~ Jami Darngawn
Ei Lalpa Isu chu nang le kei suol Setan sala ei intangna a'nthawka mi tlansuok/sandam dingin hnuoi rinum a hin a hung a, a hung nasan a mawphurna chu rinum hle sienkhawm a hung thaw zo tâk leiin nang le kei chu suol Setan nau nita lovin Pathien nau ditum ei lo ni tah a nih.
(Haleluiah ! Lalpa kan lawm ie )
Awleh, Pathien nau duot ei ni tâk leiin nang le kei khawmin mawphurna pawimaw tak ei nei a nih. Ei Lalpa Isu chun hi khawvel a maksan ding khan a ṭhuoihruoihai kuoma thucha /mawphurna an hlan kha, turuok hin chu Lal Isu ṭhuoihruoihai khawm hi khawvel a hin um ta naw hai sienkhawm nang le kei kuoma khawm hi thucha/mawphurna hi pekin ei um a nih ti chu ei hrietsa nisienkhawm suklang nawk ei tih.
Marka 16:
15. Chun an kuomah, “Khawvêl popovah fe unla, thilsiem tinrêng kuoma chun Chanchin Ṭha hi hril ro.
16. Tukhawm a ringa, baptisma chang chu sandamin um a tih; nisienlakhawm tukhawm a ring naw chu thiemnaw changin um a tih.
17. Chun hieng inchiknahai hin a ringtuhai chu zui pei a tih: Ka hmingin khawhrihai hnawtdawk an ta; ṭawng tharhaiin ṭawng an ta;
18. Rûlhai kut chungah dawm an ta; thina tûr iengang khawm dawn hai sien la iengkhawm ti naw ni hai; damnawhai chungah an kut innghat an ta, dam pei an tih,” a ta.
Ani ngei Lal Isu'n thucha/ mawphurna Ami pek Chanchin Ṭha hrildarna pawimaw tak hi nang le keiin ei thaw thei dan chu inang kher nawng a tih, entirna'n baptisma inchangtirtu ding chun Pastor kher ning a ta, amiruokchu ṭawngṭaina le thil dang danghai hieng khawhri hnawtdawk theina khawm hi nang le keiin a ṭul hunah Lalpa hratna hmangin ei thaw thei a nih.
Kei khawm nuhmeite el nilang khawm Lalpa'n a ṭul huna chun hieng inchiknahai ṭhenkhathai hi Amin hmangtir ve hlaka a chang chun phu naw kan ti hlaka chu Lalpa'n Ama ropuina le A ram lienna dingin a nauhai an hmangtir lem a nih.
Hi khawvel ei inzinna ram a hin a chang chun suol Setan leiin chau le beidawngin um hlak inla khawm, nang le kei chu Lal Isu thisen mantam taka intlan/sandam ei ni tâk leiin, A min tlantu tieng en zingin fepei ei ta, ei Lalpa'n hne takin suol chu kraws ah A lo ngam taha ropui takin tlan a'nthawk a tho nawk tâk leiin suol chun Pathien nau duothai hi mi hne sawng ngai nawng a tih.
Ei hratna ni lovin Lalpa ei Pathien hratna ringsanin ei mawphurna Chanchin Ṭha hril/puong hi ṭhahnemngai takin ei theina zawn sengah thaw fan fan, ṭal ṭal, hram hram hlak ei tiu khai.
EASTER SUNDAY CHIBAI LE !
Ei Lalpa Isu chu nang le kei suol Setan sala ei intangna a'nthawka mi tlansuok/sandam dingin hnuoi rinum a hin a hung a, a hung nasan a mawphurna chu rinum hle sienkhawm a hung thaw zo tâk leiin nang le kei chu suol Setan nau nita lovin Pathien nau ditum ei lo ni tah a nih.
(Haleluiah ! Lalpa kan lawm ie )
Awleh, Pathien nau duot ei ni tâk leiin nang le kei khawmin mawphurna pawimaw tak ei nei a nih. Ei Lalpa Isu chun hi khawvel a maksan ding khan a ṭhuoihruoihai kuoma thucha /mawphurna an hlan kha, turuok hin chu Lal Isu ṭhuoihruoihai khawm hi khawvel a hin um ta naw hai sienkhawm nang le kei kuoma khawm hi thucha/mawphurna hi pekin ei um a nih ti chu ei hrietsa nisienkhawm suklang nawk ei tih.
Marka 16:
15. Chun an kuomah, “Khawvêl popovah fe unla, thilsiem tinrêng kuoma chun Chanchin Ṭha hi hril ro.
16. Tukhawm a ringa, baptisma chang chu sandamin um a tih; nisienlakhawm tukhawm a ring naw chu thiemnaw changin um a tih.
17. Chun hieng inchiknahai hin a ringtuhai chu zui pei a tih: Ka hmingin khawhrihai hnawtdawk an ta; ṭawng tharhaiin ṭawng an ta;
18. Rûlhai kut chungah dawm an ta; thina tûr iengang khawm dawn hai sien la iengkhawm ti naw ni hai; damnawhai chungah an kut innghat an ta, dam pei an tih,” a ta.
Ani ngei Lal Isu'n thucha/ mawphurna Ami pek Chanchin Ṭha hrildarna pawimaw tak hi nang le keiin ei thaw thei dan chu inang kher nawng a tih, entirna'n baptisma inchangtirtu ding chun Pastor kher ning a ta, amiruokchu ṭawngṭaina le thil dang danghai hieng khawhri hnawtdawk theina khawm hi nang le keiin a ṭul hunah Lalpa hratna hmangin ei thaw thei a nih.
Kei khawm nuhmeite el nilang khawm Lalpa'n a ṭul huna chun hieng inchiknahai ṭhenkhathai hi Amin hmangtir ve hlaka a chang chun phu naw kan ti hlaka chu Lalpa'n Ama ropuina le A ram lienna dingin a nauhai an hmangtir lem a nih.
Hi khawvel ei inzinna ram a hin a chang chun suol Setan leiin chau le beidawngin um hlak inla khawm, nang le kei chu Lal Isu thisen mantam taka intlan/sandam ei ni tâk leiin, A min tlantu tieng en zingin fepei ei ta, ei Lalpa'n hne takin suol chu kraws ah A lo ngam taha ropui takin tlan a'nthawk a tho nawk tâk leiin suol chun Pathien nau duothai hi mi hne sawng ngai nawng a tih.
Ei hratna ni lovin Lalpa ei Pathien hratna ringsanin ei mawphurna Chanchin Ṭha hril/puong hi ṭhahnemngai takin ei theina zawn sengah thaw fan fan, ṭal ṭal, hram hram hlak ei tiu khai.
EASTER SUNDAY CHIBAI LE !
