Responsive Ad Slot

NCHISF le NCHIWF huoihawtna hnuoi ah Joint Meeting nei

Tuesday, April 16, 2019

/ Published by Simon L Infimate
Muolhoi/Haflong, April 15, 2029, Virthli (ONP): Vawisun khan Ladies Welfare Organization Conference Hall-ah N.C Hills Indigenous Student Forum le N.C Hills Indigenous Women Forum huoihawtna hnuoi-ah Joint meeting nei a nih. Meeting a hin Apex Bodies, Student Organization le Women Organisation hai khawm an thang sa bawk a nih.



Meeting a thurel thenkhat hai:
1. CEM N.C Hills Autonomous Council kuomah a hnuoia subject thu-ah hai hin memorandum pek dinga rem ti a nih.
# Haflong Town Committee in Haflong Market a bawngsa zawr an khapna thua hin CEM kuomah Order hi cancel dinga joint memorandum pek dinga remti ani a, Memorandum hi Apex Bodies, Student le Women Organisation hai popo hminga submit dinga rel a nih. Chun, bawngsa hi Assam rama hin khap ani naw a, chun khap lo ni reng sien khawm Sixth Schedule Area hi chu Tribal hai thuneina, mania ro inrelna ani leiin Tribal hai kal/do a dan an hung zam hi Tribal hai Rights an mi lakpek-ah mipui fekhawm hai chun an ngai a nih.

Bawngsa hi tuolpar-ah zawr hi hnam dang hai tadingin a lo harsa thei ngai ani leiin sa dawr, khawpui dang haiah Bawngsa zawrna ang tho hi Haflong Market a dawr hran hi siem pek dinga hnina hi siem bawk dinga remti a nih. Chun District sunga hrim hrim bawngsa zawr le that hi khap lo dinga ti ani bawk. Hnina siema a um hi an thleng danglam nghal naw ani chun Apex Bodies, Student le Women Organisation hai chun a tul ang angin nuorna inentir dinga remti a nih.

# Pu. C H Khawtlang N.C Hills Autonomous Council a CEM hmasatak Birthday chu Pu. J B Hagjar First MLA a birthday holiday a inser ang tho a inser tadinga hnina hi siem dinga remti ani a, chun a life size statue khawm Haflong khawpui laili lai taka siem dinga remti tlang ani bawk.

# Bazaar a Town Committee in building dawr thar a bawl hai hrim hrim hnam pakhat chauin an hmu bik hlak hi tuta inthawk chu Tribal hnamhai lai inang senga sem ta dinga remti a nih.

2. Haflong Khawpui a Indigenous Cultural Meet Haflong khawpui a hmang dinga rel a nih. Hi thu a hin ISF palai NEZCC Head Office Dimapur a intir remti tlang a nih.
ISF Delegates dinga ruothai:
1. Pu David Tuollai, Cultural Secretary NCHISF
2. Pu John Mark Pena, President HSA Assam Hills
3. Pu Itum Newme,  Gen.Secy ZSU(A)
4. Pu Lalhauthang Haolai, Secretary KSO(A)
5. Pu Lawmte Vankal ama hi Cultural Department a thawk ani a NEZCC kawk hmutu tak le hma iengkima lapui dinga ruot ani bawk. Details program hmang dan ding chu rel nawk dinga remti a nih.
Don't Miss
© all rights reserved
made with by Simon L Infimate