Responsive Ad Slot

Hmar Inpui in Thenmuol khuoa silai kappuoktu hai a dem

Monday, May 6, 2019

/ Posted by Simon L Infimate
CCPur, May 06, 2019, Virthli (ONP): Hmar Inpui GHq chun May 29, 2019 zingkara Thenmuol khuoa silai kappuoktu hai a hnuoia ang hin a dem thu a puong.
--------
Thenmuol Khuoa Silai Kâppuoktu hai Demna
Tuițhaphai the 6th May, 2019

Hmar Inpui GHQ. chun tarik 30th March, 2019 a ei hnam sunga Silai Chawi Pawl hai chungthua resolution a lo passed ta chu a la fepui zing a, hi thuthlukna fepui a ni lai zingin Mr Alan Hmar le a rawi haiin (Letter to Hmar Inpui by Thenmuol HYA, HSA, HWA, Vâl Upa le VA) ni 2 May, 2019 zingkar khan, Thenmuol khaw sûngah lutin silai an va kâp baka mipui thlabâr taka an siemna chungchânga hin, Hmar Inpui thusuok inza nawna le hmusitna a kan ngaiin kan dem takzet.

Thenmuol khuo sunga thil ditumlo tak tlung hi mitinin ei dit nawin le ei lawm naw a nih ti hi a thawtuhaiin an hriet a ṭul. Hmar Inpui khawmin, hieng anga in rikrap zawnga thil thaw vet hi țha a ti naw hle a, Thenmuol mipui hai harsatna tuok hi pawi a tipui in ah tuorpui takzet cheu.

Tui boin nga a dam thei nawa. Hnam mipuiin ṭhuoitu dinga a i thlang - Hmar Inpui le a kaupêng hai le Hmar hnam mipui hai hi, ei hnam sunga a chawi pawl hai tading hin tui ang an nih. Mipui hlutsakna boin kal chawi hi harsa bawk a tih ti hrietu ei nih.

Hmar Inpui thurel/thupek inza nuomloa, mani nuomdan, ngaidan le ditdan ah hmalâkna hai hi Hmar Inpui chun a hrietthiem nawhin, a demin a ngaimaw hle bawk.

Tuel khom Hmar kan nih tia, Hmar hming put hrim hrim organization / pawla țhangsie anni chun, Hmar Inpui rorelna hai hi ngaipoimaw le inzadingin a tharin kan hung ngen a, a thawthei tak insâwna, nam nûl, annawleh palzût nawk el talo dingin, kan hung ngen tak meu cheu. Hi hi, Hnam anga ei damtlângna ding a nih

Hmar Inpui rorelna inza nuom derlo hai chu, a hun a hung tlung pha, an tu ra chu an sik ve ding anih. Hieng anga, hnam sunga remna le muongna a umna dinga Hmar Inpui thurel le thupek iengmaloa ngaia, deusaw taka hma la nuomhai chu Hmar Inpui le Hmar mipui haiin an ensan hun la um a tih.


Sd/-

(JOSEPH R HMAR)
President
Hmar Inpui
General Headquarter




Don't Miss
© all rights reserved
made with by Simon L Infimate