Office of the
HMAR RETURNEES' ASSOCIATION
Headquarters: Tuithaphai, Churachandpur, Manipur
HMAR MIPUI KUOMA THU PUONG
Tarik 17/3/19 Hmar Returnees Association Gen. HQ. Tuithaphai, Churachandpur, Manipur. Thurel (Meeting) chun hieng ang hin, hmuntin le ramtina um Hmar mipui hai kuomah thu puong a siem.
1. Tarik August 2018 a Hmar Inpui (Hmar Supreme House) General Headquarter kuomah hnam ta dinga Martyr hai ralna sum bawzui dinga ngenna a lo siem ta angin, kan Aihna phapui fam lo chang ta hai kan inzah in an chunga kan thawthei nuhnung tak tiin an dawng ding Hnam sipai(cadre) 63 hai kuoma inthawk, inbeng belna ding (Rehabilitation Package) Cheng nuoi thum (Rs 3 lakh) an I dawnga inthawk a kan Aihna phapui hnam pasaltha fam lo chang ta (Martyrs') hai ralna dinga Cheng sing riet(Rs 80,000/-) seng Nuoi sawm nga le singli an Sik thlak hi tuchen a pelova an um leiin an rang thei anga pe dawk dingin tarik 6/3/19 hin hotu hai kuomah ngenna siem a lo ni ta bawk.
2. Martyr hai ralna sum hi sukfel a ni hmakhat chu Hmar Martyrs' Day May 16th hi Hmar Returnees Association Gen. Headquarters Tuithaphai, Churachandpur, Manipur chun hmuntin le ramtin a Hmar mipui hriet dingin BOYCOTT a ni ti a puong.
3. Kan Aihna Phapui, Ram le Hnam damna dinga zanmu khawm tuorem lovin Hnam hmangaina leiin an hringna hlu tak hai lo in hlanin an hringna kan inza a, kan ngaisanga, hlu kan tia an inpekna hai hi ropui kan ti bawk. Kan Aihna Phapui haiin "THI LEH RUMKHATAH, DAM LEH TLANGKHATAH" tia an dawng ding Nuoi Sawmnga le Singli (Rs. 50,40,000) an dawng hmakhat Chu Hmar Returnees Association in hma la in a tawp Chen bawzuipei kan tih ti kan puong.
4. Hmar hnam sunga inthuruolna le inpumkhatna tha um sien kan nuoma, hnam sungah pumkhata ei um theina dingin Hmar Returnees Assocition Gen. Headquarters Tuithaphai chun thei tawp suoin hma la pei kan tih.
Ram le hnam inthuruolna le inpumkhatna dittu,
(RAMSANLIEN HMAR)
General Secretary
(LALDAWNLIEN)
General President
