SAIKAWT, April 23, 2019, Virthli (ONP): Hmar Martyrs’ Trophy Organising Board (HMTOB) huoihawtna hnuoiah vawisun(April 22, 2019) khan Saikawt Playground-ah The 16th State Level Hmar Martyrs’ Football Trophy-Cum-The 29th Hmar Martyrs’ Day Observance 2019 Opening Ceremony puithu takin hmang a nih. Hun hmangna hi Nk. Mercy Lalumpui le Pu Ruolchunghnung Ruolngul han an keithuoia, Pastor EL Darngawn in hunhawng tawngtaina a nei zoin program tan a nih. Hi huna hin Pu Lalvullien Hmar, Chairman, HMTOB in lawmlutna thucha hrilna hun a hmang a, Mr. Lallienkhum Traite, Secretary, HMTOB in khuollien hai HMTOB hmingin Chawimawina thlipek ‘Memento’ inhlanna hunser a hmang . Hi hunser hmang huna hin Chief Guest- Pu T. Paukhanlian, Chairman ADCC; Functional President- Pu Solomon V. Hmar, Deputy Manager, Bank of Baroda hai a’nthawk thu tha tak tak ngaithlak a ni a, Pu Francis Songate, Gen. Secy., Hmar Inpui le Pu Lalhrillien Zote, EM, ADCC hai khawma thu tha tak tak hrilna hun an hmang.
Opening Ceremony hmang huna hin Nk. Christina Shakum le Nk. Mercy Lalumpui ha’n hnam hla mawi tak tak el sakin mipui fekhawm hai an inawia. Chief Guest Pu Paukhanlian, Chairman, ADDC in Hmar Martyrs’ Trophy 2019 kick off na a nei zoin 1st Match tan a nih. First Match a hin Pool A a team um hai - Defending Champion FAST, Rengkai le Kim Commissariat FC an inkhel a, hun pangngai ah 1-1 in an in draw leiin penalty kick nei a ni a, FAST chun 7-6 in hratna an chang. Hmar Martyrs’ Trophy 2019 a hin Team 20 an thang a, Pool 8 in the an nih. Zing (April 23) a hin 1:30PM ah FC Rhino v\s Saikawt YC inkhel an ta, 3:00PM hin Sielmat Youth Club v\s Sanakhang FC inkhel bawk an tih. Hmar Martyrs’ Trophy 2019 hi Virthli (ONP) in photo coverage hung thawng a ta, www.virthli.in ah match result hai hung update hlak ning a tih.
