Hmarkhawlien/Aizawl, 10 May, 2019, Virthli (ONP): Hmar People’s Convention - Democratic (President) pawl hotupa Pu Lalhmingthang Sanate (53) s/o V. L. Ramliana chu Ningani zan dar 9 khan Assam Rifles le Assam police haiinLakhipur police station huomsunga Ciripool hmunah an man.
Assam Rifles hotuhaiin an hril danin Pu Lalhmingthang Sanate hi Ciripool hmunah an bi hmang nia hriet a ni leiin Lt. Col Lama inrawina hnuoiah 37 Bn Assam Rifles, Army Intelligent Wing, Mashimpur le Lakhipur SDPO haiin joint operation an neia an bîkhmangna hmunah man a nih.
Pu Hmingte kut a’nthawk hin .32 bore pistol pakhat le a mu phani man a nia, mobile phone khawm mansa a ni thu Assam Rifles hotuhai chun an hril.
Pu Hmingte hi March thla a Hmarkhawlien mi Jubilee Lungṭau thina (murder) a inhnamhnawia intum a nia, March thla a’nthawk khan police le Army haiin an zawng ta reng a nih.
A laka hin Lakhipur police station ah case no 116/19 u/s 120(B)/121/121(A)/384/506/302 IPC RW u/s 25(1-B) (a) Arms Act zieklût a nih.
Assam Rifles thulâkna in a tarlang danin Pu Hmingte hi HPC (D) anti-talk faction hotupa a nia, Assam sawrkar le HPC(D) in Suspension of Operation (SoO) an lo ziek chu vawi tamtak bawsiein tukluina sum le sie (tax) dam khawnin Myanmar a’nthawkin ralthuom khawm a tawlrûk hlak niin an hril.
Pu Hmingte hi nikum February ni 22 zan khan Tezpur, Assam ah HPC (D) Finance Secretary Pu Nobar Sanate thina le inzawmin police ha’n an lo man tah a, hi hnung hin bail a insuo a nih.
Kum 1995 lai vela HPC a’nthawka HPC(D) a hung pieng khan Pu Hmingte hi president a nia, sienkhawm kum 2011 September thla vel khan an pawl ditnaw zawngin Kuki National Organisation (KNO) hai leh inremna an ziek leiin HPC (D) a inthawkin hnawk dawk a nih.
Chu china inthawk chun pawl dang indinin HPC(P) tia hriet an nih.
HPC(P) hi Assam le Mizoram a hai an che tla tak niin, Assam Rifles hotuhai chun an hril.
Assam Rifles hotuhaiin an hril danin Pu Lalhmingthang Sanate hi Ciripool hmunah an bi hmang nia hriet a ni leiin Lt. Col Lama inrawina hnuoiah 37 Bn Assam Rifles, Army Intelligent Wing, Mashimpur le Lakhipur SDPO haiin joint operation an neia an bîkhmangna hmunah man a nih.
Pu Hmingte kut a’nthawk hin .32 bore pistol pakhat le a mu phani man a nia, mobile phone khawm mansa a ni thu Assam Rifles hotuhai chun an hril.
Pu Hmingte hi March thla a Hmarkhawlien mi Jubilee Lungṭau thina (murder) a inhnamhnawia intum a nia, March thla a’nthawk khan police le Army haiin an zawng ta reng a nih.
A laka hin Lakhipur police station ah case no 116/19 u/s 120(B)/121/121(A)/384/506/302 IPC RW u/s 25(1-B) (a) Arms Act zieklût a nih.
Assam Rifles thulâkna in a tarlang danin Pu Hmingte hi HPC (D) anti-talk faction hotupa a nia, Assam sawrkar le HPC(D) in Suspension of Operation (SoO) an lo ziek chu vawi tamtak bawsiein tukluina sum le sie (tax) dam khawnin Myanmar a’nthawkin ralthuom khawm a tawlrûk hlak niin an hril.
Pu Hmingte hi nikum February ni 22 zan khan Tezpur, Assam ah HPC (D) Finance Secretary Pu Nobar Sanate thina le inzawmin police ha’n an lo man tah a, hi hnung hin bail a insuo a nih.
Kum 1995 lai vela HPC a’nthawka HPC(D) a hung pieng khan Pu Hmingte hi president a nia, sienkhawm kum 2011 September thla vel khan an pawl ditnaw zawngin Kuki National Organisation (KNO) hai leh inremna an ziek leiin HPC (D) a inthawkin hnawk dawk a nih.
Chu china inthawk chun pawl dang indinin HPC(P) tia hriet an nih.
HPC(P) hi Assam le Mizoram a hai an che tla tak niin, Assam Rifles hotuhai chun an hril.
