Responsive Ad Slot

Pu Ngamrothang Hmar in hnam thuoituhai bu fak thlangpuina a nei

Tuesday, February 26, 2019

/ Posted by Simon L Infimate
Muolhoi, February 26, 2019, Virthli (ONP): Pu Ngamrothang Hmar, EM, NCHAC chun 12th NCHAC election a thlangtlinga a umna le Executive Member (EM) a hmuna le inzawmin Dima Hasao le Karbi Anglong Disrict sunga Hmar organisation thuoitu hai chu vawizan tieng khan a chengna in Muolveng, Muolhoi ah Pathien kuomah lawmthu hrilna le bu fak tlangpuina a nei.
Hi huna hin hieng Hmar Inpui NC Hills & Karbi Anglong Region, HSA Assam Hills JHQ, HYA JHQ, HWA, HPU Assam le HPC (D) Assam Region thuoitu hai bakah Muolhoi Village thuoitu hai an thang. Oraganisation thuoitu haiin thu tha tak tak hai hril in Pu Ngamrothang Hmar a hlawtlingna lawmpuina inentirna in Thangsuopuon insiltirna le hma tieng peia hmalak tlang pei dan ding thuah inrawntlangna an nei bawk a nih.


Pu Ngamrothang Hmar chun hmatieng ah ram le hnam hmasawnna ding le hlawk theina ding hai thurawn inpetuo zing dingin a ngen a, 2019-20 Planning Board inthung ding mek ah hmalak dan ding le thurawn inpetuo dingin fe khawm hai kuomah a ngen bawk.

Don't Miss
© all rights reserved
made with by Simon L Infimate