Responsive Ad Slot

SHC interim sawrkar laklut ding

Wednesday, February 6, 2019

/ Posted by Simon L Infimate
Aizawl, 6 February, 2019, Virthli (ONP): Sinlung Hills Council (SHC) sawrkar lailawk (interim) chu zing tarik 7 February, 2019 (Ningani) hin laklut ning a tih.

Laklut rawngbawl (swearing-in ceremony) hi chawhma dar 11 ah Aizawl district Deputy Commissioner (DC) office ah nei ning a ta, DC incharge la mektu Additional DC in sesamna in nei tir a tih.

Pu Lalthlamuana Hmar chu Chief Executive Member (CEM) dingin laklut ning a ta, ama ruol hin Chairman dingin Pu Lalmalsawma Darngawn, Deputy Chairman dingin Pu Lalbiaknunga, Executive Member (EM) 4 le member pangngai mi 7 laklut ni bawk an tih.

Ei lo tarlang tah angin January ni 18, 2019 khan Mizoram sawrkar chun SHC interim period chu thlaruk sung annawleh council election nei hma po a dingin a pawtsei nawka, hi le inruol hin CEM, Chairman, Deputy Chairman, EM 4, member 5 le nominated member 2 a ruot nghal bawk a nih.

Thudawngna in a hril danin sawrkar hin planning board khawm siem tumin hma a lak meka, hi taka hin CEM į¹­hangsa in member 5 um dinga beisei a nia, amiruokchu order insuo a ni hma chu thuchieng iengkhawm hril thei a ni hri nawh.

COUNCIL MEMBER DING HAI

Chief Executive Member (CEM): Pu Lalthlamuana Hmar, Sakawrdai/ Shillong
Chairman: Pu Lalmalsawma Darngawn, Tinghmun
Dy Chairman: Pu Lalbiaknunga, Saiphai

Executive Members:
1. Pu Lalrosiem, Khawlian
2. Pu Ngursangkima, Phuaibuang
3. Pu R. Lalfakzuala, Sakawrdai
4. Nk Melody Lalchhuangzeli, Sakawrdai

Members:
1. Pu D. Hmangaiha, Sakawrdai
2. Pu Lalengzauva, Ratu
3. Pu Lalruatliana, Saipum
4. Pu Zahmingliana, Vanbawng
5. Pu HC Lalmalsawma, Zohmun

Nominated Members:
1. Pu Rodinga, Khawlian
2. Pu Kawlremthanga, Suangpuilawn 


Don't Miss
© all rights reserved
made with by Simon L Infimate