 8.82% a nih.

SHC huomsunga a pakhatna (topper) chu Lalrintluanga, Rimawi English School, Khawlian nia hriet a nia, full mark 500 ah mark 432 hmuin distinction-ah a pass a, Mathematics, Science, Social Science le Mizo subject a hai letter mark a hmu a nih.

Tukuma SHC huomsunga school thawtlá¹­hatak chu Mana High School, New Vervek le Lungsum High School an nia, 100% pass percentage an hmu a nih.

Pass um á¹­haklona school pakhat Mauchar RMSA Secondary School a uma, hi school a'nthawk hin naupang 15 in exam an peka, mi 1 in compartmental exam chance a hmu.

2015 a'nthawk result enin Mana High School, New Vervek le Rimawi English School, Khawlian hai hi a thawá¹­ha pawl tak an ni hlaka, kum 3 lai 100% pass percentage an lo hmu ve ve tah a nih.



SHC area HSLC result at a glance (pass percentage)

2019- 59.42%
2018- 68.25%
2017- 50.51%
2016- 76.15%
2015- 77.97%


Don't Miss
© all rights reserved
made with by Simon L Infimate