Responsive Ad Slot

HSA in Saitual le Darlawn District hnuoia um an nuom nawh

Saturday, May 25, 2019

/ Posted by Simon L Infimate
Sakawrdai, May 25, 2019, Virthli (ONP): Sinlung Hills huom sunga Hmar hnam huopa pawl umsun Hmar Students' Association(HSA), Sinlung Hills Joint Headquarter chun Saitual le Darlawn District thar siem tumna hnuoia um an nuom naw thu a hnuoia ang hin thusuok a siem.

-------------------

PRESS RELEASE

SAITUAL LEH DARLAWN DISTRICT HNUAIA AWM KAN DUHLO


Kan hmuh le hriat angin, Kum tam tak mipuiin an lo dîl tawh, Saitual District chu tih-puitlin niin function mai tawh tur ni te pawn a lang a. He district thar function tur chungchang hi Hmar Students' Association(HSA), Sinlung Hills Joint Headquarters chuan ngun takin a lo thlir ve a. Tun dinhmunah chuan Saitual District hnuaia Sinlung Hills Area chhunga khaw ṭhenkhat rinluh an tum hi ṭha kan ti lo hle a. Tin, Darlawn District Demand Committee in an District Demand huam chhunga min rinluh an tum pawh hi kan duhlo hle a ni.

Khaw ṭhenkhatin, District thar hnuaia awm hi, hamṭhatna leh remchan zawkna tam tak nei thei dawna inhria a, lawm leh nghakhlel tak a lo thlirtu te rilru hi kan hriatthiam puiin, kan lawmpui a. Amaherawhchu, District thar hnuaia awm ve duh lo leh Aizawl District chhunga la awm duh Sinlung Hills Area mipui te hi District thar hnuaiah min awmluih tir lo hram turin sorkar thuneitute kan ngen a ni.

Kan hriat angin, Sinlung Hills Area hi State ralmuang ber hnuaia awm reng si a; rambuai kar a lêng fo ṭhin kan ni a. Kan rilru sukthlêk leh ngaihtuahna te pawh hi min hriatthiampui a, kan duh dan hi min ngaihpawimawh sak hram turin thuneitute kan ngen nawn bawk. Tin, khaw ṭhenkhatin an duh a an dîl a, an hlawhtling a nih chuan a lawmawm a. Mahse, a duh ve lo Sinlung Hills Area mipuite hi chu min barhlui lo hram turin HSA Sinlung Hills Joint Headquarters chuan kan duh takzet a ni. He District-a min barhlui a ni chuan a tawp thlengin kan dodal ang.



Sd/
(VL. KHAWBUNG)
President


Sd/
(LALTHLIRLIEN HMAR)
General Secretary


Don't Miss
© all rights reserved
made with by Simon L Infimate